يا مَحسنها صُدفه

البارت25

مرت اسبوعين هاديه على ابطالنا وصار في تطورات بسيطه منها شفاء باسل وشجن وفراس كلياً

« بالعصر في بيت عبد الرحمـٰن »

ميرال متوتره وتزبط اغراضها وختمتها وهي تدق على شجن الي وضعها زي وضع ميرال الدنيا عندها مكركبه ومتوتره بالحيل
ردت شجن وهي تقول بتوتر / لا اوفر حشى زواجي مو حفلة تخرجي وش ذا التوتر الي انا فيه جاني مغص
ميرال بتذمر / انا داقه عليك تهديني وانتي وضعك اخس من وضعي!
ضحكت شجن / كيف بهديك بالله
ميرال / اوف منك
شجن تحاول تهدي الوضع / طيب خلاص اهدي ترا اليوم احسن يوم فحياتنا بنفتك من الدراسه واخيراً بعد تعب دام ١٦ سنه
ميرال بتفكير / ويت ١٦ سنه كيف جبتيها؟
شجن بتفكير / هاه ، ٦ سنين ابتدائي و٣ متوسط و-
وقامو يحسبون من ما زاح توترهم شوي
شجن وهي تقفل / يلا ميرو خلينا نتجهز
ميرال بعدما راح توترها / شجن احبك فهاوتك شالت توتريي
ابتسمت شجن وهي تقفل وراحت تجهز الروب حقها والفستان وما الا اخره وكذاك عند ميرال ..

« ببيت سطام قريب المغرب »

الكل كان عارف ان اليوم حفل تخرج شجن فكانو يتنضروها في الصالة نزت شجن بعدما خلصت سبقها بظهورها صوت الكعب الي وصل قبلها وريحة العـود على فستانها الهادي الي بلون الابيض ضهرت لهم وكأنها اميره واذهلتهم بطلتها الميكب الخفيف والشعر الويفي الي لين الوسط ، الكل تنح فيها من سطام كبيرهم لترف صغيرتهم
ترف بذهول / انتي شجن؟
شجن نزلت وهي متحاسه شايله معها الروب حقها والقبعه واستغربت من ترف قالت بصدمه / وش رايك يعني وش ذا السؤال لاتجلطيني يـٰتوتا!
ترف تنهدت بتأكد / لا هي شجن قالت توتا
سطام / يا ارض احفضي ماعليكِ
ابتسمت شجن بخجل وبدت خدودها تحمر
شموخ / اللهم زد وبارك وش الجمال ذا
ايلين / على كل الحلاوه الي فيك ذي ماتخلينا نشوفها كثير انانيهه
شجن بمحارش وهي ترفع حاجبها / شقصدك يعني انا مو حلوه؟
ايلين ضحكت وهي تقول / يابنتي انتي حلوه فكل يوم وكل ماله ويزيد حلاك بمشيها لك ومابحارشك اليوم لنه يوم تخرجك
ابتسمت شجن ابتسامه عريضه وهي تقول / حبيبتي والله
شموخ وقفت وهي جاهزه / يلا نروح لانتأخر
شجن وقفت بثبات وهي تقول / متوتره الموقف اول مرا اعيشه احس ، احس يخـوف! مابي اتخرج صحيح كنت اقول متى اتخرج وافتك بس الحين اختلف الوضع صحباتي بودعهم وكل وحدا بتمشي بطريقها والله اعلم متى نلتقي من جديد اكره لحضات الوداع والحين رايحه لها برجولي
سطام وقف ومسك كتفها بيدينه وهو يحاول يهديها ويقول / ذا الطريق كلنا مشينا فيه وجا دورك تمشينه وتتركين بصمتك بيكون صعب عليك لاكن هي كذا الحياة كل شخص ويدور مصلحة نفسه وانتي لاتخربين فرحتك بوساوسك ذي صحباتك متى ماتبين بتكلمينهم عندك جوالك وعندك حساباتهم لو كانو بأخر الدنيا
ايلين تأيده / منجد لاتضايقي نفسك بيبقون معك على تواصل انتي عيشي اللحضه الحين وافرحي فيها
شموخ وهي تأيد ايلين / عيشي الشعور والسعاده لاتضيعين فرحتك وفرحتهم بأفكارك السلبيه ذي
ركضت ترف بسعاده وهي تطلع هديه مغلفه من تحت المخده وتمدها لشجن بشطحه وهي تبي تشارك بس مي عارفه كيف / مبروك التخرج شجو
انذهلت شجن وهي تشهق بفرحه وتقول / هيييههه! توتا!!
حضتنها بسعاده وهي مبسوطهه وتضحك بفرحه
ترف / لساعك ماشفتيها وطرتي فرحه!
شجن ضحكت / انها منك يكفيني وزيادهه
اخذتها وهي تفتحها وكانت طايره فرحه والكل يناضرلها ومبتسمين فرحانين لفرحتها فتحت شجن الهديه وكانت كتاب
صرخت بذهول / تمزحي صح!؟
ترف هزت راسها بلا وهي مبتسمه
شجن / ذا نفس الكتاب الي كان ودي اشتريه
ترف / سبقتكك وجبته
شجن وهي تناضر الكرتون / وشمعه بعد توتا احبكك
وحضتنها مرا ثانيه طلعت ايلين
وهي تتنحنح وتقول / توتا صار دوريي
وقفت شجن وشافت كيسه فخمه بيد ايلين / لا كذا كثير!
وهي من الفرحه مي قادره تعبر عن مشاعرها حتى ،
ايلين هزت راسها ببتسامه / افتحيها!
اخذتها شجن وهي تفتحها وكانت شرشف صلاة مع سجاده انيقه وسبحه خرزاتها حلوين
شجن بفرحه / الله يجننو!
ووقفت تحضن ايلين وهي للأن مي عارفه تعبر غير بلاحضان
شموخ وسطام كانو واقفين
سطام / وحنا مالنا من الطيب نصيب؟
يقصد احضان شجن
شموخ بمزح / ولا عشان ماجبنالك هديه!
ضحكت شجن وهي تتوجه لهم وحضنتهم مع بعض لنهم كانو واقفين جنب بعض وهي تهمس
وتقول / انتو هديتي واحلى هديه بعد ياحضي فيكم
وهي مستمتعه بالحضن وجداً
شموخ بعدتها بصدمه عفويه / هيه ليكون صدقتيني!
شحن مافهمت وقالت بفهاوه / هاه؟
سطام اخذ ملف كان على الطاولة من اول وشجن كانت شايفته من البدايه لاكنها توقعت انه لسطام وشغله رغم ان سطام مايخلي ملفاته بصالة الا انها خمنت كذا
مد سطام الملف وهو يقول / هديتنا انا وامك كنا محتارين مرا وش نجيب لك وقررنا بأحسن شي ممكن يفيدك بعد التخرج
شموخ ببتسامه وهي تكمل كلام سطام وتقول / وجبناه لك ..
شجن ناضرت فيهم بستغراب مافهمت مسكت الملف بتردد وايلين وترف فضولهم بيقتلهم يبون يعرفون وش ذا .... قبل لاتفتح شجن الملف مدت
شموخ ملف ثاني لـ ايلين وهي تقول / ومانسيناك
ايلين استغربت مرا وقالت / بمناسبه ايش
شموخ / ولا شي مايجوز نفرح بنتنا البكر ؟
ابتمست ايلين ابتسامه صفرا توترت شوي من الموقف وزاد استغرابهم ثنيناتهم لمتلاكهم نفس الملف ووش ذا الملف؟ .....
قال سطام ببتسامه / يلا افتحوها
فتحت شجن الملف واول شي قرته هو
رسمياً شجن سطام موضفه في شركة ###### ( وحدا من شركات سطام ) سكرتيره لـ انسه ايلين سطام!
عند ايلين الي فتحت الملف واول شي طاحت عينها عليه هو
رسمياً ايلين سطام رئيسة قسم ال#### في شركة #####
ولو تذكرو ايلين مو موضفه! ، صرخو مع بعض نطت شجن بحضن سطام بكامل جسدها وسطام انخرش شوي وحاول يتوازن لجل مايطيحون ولف فيها لفه وهي متعلقه برقبته بفرحه ، وايلين حضنت شموخ بفرحه وشموخ بادلتها الحضن وكان دافي وحنون ..... دمعت عيون ايلين من الفرحه
وقالت ودموعها بدت تتمرد عليها / كيف اشكركم انا كيف اوفي حقكم انتو احسن اهل في الحياة الله لايحرمني منكم
شموخ وهي تمسح دموع ايلين / ياعمري انتي ولا يحرمنا منك يارب
شجن وقفت مستقره على الارض من بعدما بعدت عن سطام والدموع بعيونها ، سطام كان مركز مع ايلين وكلامها لاكنه حس بنضرات تخترقه التفت ويلاقي شجن هي وعيونها الدامعه
قال بورطه / لا لا انتي لا تبكي مكياجك بينحاس ياحرمه لا!
راحت الدموع وضحكت شجن من قلب على شكل سطام المتورط وقالت / والله اني احبكم ~خانها التعبير وتحمست وهي تقول~ والي سواها سبع ورفعها سبع راح اكون سندكم لاغزى راسكم الشيب!
ابتسم سطام بحب وشموخ بعد حركة جملة شجن فيهم مشاعـر جياشه
سطام / وهالله هالله بالشغل اعطوه حقه وسووه بأمانه ولاتخونون العهد
ايلين / ماطلبت شي
شجن / ابك انت أمر وحنا نقلك سـمّ
سطام بتنبيه / ولاتنثني لكم هامه وانتو بنات سطام!
حركة ذي الجملة الكثير من المشاعر بقلب ايلين وشجن وترف كمان صحيح مكانت فاهمه وش يعني هامه لاكنها تعرف وش يعني لا تنثني! فا اكيد انه شي كويس وابتسمت بطفوليه .. شموخ لاحضت انهم ماعندهم رد لكل ذي الاشياء الحلوه الي صارت لهم دفعه وحدا لاكنها هي وسطام كانو شايفين كلام كثير بعيونهم الي كانت تلمع بسعاده
تداركت شموخ الموقف اول مالاحضت دموع شجن الي بدت تتجمع بعيونها / يلا يلا لانتأخر على حفلتك!
شجن وهي تحاول تبعد الافكار السلبيه الي جاتها فجأه وهي تقول / اي صح يلا!
وطلعو للحفل وسطام هو الي بيوصلهم وشموخ كانت مع شجن ايلين وترف بقيو بالبيت ، بطريق حست شجن بتأنيب ضمير قوي جدا هي ليه تكذب على سطام كل ذي الكذبات الخطيره الي لو انكشفت ممكن ينتهي كلشي بينها وبين سطام ليه تسوي فيه كلذا وهو يقلها لاتنثني لك هامه وانتي بنت سطام؟ جاها اقوى تأنيب الضمير وحلفـت يمين انها بعد الحفله تتوب عن الكذب وماعاد ترجع له مرا ثانيه مهما كانت العواقب والكذبات السابقه الي قالتها لسطام الله يغفرلها ماراح تسوي شي حيالها للعلم لو انكشف وحدا من ذي الكذبات شجن راح تقول لسطام الصدق وماراح تكذب من جديد لنها حلفت ، ولا تمشون على مقوله الكذب منجاه! توق توق توق عمره الكذب مكان منجاه لاحد بلعكس الكذب يدخلك بمشاكل اكثر واكثر وانت تكذب الكذبه عشان تنجيك من الغرق ماتنتبه الا وانت غايص زيادة لمت ماتغرق في تأنيب الضمير والحزن والنـدم الي عمره مكان شعور سهل على احد انه يتحمله ويعيش معه فلا تغلطون غلطة شجن الي ندمت عليها ولاتجازفون بثقه شخص عزيز عليكم سواءً كان امكم او ابوكم او اي احد عشان مشكله واجهتكم حتى ولو كانت مشاكلكم ياكبرها كبراه ولو قلتوها بتروحون فستين داهيه قولوها ماتدرون وش يصير! ما ممكن لو شجن قالت لسطام مشاكلها يوقف معها ويساندها؟
بسم الله الرحمن الرحيم
قال الله تعالى
"لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا" { الطلاق ١ } من بدايه الايه الكريمه ..
وحبل الكذب قصير لاتقولون لو لعبتها صح مابتنكشف بتنكشف بنهايه الا في حال ربي ساتر عليك زي شجن هاذا موضوع ثاني لو حسيت انك كذاب وتكذب كثير وماتنكشف لاتفرح لن ربي يبيك تعرف غلطك وتعدله مو تزيد فيه وتغضب ربك عشان كذبه مدتها فتره محدوده وشجن راح تعيش مع تأنيب الضمير والندم طوال حياتها وهاذا كله ليه؟ لانها كانت تكذب وتكذب بستمرار وعلى اتفه الاسباب وكان عذرها مافحالي اقول الحقيقيه!! ، مهما كانت الحقيقه مرّه وقولها ماراح يكون بصالحك قولها بدون خوف وإلي يصير يصير انت وش عليك؟! اهم شي انك ماتسوي الحرام وتذكر لو كنت مع الله الله بيكون معـك ⁦✧⁠* مهما كانت مصيبتكم كـبـيـره الله اكـــبـــر     .