" - لاعاد تنشدني ورا خاطرك شين بالله خل الي في صدري بصدري
انا ادري انك يارفيقي حمر عيـن ولا نتشد الا كود من زود قدري
غير آلزمن يومي بنا يسار ويمين وانا اتصدد منك ما أبغاك تدري
دايم بتقول ان تالي الوقت بتزين..! وان كانك تبغى الصدق والله ما ادري " بـحر :
« في مدينه ليل في الليل »
بلفندق عند فراس الي قرر اول مايقوم الصبح يقول كل شي لـ بحر بحكم انه صارت تطورات بالقضيه ومايقدر يخبي شي عن بحر ، ومرا واحدا يكون عنده علم ولو حصل اي خلل ماقدر فراس عليه بيقدر بحر بأذن الله ..
وبالفعل بصباح اول ماصحى فراس صحصح شوي وطلب الفطرو يجي لين عنده ... راح جلس على الطاولة يستجمع نفسه شوي قبل لا يكلم بحر .... دق على بحر الي كان صاحي من قبل ..
بحر / هلا والله
فراس بهدوء / هلابك
بحر بتسأل / اخبارك اخبار الاوضاع عندك؟
فراس وهو يمهد للموضوع / اخباري؟ بخير جمل الله حالك .. حتى ارتحت شوي من وجع الراس ...
بحر ابتسم / الحمدلله
كمل فراس ../ اخبار الاوضاع!؟ ذي حط تحتها خط ...
بحر اعتدل وهو عارف ان فراس بيقول شي / وليه ان شاء الله ؟
فراس / تذكر شغلة عمار الي قلت بحلها ؟
بحر تذكر / اي وش شغلته ؟
فراس ببرود / الافندي متورد مع ولد رئيس مافيا
بحر جته صدمه عمار متورد مع ولد رئيس مافيا؟! وش يقول فراس؟ ، فراس وش دخله بذي الامور؟!!
كمل فراس كلامه اول ماحس بهدوء بحر الغريب .. / رحنا كلمنا العميد وضاهر انه مو نافعنا .. وتركت رجال مع عمار واهله لجل يحمونهم لن العصابه الي متورط معها مب سهله ... وبـ فرنسا سمعت بصدفه ناس يتكلمون عنهم وسألت واخذت معلومات اكثر و-
بحر من قوة ماهو معصب عروق رقبته برزت ، عمار متورط مع مافيا! ومب سهله كمان يعني مايكفي الي يسويه في ابوه يبي يجب له جلطه وفراس بيجيب جلطه لـ بحر لنه تدخل بالموضوع واكيد تصرف بطيش ..
بحر ماقدر يسمك اعصابه اكثر من كذا قال بصراخ / و ايـش كمـل؟!!
فراس وهو يقول الي بحر كان خايف منه / و تركت بصمتي ..
انكسرت الكاسه الي بيد بحر من ضغطه القوي لها لجل يهدي من نفسه لاكن مع الاسف ازداد الوضع سوء من ناحيه كف يده الي صار ينزف ومن تركت بصمتي ... سوا شي وفراس موب هين ابد اكيد سوا شي اكبر بكثير من الي فباله الحين ..
فراس بقلق من صمت بحر ولنه سمع صوت تحطم قزاز .. / الو ؟ ...
بحر انفجر عليه / قلي كلشي ، كلشي صار من البدايه لنهايه
فراس اخذ نفس عميق وهو يحكي لـ بحر الي صار من عند لمن عمار قابل تشاكي بايطاليا الين لمن خرب اعدادات عصابه آل همام ..
بحر انصدم يعرف فراس مايمزح بكذا امور! ويتمنى انه يمزح ولا تطلع صدق .. يعني من عمار مقبوله لاكن فراس! الحين عمار متورط مع تشاكي وفراس متورط مع آل همام!! وبحر يهدم الدنيا كلـها لو صار شي لأعز اصدقائه الي هو الروح بروح واتوقع فهمتو قصدي ..
بحر بعدم تصديق / منجدك؟!
فراس بتهدئه / يا ولد هد!
بحر بعصبيه / هد!؟ انت متورط مع مافيا! وتبيني اهدا! فراس انت مستوعب الي قاعد تقوله؟
فراس ببرود / كلها كم يوم واقفل على المشكله ذي وانتهينا لامن شاف ولامن دِري-
قاطعه بحر وهو شوي ويطق فيه عرق / عمار ال**** ماوراه الا المشاكل وانا اقول وش شغلتك معه اثاريها نكبه!!
فراس بهدوء / يـٰبحر انا مانيب مثل عمار اتصرف بطيش-
بحر قاطعه / انت الطيش كله!
تنهد فراس ..
بحر / فراس انت ايش تسوي؟! تطاوعلي عمار! اتركه وش دخلك فيه الردي خله مسوي شهم على بنات خلق الله!
فراس بجديه / ولد عمي يبحر ولد عمي! مافكرت وش بيصير بعمي نضال لو عرف؟
بحر / فراس انت رميت بكلشي رميت كلشي فلهاويه لجل تطلع عمار وعمي نضال ، افرض ان همام تعرض لاهلك
فراس ببرود / عندهم حرس
بحر اتنرفز بالحيل من برود فراس قال وهو يحاول يحرك مشاعره ويخوفه .. / طيب لو تعرض لـ شجن؟ هي بعيده عنك ومب تحت سلطتك وانهم يعرفونها هاذي مسأله وقت ومابتتخيل العواقب يلي بتصير-
دق قلب فراس بقوه اول ماسمع اسمها .. علطول قاطع بحر بعدم تصديق وهو منجد مافكر بـ شجن / مستحيل مايفكرون فيها!
نفظ بحر يده بألم ودم بدا يتشرب بملابسه وحوس المكان .. / فراس انت تعرف وش يعني مافيا؟ انذل شي ممكن تفكر فيه هم بيفكرون بأخس منه واذا ماقتلوك بيقتلونك بالقهر!
فراس الي بدا يلاحض ان بحر خايف عليه ولدرجه مو معقوله / بحر لا تبالغ ..
بحر حط الجوال على الطاولة وهو فاك سبيكر ، حط يده السليمه على جبينه وهو يقول / فراس وش الي سويته يـٰفراس؟ ~وبندم~ ليه طاوعتني ورحت ؟ ....
فراس انصدم بحر يندم!!
قال وهو يحاول يهدي الوضع / بحر الي صار صار وبعدين كل الي قلته ماله اي صله بالموضوع خوفك الزايد ذا مامنه فايده ، وانا تصرفت وبنهي الموضوع بسرعه-
قاطعه بحر وهو يقوم ويقول بأمر / خلك مكانك انا الحين جايك!! لا تسوي ولاشي
منعه فراس وهو يقول / انا اليوم راجع الرياض
بحر وهو ينهي المكالمة بمسكه اعصاب .. / في الرياض اتفاهم معك
وقفل الخط .. سرح شوي كيف بيحل كذا مشكله كيف بيطلع فراس منها كيـف! ، تورط فراس مع مافيا كفيل انه يوديه بستين داهيـه من انه يكون متهم ويقدرون يلبسونه قضايا لانه يتصرف على كيفه بدون لايكلم العميد .... من انه يدمر شغله لن الناس مابتكون واثقه ان اعماله كلها قانونيه! دخل بمشاكل الدنيا كلها وهو على عماه ومافكر في كلذي الاشياء .... وبحر كان اكثر شي خايف منه ان آل همام يلقى شجن هي اعز ناسه لو صار لها شي الي بيصير مابيكون بصالح احد ابدا لان حتى بحر مو متخيل ايش ممكن يصير!! واهله كمان وش ذي المصيبه الي طاحت على روسهم .. ، استوعب الألم الي بيده وناضر في كفه بصدمه من كمية الدم .. ولقى شطايا قزاز الكاسه داخله بيده وشاقه كفه ومستقره فيه ، نتهد بألم وهو يروح لشنطه الاسعاف الاوليه اخذها وجلس على كنبه قريبه يعالج يده ويطلع القزاز منها بالملقط كان صعب عليه لان القزاز اغلبه كان صغير والكبير سوا شق ... بعد ماخلص لفها بشاش ابيض معقم لجل ماتتجرثم ويزيد الألم فوق ألمه يلي ما اضهره من البدايهه
عند فراس الي قام بقلت حيله وهو يتوجه لغرفته سحب جاكيته وراح يخلص شغل يزيد الي نسى يكمله
أنت تقرأ
يا مَحسنها صُدفه
Aksiشجن بنت حياتها عاديه يسافرون اهلها وتروح عند صديقتها ، وصار شي محد توقعه غير حياة شجن ....... وبنعرف شي عن ماضيها! نبذه : الساعة ٣ العصر راحت ميرال تصحي شجن من عفوتها لجل يتجهزون للعمام الي على وصول وشافت شجن نايمه على الابتوب انصدمت من وضعيتها وج...
