يا مَحسنها صُدفه

البارت9

" - صب فنجال ضيقك ياصديقي بشربه عنك وتنسى كل ضيق دامك الوافي وميقافك حقيقي والله إن اطيق لاجلك مالا اطيق " شجن :

ابو نايف / اجلسي اول شي ...
ليان بأنزعاج / فاتن بعدي شعرك عني ابي اشوف!!
لانا حطت سبابتها على فمها / ههش لايسمعناا
كانو كلهم مطلعين نص راسهم وكل وحدا فوق الثانيه لجل يشوفون شجن وابو نايف ( ملاقيف ) كلهم كانو في ماعادا ايلاف الي سوت نفسها زعلانه لان شجن قاطعت كلامها ودخلت عند امها ..
جلست شجن والدنيا ضلمت وكان قريب العشاء ..
ابو نايف بجديه / ببيعه وبيجون ياخذونه بعد شوي
شجن تحاول تقنعه / لا ليه تبيعه ماسوا شيي
ابو نايف عقد حواجبه / كيف ماسوا شي كان بيضرك!
شجن / بس انا كويسهه ما يحتاج تبيعه يعم
ابو نايف خبط الطاوله بقوه / بينباع يعني بينباع محد روضه للحين بيسبب لنا مشاكل!
الكل برا خافو من ابو نايف لانهم يعرفون لو يبي شي يسويه ومحد يمنعه ولا قد احد تحداه من قبل وهاذي اول مرا احد يعانده بقرار اتخذه ..
شجن خبطت الطاوله اقوى منه وبحزم / اعطيني مهله يومين واذا ماروضته بيعه؟!!!
ارتجفت اجسامهم بخوف من الي بيصير ...
نرجس بخوف / الله يستر ليتني بالعه لسانيي! .....
ابو نايف بصدمه بنفسه / يومين!! جبنا له واحد يروضه وجلس شهور ولا روضه واستقال
شجن وابو نايف ماشالو عيونهم عن بعض وكل واحد يعاند اكثر من الثاني
شجن بهدوء / ان كانك تغليني يعم لبي طلبي وعطني فرصه ...
ابو نايف بنفسه / ايه والله اني اغليك يبنيتي وماودي اخلي شي بخاطرك لاكن اخاف يصيرلك شي
ابو نايف سند ظهره وهو يقول / وليه كل ذا ترا حاول يأذيك وانتي تدافعي عنه
كان يبي يختبرها وانها واثقه من الشي الي بتقدم عليه
شجن سندت ضهرها وبنفس اسلوبه / طبيعي جداً بيعصب لان شخص غريب ركب عليه ويمكن اذيته بدون لا انتبه اكيد عندو سبب .. يعني مستحيل يعصب عبث انتو سألتو اصحابو القديمين ايش كانو يسو فيه ؟ سألتوهم ليه يعصب بسرعه ؟ اكيد كانو يسون له شي ، مهماً كان انسان او حيوان التعامل بيأثر عليه اذا كان تعامل قاسي بيخليه يخاف من كل شي ويعصب طول الوقت واذا شاف محبه من الي حولينو بيصير طيب وكويس
ابو نايف تأثر بكلامها ...
ميرال بنفسها / شجن .. رغم كل هاذا ولسه تدافع عنو واضح انها حبتو ذي الهبله اعرفها زين
ميرال مقدرت تستحمل ودخلت! / يبه طلبتك ، عطها فرصه بتروضه وبتخليه احسن واحسن اوثق فيها ترا ماقالت كل ذا الكلام الا وانها واثقه بنفسها وقدراتها وما راح تخصر شي كلها يومين ..
دخلت لانا الي كانت شايل هم فراس وقررت انها تساهم بأقناع ابو نايف / عشاننا يعم وعشان فراس!
ابو نايف وقف وتنهد / ااخخخ منكم عنيدات طيب يومين .. بس بشرط!
شجن قبل لا يقول شرطه / موافقه-
ابو نايف كمل كلامه / كلمي فراس وخليه معك
شجن جتها صدمه وبنفسها / لا هيي مابيهه!!
ميرال همست لشجن / شجن ترا بالقوه اقنعناه وافقي بعدين فراس زوين
لانا لاحضت شجن وقربت هي كمان تهمس لها / شجو وافقيي تكفين ...
شجن كانت ناويه انها تمنع العم عبد الرحمـٰن انه مابيع شعله ومع سياق الحدث اطرت انها تروضه خلال يومين! وكانت راضيه عشانها وعدت لانا لاكنها ماتبي فراس معاها!!
شجن بمحاوله هادئه للاعتراض / مايحتاج احد يساعدن-
قاطع ابو نايف اعترضها / اجل الغي الاتفاق
شجن بخوف / لا خلاص خلاص 'وبتذمر ' طيب موافقه بس شوفهه يمكن مايبي
ابو نايف ابتسم / انا اكلمه معليك
شعر فاتن دخل بعين ليان وتحركت وطاحت وطيحتهم كلهم وشافهم ابو نايف
ابو نايف ضحك / الله يحيكم
البنات انحرجو بالحيل
فتون / يعني كان لازم تنفشل!
لينا / اوف منكم بطني توجعني من الفشلهه
ابو نايف ضحك وطلع وهو كان شايفهم من اول ، الكل فرح ، وارتسمت ابتسامه جميله على ثغر شجن
راح ابو نايف يدور فراس لاكن مالقاه بولا مكان في الفيلا فتوقع انه بالغابه وراح هناك ولقاه جالس تحت شجرة ويناضر السماء السوده ..... جلس بجنبه وفراس صحى من شروده واعتدل
ابو نايف بعد ماجلس / اعذرني يـٰفراس ..
فراس بندم / على وش اعذرك يعم انت ماسويت شي انا الي اطلب منك المعذره على كلامي ...
ابو نايف / لاتعتذر لانك قلت الي بداخلك! علعموم انا مو جاي ازيد عليك
فراس بهدوء / وش بغيت يعمي؟
ابو نايف لف له ببتسامه / شجـن!
فراس كان على وشك انه ينفعل لاكن تمالك نفسه
كمل ابو نايف كلامه / جاتني وكلمتني بموضوع شعله
فراس بنفسه بغضب / اكيد شكرته ، من قداها بنت الاكابر بيبيع الحصان الي طيحها وش تبي اكثر!!؟
فراس بغضب ممزوج بفضول / وش قالت؟
ابو نايف / قالت ......
وقال الي قالته شجن وفراس كان شبه مصدوم هي اخر وحدا توقع انها بتدافع عن شعله وليه تدافع عنه وهو حاول يأذيها او اذاها ..
ناضر فراس بأبو نايف بهتمام / وانت وش قلت يعم؟
ابو نايف ابتسم / قلت ايه لاكن بشرط!
مالحق فراس يفرح حتى وتوقع ٪١٠٠ انه شرط قوي وانو شجن رفضت
لاكن صدمه ابو نايف وهو يقول / الشرط هو انت!
فراس بعدم فهم / انا؟
ابو نايف / ايه نعم ، ابغاك تكون معها طول فتره اليومين لمن تحاول تروض شعله لني خايف عليها توها طالعه من المستشفى
فراس انصدم هي ماتطيقه كيف وافقت!؟
فراس بصدمه / وافقت!
ابو نايف / وافقت لاكنها كانت متردده شوي من انك ماتواقف وقلت لها انا اكلمه وش قلت-
فراس عشان شعله / موافق!✨
ابتسم ابو نايف وقام من عنده ... طبعاً خوات بحر قالو له عن اخر الاخبار وهو تعدل مزاجه وترك فراس يجلس لحاله لين يهدا
عند البنات
باليل .. الساعه 9 وشي
كانو جالسين وشجن كانت على الجوال
ميرال بتسأل / بنات مالاحضتو شي ..
شجن والكل / وشو؟
ميرال / مدري بس مو كأنو العيال كئيبين شوي؟
نجود / ايهه قلي تيم
ميرال بفضول / وش قلك!؟
نجود / يقولون انو فـراس!-
شجن لا ارادي رفعت عينها عن الجوال وركزت بكلام نجود
لانا بلقت ريقها بخوف تجهر نفسها لطامه ، كانت متأكده انو صار شي يعني معصب ومايرد على اتصالاتها ومختفي من العصر!! اكيد صار شي
نجود كملت / انو فراس ضرب عمار!
لانا ولينا شهقو بصدمه
نجود / حتى ثوبه صار كلو دم
نرجس بصدمه / احاا!
شجن بألم وصدمه / مو معقول! ' وبحقد 'ليه كل ذي العدوانيه!؟
ميرال بمصارحه / والله معليش عمار يستاهل دايم يستفزه وش متنضره يعني
شجن / مين عمار؟ انا ماشفت الا فراس وبحر وواحد دايمم مع تيم هوا ذا عمار؟
ليان / لا لاا ذاك يزيد الي دايم مع تيم عمار ولد العم نضال اخو نرجس!
شجن لفت لنرجس ومبقق عينها / اخوك!؟
نرجس ببرود نزلت فنجانها وهي تقول / يب ، هو يتحركش بفراس وفراس الورع الي بعمر ١٠ سنوات يعرف انه ينفعل بسرعه
لانا بتوضيح / فراس ماينفعل على اي شي!
شجن بفضول وضح على ملامحها / وعمار ليه يكره فراس؟
نجود / الغيره يختي فراس عنده املاك وعقارات وتجاره واشياء كثيرهه وخير! وهو عمره ٢٧ بس
فتون / ماشاءالله عليه ، رزه وهيبه ووسيم بعد
ليان / فوق ذا كمان كـاش
فاتن / هاذا الي ينقال عنه فِز له يا ارض!
نزلت شجن جوالها وناضرتهم بهتمام وبنفسها / والله انا الي فز قلبي مو الارض!؟
ولانا مبتسمه بخفوت وهي تشوفهم يمدحون اخوها
نرجس / احسن شي فيه انه مو ملتزم وماشي على كيفهه عمار الغبي بدال مايحاول يصير احس منه سوا الاسوء! ابوي واضح عليه ضيقت الصدر
لينا / فراس يجرح لو كان معصب اكيد قله شي يزعله وهاذا اكثر شي ما احبه فيه
ليان / ايهه مرا يجرح ولو عصب ماعاد يشوف قدامه!
شجن بنفسها / يمه! وحش
لانا / بس حتى فراس تلاقونه معصب الحين
شجن / وليه يكفي انه بَكس المسكين ذاك؟
ميرال بتفهيم / فراس مايعصب بدون سبب والكل يعرف ذا الشي ...
لانا وهي تهز راسها وتأيد ميرال وتقول / ام ام
( يعني صح صح )
شجن بهدبه / واذا عصب يعني وين بيروح؟
الكل / للغابه!
ابتسمت شجن بغباء وهي تقول فنفسها / هو مو بالمعنى الحرفي لوين يروح لني مو مهتمه بس قلتها كذاا ...
نجود / دايم يروح لها لمن يعصب عندنا
ميرال بأمر / شجن شرايك تروحين له شكلك مهتمه
لانا بصدمه / لا لا ما انصحكك!
شجن بققت عيونها لميرال / هيي! اهتمام ايش طيري بس اخر هميي تبيني اروح له عشان اتبكس لا والله الي فيني مكفيني
نرجس بتأيد / اقول قومي! يمكنه عصب لمن عرف انو عمي ابو نايف بيبيع شعله
شجن بورطه / بس مابيبيعه خلاص ...
لانا ببرائه / شجوو روحي شوفيه مرا خايفه عليهه
شجن بصدمه / انتي اختهه انا وش دخلنيي!!؟
لانا ابتسمت ورفعت كتوفها بمعنى / ما اعرفه!
ميرال بعتاب / شجن! لازم تهدينه لانو عنادك واصرارك انك تركبين شعله هوا السبب بكل ذا
شجن وهي تناضر الجدران بتهرب / ويعنـي ..
الكل بصوت واحد / ويعنــي!!
بطريق الغابه
شجن وهي تمشي وزامه فروتها عليها وهي بردانهه والكاب عليها ..
وبنفسها / اوف يا ، ليه انا! هو صح اني السبب بس .....
تنهدت بضيق وصارت تدور فراس واقتنعت لانها بنهايه لازم تراضيهه ، التفتت يمين ويسار بخوف لانو الدنيا ظلام ، حس بخطوات احد وقام بهدوء شافها خايفه ابتسم بشر ...
••••••••••••••••••••••
عن البنات انتقلو من مدح فراس لبحر! ، وام ايلاف طلبت منهم انهم يخلون بنتها تجلس معهم وهم من ادبهم ماقدرو يرفضو واطرو يتحملونها شوي ..
ايلاف بأنزعاج / فراس فراس فراس ازعجتونا بحر! احلى منه بكثيرر
الكل التفت لها بغرابه الي ايش دخل بحر؟ ، ميرال اعطتها نضره من فوق لتحت ورفعت حاجبها بحركه لا اراديه ولانا ناضرتها من فوق لتحت الي مين انتي عشان تقولين كذا عن اخوي؟! بينما هي كملت كلامها بهيام ..
ايلاف /
طويـل
اكتافه عريضه
عضلاته
شعره
ملامحه ... كلشيي فيه يجذبنيي!
وميرال جسمها احتر من القهرر تبي تتكلم بس بصفتها مين؟! وايلاف قليلت الادب ما تستحي تقول ذا الكلام؟!! ونضرات ميرال تخرش رافعه حاجبها اليسار ومعدة حواجبها ، وماده بوزها بعصبيهه وجاهله انضاره وهو مبسوط وفيه الضحكه من نضراتهاا ، بحر كان يبي يكلم لينا بشي وكان على وشك يدق الباب بس كان مردود ( يعني مفتوح فتحه بسيطه ) سمع كلام ايلاف وفرد حواجبه
وبنفسه وهو يناضر اكتافه / اكتافه عريضه؟ بسم الله علي الرحمـٰن الرحيم!!
وكان على وشك انه يروح بس لمح ميرال ونضراتها وجلس يناضرها شوي بسـعاده على غيرتها عليه ...
ميرال لمحت احد كان واقف ورا الباب لحقته بعصبيه وهي تحسبه احد من اخوانها يشوفهم! وكانت معصبهه تبي تطلع حرتها في اي احد شافته معطيها قفاه راحت مسكت كتفه ولفته بقوه!
ميرال بعصبيه / ماتستحي على وجهك انت!؟ والله لعم ابوي عليك جالس ورا الباب ' فردت حواجبها وتغيرت نبرت صوتها للأخف' تسمعنا-
سكتت واستوعبت اخيرا ان الي قدامها بحر ومرت ست ثواني صمت يناضرون بعض هي مو مستوعبه ان الي قدامها بحر وهو مو مستوعب لفتها القويه له وانها كانت تحسبه واحد من اخوانها .....
•••••••••••••••••••••
عند شجن وفراس الي ابتسم بشر وراح يفجع شجن!! صرخ بحده وهي كانت مفجوعه اصلاً ، فزت بخوف وصرخت معه بخرشهه ، سكت لمن شاف صراخها بدا يزيد وهي فتحت نص عين بخوف اول ماسمعت صوت ضحكات وشافته واقف قدامها يضحك وماسك بطنه
شجن بعصبيه / وجع! ولا حق اني جايه اراضيكك!!
فراس بستهزاء / انتي؟ تراضيني انا!؟
شجن / حسبتك هيبه زي مايقلون بس طلعت خيبه شتسوي بنص الغابه كنك طرزان
فراس ببرود / زي مايقلولون؟
شجن بعصبيه / ايه هم قال انك تخوف لمن تعصب وحتى لانا قالت لي اجيكك لانها خايفه عليك
فراس بستنقاص / ومالقت غيرك 'وهو يأشر بسبابته عليها من فوق لتحت'
شجن بثقه فردت حاجبها وصغرت عينها / احمد ربك اني انا جيت غيـرك يتمنى اني اعرف بوجوده!
فراس انقهر من كلمتها وثقتها الكبيره
شجن تنهدت / مو هاذا الي بقوله 'وبتردد' شسمه جاك العم ابو نايف؟
فراس كذب / لا ما جاني ليه؟
يبي يشوف وش بتقول .. صدمته وهي تقول
شجن / كلمته انه مايبيع ليل! وهو مايرفض لي طلب
فراس جاه لاق شوي / ليل؟! اسمه شعله شعـله!
شجن بمعارضه / مو لايق عليه شعله ليل احلى عليه عيونه تلمع زي ضوء القمر وشعرو اسود زي سواد الليل ..
فراس / واو! اتغزلي زيادهه!!
شجن اشرت عليه ولفت راسها وهي تقول / هيا خذلك ذا النفسيه ، اسكت شوي خليني اقول الي ابا اقولهه!!؟
مرت ثلاث ثواني صمت فراس يناضر شجن يستناها تكمل وهو يضحك بنفسه على نفسه! لانو محد يتجرء ويسكته كيف هي خلته يسكت؟! ، وهي تحاول ترتب الكلام بس ماقدرت
شجن بفقدان امل من انها ترتب الكلام قامت تهبده هبد! / شوف الحين ابو نايف قلي انه مابيبيع ليل لاكنه قال كمان عندك يومين تروضينه وانا قلت طيب ، طيب؟
فراس بتصحيح / شعلـه-
شجن تجاهلته وجاوبت على نفسها / طيب وكمان قال خلي فراس معك عشان لو ليل هاج يرفسه هو بدالك!
فراس بتصغيرت عين / هو قال كذا؟
شجن ابتسمت بخرشه من نضراته / امزح شفيك الواحد مايمزح معك
فراس / انا راح اروض شعله لحالي!
شجن بعناد / لاتتفلس انا وعدت ابو نايف مع الاسف ولازم افي بوعدي ولا لـو علي كان سحبت عليك!
فراس حط يدينه بجيوبه وقال الصدق / جاني ابو نايف وقلي عن كلشي قلتيه وسويتيه! وانا كمان وعدته مع الاسـف!! ' وزم شفايفه وغمض عينه وهو يهز راسه بندم'
شجن ما اهتمت انه كذب عليها وقالت / تراني اكون صاحيه باليل مايجيني نوم لان عندي ارق فا لو جيتك تنزل معي لليل اتفقنا؟
فراس بتصحيح / شعلـه-
شجن وهي تهمس / اصلاً ما اتوقع يكون عندك مشكله انك تصحى بالليل لأنك تكون برا مع بنات الشوارع-
فراس قرب لها بغضب مكبوت لانه سمع كل كلمه قالتها / نعم! بنات شوارع؟!
شجن خافت منه ورجعت خطوتين لورا ..
فراس / انتي الغباء عندك وراثه ولا بجهد!؟ ' وبتوضيح ومو من عوايد فراس انه يوضح لاي احد ' كنـت بالجلسه الخارجيه بصباح لاني مصدع وبشم شويت هوا ما رحت اتسربت بشوارع انتي وتفكيرك!!
شجن / اخر هميي!
قالو بصوت واحد
شجن ، فراس / الشي الوحيد الي بيننا هو!
فراس / شعله!
شجن / ليل!
فراس ، شجن / اتفقنا!
وبصوت واحد بعصبيه خفيفه
شجن / لاتقلدني؟!
فراس / لاتقلديني!؟
••••••••••••••••••••••
عند بحر وميرال الي الشرار جالس يتطاير من عيونها ابتسم بحر بخفيف على سوء الفهم البسيط الي صار وميرال بققت عيونها وبغيض / اشوفك مبسوط! عاجبك الوضع جالس تضحك كمان روح لها جعلكم ماتتهنون يا سـلقه انت! وهي! لاعاد اشوفك قدامي اذلف عني
ودفته وطلعت لغرفتها .. وكل هاذا وهو يتأملها وهي معصبه وغيرانه ، كان وده يهديها و يفهمها لاكن يعرف طبعها لَ عصبت ماتهدا الا لو راحت لحالها تهدي نفسها بنفسها ... دخلت وصفقت الباب بقوه وهي تقول بعصبيه
ميرال / قليل ادب!
شجن كانت واقفه وتدور بالغرفه ..
قالت بعصبيه وهي تشبك معاها / ووقح كمان
ميرال بغضب وهي تعززلها / اييه!!
شجن / يقلي تنكه وهو التنكهه!!
ميرال كانت بتعزز بس سكتت شوي وهي تناضر شجن بستغراب سبت بحر المعتاده سلقه مو تنكه؟
ميرال / عن مين تتكلمين؟
شجن بستغراب / فراس مين غيرره
ميرال انفجرت ضحك / انا اتكلم عن بحر ههههههههه
وقامو يضحكو لمن استوعبو انو كل وحدا تتكلم عن شخص
شجن بتسأل / ايش سوالك بحر عشان تعصبين منه كذا؟
ميرال اتذكرت بحر وايلاف وعصبت / ال! مانيب قايله وش ما سواا ايلاف تتغزل فيه وهو يسمعلها ومبسووط!!
شجن بصدمه / ايـلاف!؟
ميرال قالت بغصه / ايهه طلعت تحبهه
شجن بتهدئة / يشيخه طُز فيهمم
ميرال وهي تحاول تطفي نار غيرتها / صـح عليكك
شجن ابتسمت
والكل راح يناام
الا شجن الي اخذتلها غفوه وصحت بخوف تحسب اليومين خلصو!
بغرفة ميرال
الساعه ١اليل! تسللت شجن لغرف الضيوف تبي تشوف اذا فراس صاحي ولا لا لنها بتنزل لِ ليل .. حرفياً كنها حرامية هي وفروتها البنيه والكاب عليها ... ماتعرف ايت غرفه هي غرفت فراس وماتبي تدق الباب عشان لاتزعج الي بالغرفه فتحت اول باب وكانت ام بحر .. قفلت الباب بهدوء وهي متفشله من الي تسويه بس وش تسوي تبي تنزل لِ ليل! ولازم فراس يكون فيهه على الاتفاق وهي ماتعرف ايت وحدا هي غرفت فراس تعرف غرفت لانا بس! فتحت الغرفه الثانيه وكانت غرفت يزيد الي ريحتها ريحت شبس ليز وكلها اكياس وفوضويه مره وكان تيم موجود كانو جالسين على الارض يلعبون سوني ومندمجين لفو مع بعض بخرشه على الباب الي انفك على كبره وكان شعر شجن على وجهها ومبققه عينها منخرشه منهم تحسبهم نايمين ناضرو كلهم فبعض لعدت ثواني بدون حتى مايرمشون شجن انسحبت بهدوء وقفلت الباب بخفيف وركضت! ودخلت الغرفه الي بجنبهم علطول .. وتيم ويزيد ناضرو بعض وبسرعه قامو فتحو الباب وشيكو على الممرات وكانت خاليه ناضرو فبعض بخوف وبنفسهم جنيهه!!... ، تنهدت شجن بصوت راخي مع تغميضت عين لثواني .. وكانت داخل احدى الغرف ومستندى على الباب من جوا فتحت عيونها بصدمه اول ماشافت بحر يتقلب
بحر وهو حاضن المخده بكل حب وهيام وكان بأحلام سعيـده / ميرالـي
زم شفايفه بستعداد لتقبيل وباس المخده! شجن عينها دمعت من الضحك ووجهها احمر لحبسها الضحكه وتذكرت ميرال لمن كانت حاضنه دبها وتقوله بحوري طلعت جوالها وصورته
وبنفسها بضحكه / الله يجمع ملابسكم بغساله وحدا قولو امين
بحر / اممم
طلعت علطول قبل لايصحى كانت على وشك انها تفتح باب احدى الغرف لاكنها تذكرت انها غرفت ام فراس فبدال ماتجيب العيد تركت الغرفه وراحت للغرفه الاخيره دقت الباب بخفيف .. ماف رد رجعت تدق برضو ماحد يفتح رفست الباب وكانت تشتم بصوت مكبوت وانفتح الباب وطلع فراس الي اول ماشافها تعقدت حواجبه / نعم؟ يعني الواحد ماينام لو شديتي حيلك شوي بتطلعين بأحلامي!
شجن براحه انها واخيرا لقته / اول مرا افرح اني شفتك تصدق؟ ' استوعبت الي قاله وقالت' ويت!منزين احلامك عشان اطلع فيها اخلص بنزل لليل!
فراس بصدمه / بذا الوقت؟
شجن بتفهيم / ماجاني نوم قلت اجرب حظي
فراس بتحطيم / حظ اقـشر
شجن / الحين بنتزل ولا لا ؟
فراس / اصبري بلبس بلوفري
ودخل وقفل الباب
شجن توترت شوي وكان سبب توترها انو ممكن يلاحظ اختفاء بلوفره الي اعطاها ياه والي هي لابسته الحين! لنها ماتقدر تقاوم ريحته الفواحه ودفاهه .. بعد دقايق طلع وهو جاهز ولقاها تناضر جوالها وتضحك بخفيف تقدم .. وشافته ونزلو بصمت! راحو عند ليل ، شعله ولقوه صاحي
فراس كان مستند على باب من بيبان الاسطبل ومتكتف .. قال بستهزاء اول ماشافها خايفه من شعله / اتحفينا يلا
شجن بخوف وهي تمد يدها الي ترجف وتحاول تربت عليه / اقول! 'بنبره انعم' تراه ليلي.⁠｡⁠*⁠♡⁩
فراس بضحك على نبرتها / ليلك بيعضك يامال الشقى!
شجن اول ماسمعت يعضك بعدت يدها وضمتها بخوف
فراس / ما عليك مابيعضك ربتي عليه عادي
شجن / لا يشيخ! تعال اشوف 'وهي تأشر بيدها ' تعال ربت عليه انت!
فراس / تهايطين واخرتها خايفه انك تربتي عليه
شجن بألحاح وهي تأشر على ليل / يلاا!
فراس / وليه انا يعني؟
شجن ابتسمت / عشان يعضك ومايعضني
فراس / انـانيـهه
شجن / اخلُص
فراس بجديه / اذا مامسكتيه كيف بتقودينه وتركبين على ضهره؟
شجن بتردد / ولو هاج؟
فراس بعتاب / كان فكرتي بذا السؤال قبل تركبينه اول مره
شجن قلبت عيونها وفراس تحرك من مكانه وربت على شعله وكان يداعب وجهه بكل اريحيه ، اتشجعت شجن شوي ومدت يدها ويادوب يدها لامست طرف من شعر ليل غمضت عينها برجفه ولمن شافته هادي بيد فراس بدت تدريجياً تداعبه بخفيف! وفراس كان ضامن! انه مابيعضها عشان كذا تركها تواجه مخاوفها لحالها 
فراس / قلت لك مابيعضك
شجن بفرحه / يلا طلعه
فراس ضحك بسخريه / اما ماتعرفين تطلعينه بعد!
شجن انصدمت منه وقالت بكذب واضح / الا اعرف بس اقول يعني ..
فراس يبي يورطها / اجل يلا طلعيه
شجن ناضرت ليل بورطه وراحت عند الباب وجلست مايقارب دقيقتين وهي تحاول تفك الباب ومو قادره لانها كانت تلفه يسار ويسار يقفله مو يفكه! وهي من التوتر نسيت كيف فكته ذيك المره وجلست تشد فيه
فراس تنهد عرف انها مابتفتحه حتى لو حاولت لصبح قال بأمر / لفيه على اليمين
شجن لفته ..
فراس / ارفعيه على فوق
شجن رفعته وانفكك! ابتسمت بفرحه / الله!⁦انفك✧⁩
فراس ببرود / اكيد راح ينفك وش متوقع ينفك وانتي تلفينه على اليسار؟
شجن تجاهلته وهي تدور لجام ليل / وين حقته المسكه ؟
فراس جلس يفكر شوي وش المسكه ذي بعدين عرف وقال / لجام لجاام مو مسكه ، هاذا واحنا لسع بالبدايه
وراح يحط اللجام لشعله
شجن / كله نفس الشي بعدين معرف كثير عن الخيول ميرال قالتلي شويت اشياء عنهم وبس
وهم يطلعون للبرحه
فراس بتسأل / وش علمتك؟
شجن / كيف اركب الخيله
فراس وهو فيه الضحكه لانها بس تعرف كيف تركب الخيله! وقال بستهزاء / ايوه وكيف تركبي الخيله!
شجن / احط رجل على هاذا' وهي تأشر على هذاك الي يحطون فيه القدم ' وارفع الثانيه واحطها من الجهه الثانيه
فراس / بس؟!
شجن بستغراب / ايوه بس ليه في شي ثاني كمان!؟
فراس بعد ماوصلو للبرحه / ادخلي يلا اعلمك الباقي الله المستعان بس ..
كان في درج صغير جنب الباب حق البرحه جابه فراس وحطه عشان شجن تركب شعله الي كان مستانس وهاااجد ركبت شجن وفراس شاف مسكتها للجام غلط
فراس بتصحيح / لا لا مو كذا تمسكين اللجام
شجن / اجل كيف؟
فراس مسك اللجام من تحت عشان مايلمس شجن وكان محترمها وجداً لانها مو من محارمه ، فراس وهو يمسك اللجام ويوري شجن / كذا بين الخنصر والابهام اذا تبغينه يجري اضعطي بأبهامك وشدي على تحت!
شجن سوت زيه وكانت بتشد بس وقفها وهو يقول / لا تتحمسي ، ارخي يدك ليه رافعتها؟
شجن لاحضت يدها المرفوعه ونزلتها وهي تقول / يمه بالغلط
فراس / ماعلينا ، الحين ارفسيه ببطنه بكعب رجلك-
شجن قاطعته وهي تقول بحزن / لا حرامم!! بعوره
فراس اعطاها نضره مع رفعت حاجب / لو يعوره مكان قلت لك ارفسيه!! واضربيه ضربه خفيفه عشان يمشي بس مو بقوه
شجن هزت راسه بطيب وضرب ليل بكعب رجلها وهي تغمض عينها تحسب انها المته لاكن ليل ما تحرك ولا حس بضربتها حتى
فراس / قلت ضربه خفيفه بس مو كذا
شجن قامت تخبط فيه برجلها ومو راضي يتحرك
فراس انتبه انها لمن تنتبه لشي تنسى الباقي قال بتذكير / نزلي يدك!
شجن نزلت يدها وضربت ليل على امل انه يمشي لاكنه مامشى وشكلو حزن عليها وتحرك شوي وهي فرحت بالحيل ، بس ما كملت تستانس الا وهو مطيرها من ضهره طاحت على وجهها وتألمت وطلعت شخره من فراس وهو يحاول يكتم ضحكته شجن وقفت على طول وهي تروح لِ ليل وتبي تركب عليه بس ذي المره قبل لاتحط رجلها الثانيه طيحها وفراس يتشمت عليها ويضحك وراح بكل ثقه يركب على شعله ورماه! كمان وشجن ماصدقت خبر انفجرت ضحك عليهه وعلى شكله وصارو يتناوبون كل شوي واحد يطيح اهمشي شعله ، ليل يحب واحد فيهم شجن صارت فروتها كلها تراب وفراس اتحوس كمان وصارت فيهم شعوط فوجههم من كثر ماطاحو ..
شجن بتعب وهي جالسه على الارض / خلااص تعبتت مو راضيي
فراس بتأييد / حتنى والله بكرا نكمل
شجن نطت وهي تقول / انا الي طلعته يلا انت دخله!
وشردت
وفراس تنهد بضجر وراح يودي شعله ورجع غرفته ونام هو وشجن نومهه عميقهه

بس خلص البارتتت
وش رايكم بالبارت وتتوقعون شعله ليل بيحب مين فراس ولا شجن ؟
بقله شعله ، ليل لين ربك يفرجها مدري وش اسميه 😭😭
ولا تنسو تصلو على النبي اللهم صل على سيدنا محمد عليه الصلاه والسلام