قبل ملكه ميرال بـ ثلاث ايام ..
« ببيت عبد الرحمـٰن بـ صباح »
الكل يشتغل ويجهز التوزيعات والتغليف وذي الامور وميرال ماااده بوزهااا زعلانه
ميرال وهي تربط خيط التوزيعه الي ماسكته بقوه / يعني كان لازم تكون المكله بعد اسوعين من الشوفه خلاص خلو الزواج الاسبوع الجاي وتكمل يعني تحبون تنزنقون
وحطتها بقوه بسله
نجود بعصبيه عفويه / شوي شوي على التوزيعات لاتنخرب!
ام نايف وهي تربط وترتب بهدوء / والله ذا قرارك انتي وخطيبك
تأففت ميرال بتذمر .. وتقبلت الوضع
نتلقف شوي ونشوف محادثه بحر وميرال بالواتس بعد الشوفه بيومين
بحر / الي يناسبك وانتي بكيفك انا قلتها وماراح اعيدها المكله بعد اسبوعين والزواج انتي اختاري الوقت بكيفك وش تبين اكثر من كذا
ميرال / طيب شرايك انت تختار الزواج وانا الملكه؟
للي مافهم هم يتهاوشون على الوقت ..
بحر مستحيل يخليها تختار الملكه لنه عارف انها بتطول لازم يكتبون كتابهم عشان تحل له الزواج بعدين الي ناوي عليه بحر الحين هو المكله الزواج مو من اولوياته حالياً ، عشان كذا قال لـ ميرال تختار موعد الزواج حافضها وحافظ حركاتها حفظ لجل كذا هو يتصرف حسب خبراته ولنه عارف انها بتماااااطل ، واجبرها لاكن بطريقه لطيفه ..
نرجع
تيم وهو يحط العطر الصغير في الكرتون الصغير / الحين انا شدخلني بسالفه كلها المفروض زماني جالس مع يزيد والعيال
نايف وهو ياخذ الكرتون من يد تيم ويقفله / انطم بس ملكه اختك حط بصمتك على الاقل ويليت شغلتك منها فايده
تيم بضحك / علساس شغلتك منها فايده وانت بس تسكر الكرتون
عبد الرحمـٰن وهو ياخذ الكرتون من نايف ويلف عليها شريط احمر ويربطه فيومكه / يعيال ورا ماتكرمونا بسكوتكم بلا هواشاتكم الي مالها داعي ذي
التفت تيم ونايف على عبد الرحمـٰن ومسكو ضحكتهم شافهم عبد الرحمـٰن
الي قال بعصبيه عفويه / خير! وش يضحك انت وياه؟!
تيم / ابد يابوي الابتسامه في وجه اخيك صدقه
نايف / ترقيعه يحتاج لها ترقيعه
ام نايف / اقول اشتغلو بهدوء لو سمحتو مانبي روسنا تصدع
ميرال ناضرت في نجود بصدمه عفويه تليها ضحكه مكتومه ونجود بالقوه مسكت ضحكتها ، عارفين لو ضحكو بيتهزءون .. والكل كان يشتغل بهدوء
وقفت نجود وهي تقول / يلا انا استأذن بروح لشغل
ام نايف / الله معك
تيم / خذيني معك
ميرال خبطت تيم وهي تقول / انثبر بس
عبد الرحمـٰن / انتبهي لنفسك
نايف بهمس / ياحضك
ولبست نجود عباتها وراحت للمستشفى ماتقدر تغيب او تاخذ عذر .. أشهم مابيوافق وهي عارفه
••••••••••••••••••••••••••••••••
« بالمستشفى »
دخلت نجود المستشفى الي كان هادي والاوضاع مستقره راحت تبتدي شغلها عادي مع الوقت حست في شي ناقص في شخص مفقود استوعبت انه أشهم ايوه ايوه أشهم ماداوم اليوم! الغريب مو هنا الغريب انه غاب بدون مايخبر احد وهو مو من عادته يغيب فجأه كذا ، قررت تتجاهل الموضوع وتكمل شغلها لاكنها لقت نفسها واقفه وراميه القلم من يدها وطالعه من مكتبها
لقت دكتوره ماره سألتها / شفتي الدكتور أشهم ؟
الدكتوره هزت راسها بنفي / اليوم ماشفته ولا احد شافه ..
توترت وراحت تسأل احد ثاني يمكن تختلف الاجابه لاكن مع الاسف هيا نفسها ماشافوه .. راحت لكبيوتر جهاز التبصيم يلي كل اسامي الي بصمو فيه وكان هاذا اخر حل .. دورت بسرعه ومالقت اسمه لليوم لاكنه كان حاضر امس تنهدت
وهي تقول لنفسها / شفيك خايفه عليه لذي الدرجه ترا مو بزر تلاقين عنده ضرف مالي دخل فيه ..
وطلعت وهي تسكت نفسها بذا الكلام لاكن قلبها ناغزها ومرتاحت ابداً
أنت تقرأ
يا مَحسنها صُدفه
Acciónشجن بنت حياتها عاديه يسافرون اهلها وتروح عند صديقتها ، وصار شي محد توقعه غير حياة شجن ....... وبنعرف شي عن ماضيها! نبذه : الساعة ٣ العصر راحت ميرال تصحي شجن من عفوتها لجل يتجهزون للعمام الي على وصول وشافت شجن نايمه على الابتوب انصدمت من وضعيتها وج...
