بعد يـوم ..
« ببيت فهد »
صحى بحر وهو مروق على الاخر ومزاجه عال العال مبسوط وتزين ثغره ابتسامه خفيفه نزل يفطر واستغرب من هدوء البيت وضحك على نفسه اول ما ادرك ان الوقت توه الفجر والساعه ٦:١٥ محد بيصحى الحين اخذ قهوته وراح لمكتبه جلس على الكنبه ومد رجله واستند وهو مو ناوي يناضر معامله وحدا بيترك الشغل لبعدين اخذ جواله يطقطق فيه ، وفي نيته يكلم ميرال لاكنه هون اول ماشاف اخر ضهور لها قبل فتره بعيده ..
" - عرفتك صدفهٍ بيوم من بين الاغارب وغديت بكل يومٍ ادور عنك واحاتي
قربت منك وقلبي من الحب مرتاب بسبّه بقايا التجارب بذكرياتي
لكني فتحت للمحبه بصدري باب ولقيت فيك جميع اوصافي ورغباتي
اقول اني ما احبك وانا والله كذّاب يا شلون ما احبك وانت كل حاجاتي " نجـود :
« ببيت عبد الرحمـٰن »
صحت ميرال وهي للأن مبسوطه من الي صار بالملكه وتبتسم كل ماتتذكر شكل بحر وابتسامته نزلت تفطر وفحصت المكان بعيونها على امل تلاقي احد صاحي لاكن خاب املها والكل نايم رفعت جوالها تشوف الساعه كم وضحكت على نفسها لنها صحت بدري وكان الوقت ٦:٢٥ .. دخلت المطبخ ولقت نجود
ميرال بخرشه ماتوقعت يكون في احد صاحي / سكنهم مساكنهم!
نجود هي كمان اخرشت / حولينا ولا علينا!
ناضور فبعض وحلت لحضة صمت بعدين قالو مع بعض بعصبيه عفويه / وش مصحيك الحين!
نجود / انتي وش مصحيك انا عندي دوام انتي شوراك؟
ميرال توترت وراحت اخذت كوب تصب لها مويه وهي تقول / مدري ماجاني نوم
نجود بتصغيرت عين / وليه تتسحبين كذا ماحسيت فيك يهب
ميرال / اذكري ربك واستغفري بعدين ماتسحبت انتي منتي مع العالم ~وهي تحشرها~ لك كم يوم مو حولنا شعندك؟
نجود بدت تتوتر / ويـن الا معكم
ميرال وهي تتكتف / والله! اقول ذا الكلام تقولينه لتيم ونايف لاكنه مايمشي معي بتقولين وش فيك ولا اعرف بطريقتي؟
نجود بـ ستسلام / لا لا خلاص بقول ... ~تنهدت وهي تقول بتردد ملحوظ~ شوفي هو مو موضوع مهم اني اقوله لاكن بقلك بما انك اصريتي ...
وميرال تنتضرها تنطق
نجود / انا لي يومين اروح الشغل والمدير غايب وتارك الشغل كله على راسي ويتعب يعني عشان كذا
ميرال برفعه حاجب / علينا يهوه زعلانه لنك مكروفه ولا لنه غايب وقلقانه عليه؟
نجود انصدمت كيف عرفت؟
قالت بصدمه عفويه / لا مستحيل اهتم له حت-
قاطعتها ميرال وهي تقول بهدوء / نجود تلعبين على الكل بس مو علي انا جربت وعشت شعور الحب واسمحيلي اقلك اني شايفته بعيونك مهما حاولتي تنكرين او تتهربين تراك تحبين وانا ماراح ادخل بخصوصياتك واسألك مين انا بس بحذرك من انك تروحين لطريق الحرام وتسوين الغلط واذا هو يحبك الله يحيه يدق الباب ويخطبك من ابوك غير كذا فمع السلامه والباب يفوت جمل ولا تزعلين نفسك عشان احد
نجود بضعف / خايفه عليه له كم يوم مايداوم ومو من عادته يسوي كذا دايم يخبرنا قبل لايغيب اما الحين فجأه اختفى ، وعمري فحياتي ماتوقعت اني احبه
ميرال / هاذا هو الحب تطيحين فيه بدون ماتحسين ومتى تستوعبين انك تحبين لمن يدخل قلبك الشـوق هنا تأكدي من مشاعرك ~توجهت لها وهي تحضنها~ ولاتخافي عليه ان شاء الله مافيه الا العافيه ~ابعدت وهي تقول~ يلا تعالي نفطر بعدين روحي شغلك
ابتسمت نجود من كلام ميرال ودخل عقلها فعلاً وهنا تأكدت من مشاعرها تجاه أشهم وانها تحبه بس السؤال هل هو يحبها زي ماتحبه؟
ميرال بنذاله / بس هاه انتي سوي الفطور
نجود كانت مسرحه تفكر فاقت بسرعه وهي تقول / علكيفك!
ضحكت ميرال وهي تقول / هاه! ماتستاهل اختك الصغيره تفطرينها؟
نجود وهي تقلد نبرتها بمسخره / لا ماتستاهل!
ميرال / يالرفلهه
نجود / نشوف مين الرفله بتتزوجين وانتي ماتعرفين تطبخين شبيسوي ولد عمتي المسكين
ميرال شاش راسها / انا معرف اطبخ!
نجود وهي تبيها تسويلها الفطور / ايه
ميرال وهي تمسك المقلاه / انا اوريك
نجود خافت / يمه بسم الله خلاص امزح لاتهفيني فيها
ميرال بستغراب وهي تحطها على الغاز / اهفك ايه بسوي الفطور لذي الدرجه مافي ثقه هههههههههههههه
نجود ضحكت / ههههههههههههه احسبك بتهفيني فيها
ميرال / عن الكلام وتعالي ساعديني ترا بسوي لنفسي بس هاه
نجود قامت تساعدها عشان تحسبها ... وجهزو الفطور وطلعو للجلسه الخارجيه يفطرو بما ان الجو جميـل وفكوها سوالف ..
نجود بصدمه / ايهه مرا استغربتها من عمتي ام ايلاف ليه ماتجي واحنا عازمينها
ميرال وهي تاكل وتفكر / شكلها معذوره او عندها ضرف
نجود / يمكن
ميرال بحماس / وايه وش صار كمان ما ادري عنه
نجود / مدري لو شجن قالت لك او لا ، بس جتها وحدا من الحريم تسألها عن امها!
ميرال بصدمه عفويه / تستهبلي!!
نجود ضحكت / وربي وكمان كانت تناضر فيها طول الوقت حتى لمن رقصت مع عمتي ريهام
ميرال جتها صدمتين / ورقصت مع عمتي ريهام بعد!
وبنفسها / حركاتك يا شجن تبي تطيحين امه زي ماطيحته هههههههههه
ميرال / مستحيل توافق حتى لو خطبوها اعرفها مالها مال الحب والرومانسيه
وبنفسها / هي حتى فراس ماتبي تعترف بحبه رغم انه واضحه
نجود / بس والله حقهم يخطبون تطيح الطير من السما ومع الجمسوت الاسود اووووفف
ميرال / ايهه مرا كان لايق عليها انيق ومخليها رزٌه
نجود وهي تاكل / ومبرز شخصيتها كمان
وكملو سوالف لين ماخلصو اكل
ووقفت نجود وهي تقول / يلا انا بروح لدوام
ميرال / طمنيني عليك كل شوي
نجود ابتسمت / ان شاء الله
وراحت نجود تلبس عبايتها وتوجهت للمستشفى وهي كلها امل ان أشهم يداوم
أنت تقرأ
يا مَحسنها صُدفه
Açãoشجن بنت حياتها عاديه يسافرون اهلها وتروح عند صديقتها ، وصار شي محد توقعه غير حياة شجن ....... وبنعرف شي عن ماضيها! نبذه : الساعة ٣ العصر راحت ميرال تصحي شجن من عفوتها لجل يتجهزون للعمام الي على وصول وشافت شجن نايمه على الابتوب انصدمت من وضعيتها وج...
