نـجـم شـمـال(رويات ليبية)

حلقة52🔥

رواية نجم الشمال

البارت الاخير 😓💕

‏لا تستمر الحـياة الا بالتجاوزات ..
يجب أن تتجاوز خوفك،
وندمك، وهزيمتك،
وفي كثير من الأحيان
يجب أن تتجاوز بعض الأشــخاص أيضا.

#نجم_الشمال_الجزء_الثاني

#جميلة_جاسم

فرحه...شبحت لسلمى وخايفين تكون سمعت ...

سلمى...شني يام بترقدي ولا شن تعبتي

ام جهاد...لاااا غير فقدتكم بين الناس قلت بالك فرحه مريضة ولا شي ولا خيركم وجوهكم هكي

فرحه..ههها ..لاا كويسة غير حمودة يبي يرقد وسلمى قعدت تهدرز معايا...

سلمى...خلاص فرحه رقدي ولدك واطلعي تعااالي ...يام نمشو نطلعو شن الوقفات دايرات جهدهم وله يقدمو كويس...
طلعت اني وامي تمشي قدامي كل مرة تزيد تتقل رجلها في المشي وخايفه عليها...

ام جهاد ..وين الوقفات بنيتي ثريا كله داراته الا مطيحه روحها دددق دقق وشغغل وتسيق وضم علي ماقلت البسي زي خواتك ..قعمزي..
شييي شييي مابت

سلمى....تو نشوفها ...ارتااحي...مشيت للكوجينه لقيتها مقعمزة وفي ايدها طاسة روزاطه تشرب فيها والباب الخارجي مفتوح ..

سلمى...ثريا شن ديري في المطبخ

ثريا...شي كملت مع سامية واحلام وقعمزت

سلمى...هذو دافعينلهم فلووس تساعدي فيهم اعلاش ..قعمزي مع الناس خييرك ثريا

ثريا...ماخيرني شيي خيركم الي تجي تقولي خييبيرك ثريا
شن فيه تبي حاجه تتتخييلي ولا شنو .  اضحكي وفوتي عااادي..

شن شايفيني مهتكة شعري علي الساحلي ونعيط تعالولي انهبلت...

سلمى...مش هكي قصدنا نحكي اني لما تكوني بروحك اكيدة بتفكري وبتتخيلي وتشوفي شن صااير لاكن عاادي فووتي صح خطف ومش سااهل مع انه ماشبحتي شي من الخطف..
تدكري في جارتنا من سبها مسكينة علي خاطر بوها خطفوها اسبوع عندهم والله اعلم شن دارو فيها.  لذلك انسي

ثريا...اني نسييت وتناسييت ...وقت اصلا يوم وممكن ساعات واني راقدة منعرفش شن دارو صوروني او لا خدو لقطات او لا.  واخر شي الدوله المدنية السعيدة.  شدو حكيم يحققو معاه والي خطفوني مهناش

سلمى... حكيم طلع منها وبكفاله ضياء...الراجل لو مش المديرية شاهدتله بافعاله وضياء ومهيمن يعرفو كان توة محبوس..

ثريا. .واعلاش ينحبس شن داير

سلمى...انتي عندك المعلومات...مفروض اني نسالك ..حسب ما سمعت من جهيد...قال قاتل واحد كان قايم ثريا بيطلعها بيهرب باها.  ورمى فيه في قلبه وتوة في العناية.  

ثريا...تفكرت صح اني حسيت عليه لاكن مغمضين عيوني ماشبحت شي ...
قعدين نتكلمو...شربت من طاسة العصير ...خشت لبنى تجري للكوجينه