رواية نجم الشمال
البارت 32
#نجم_الشمال
#جميلة_جاسم
فرحه...قعدت نشبحلها مفهمتش قصدها... قتلها ...واعلاش منجيش يعني وين الكارثه في الموضوع
حتي ولو زهراء كانت تبي جهاد جهاد...تزوج وهيا اليوم عرسها ...ونصيبات..
خشيت ...حسيت النار والعه فيا....تلاقيت اني والبنات الداخل...
يشبحو وعيوونهم تهرب مني مش لدرجه هذي مكبرينها
جتني ثريا ..قتلي
جيتي فرحه قبل بنقولك اطلعي انتي وجهاد غيرو جوكم شن فايدة عرس لبنى وزهراء...
فرحه..قعدت نشبحلها
مقدرتش نتكلم اعلاش شن صاير مش فاهمة ...
سكتت لانه العيون كلها تشبحلي ... فرحه فرحه ..
هذي البرانية..
هذي مرت جهاد يناري بروحها من غير امها ولا خواتها
كلام نسمع فييه يوجع القلب وجوه جديدة منهم عاملات في الصاله ومنهم اهل الحوش...
الي المغرب والزحمه كثرت...وثريا وسلمى . فوق راسي
بالك تعبتي روحي ...
بالك اتحسي في روحك مضايقه روحي
اني معش قدرت نتحمل...كلامهم عز ولا متحشمين مني ..لاني اول مرة نحضر عرس في صاله...ولا اني مش من مستواهم
ركبت للحجر فوق ..سلمت علي لبنى...وباركتلها... معاها غزلان وفادية...
نسمع فيهم يضحكو ويتكلمو
ومشيت لدار التانية...لقيت زهراء....
عيونها حمر وتبكي ... معرفتش خييرها سلمت عليها وباركتلها...
وطلعت نسمع فيها تدعي وراي. ...شن لقى فيها الحيوانة حرمت عليا فرحتي ...
معقوله لدرجه هذي الناس تغل... هيا علي ذمة راجل تاني وهكي داايرة
مشيت خديت طاولة بروحي...وقعمزت كلمت جهاد .. المرة الاولي ماردش...كلمته تاني...
فصلني
تالت مرة... قالي بصووت عالي شننننن فيييه فرحه
انخلعت...قتله...خييرك جهاد ...اضايقت اهني ونبي نرووح اول كلمه قالها
جهاد.... قالولك حاجه سمعوك كلام ولا شي
فرحه ..لااااا
جهاد ....تعشيتو ولا مزال
فرحه...قعدين مزفوهمش بالاصل ...
جهاد...جهزي روحك توة انجيك..
.فرحه ...لبست جلابيتي..... ومشيت سلمت علي عمتي علي كرسي وجنبها عزايز كبار ...
معبرتنيش ولا قتلي حتي اقعدي ..طلعت وقفت فم الصاله ...الناس قعدة توصل والاغاني ياخدو في بروفه جايبين فرقه ..
ولا وحدة قتلي اقعدي واحني معااك...
وجعني قلبي وخااطري
رن تليفوني في ايدي قمته
جهاد يتصل
أنت تقرأ
نـجـم شـمـال(رويات ليبية)
Viễn tưởngروايـة: نـجـم،شـمال🤍 لـلـكـاتـبـة مـبـدعـة:جـمـيـلـة،جـاسـم🤍 عـدد حـلـقـات:52🤍
