تعريف لشخصيات :
ام صفوان اسمها فهده عمرها في نهايه الستينات سنعه وماتترك بيتها وماخذه من رجولة بعض رجال نصيب بحكم انها تربت مع عائله شديده وعندها ولدين وبنتين
ابو صفوان اسمه صالح عمره في السبعينات شايب وشديد لهجته بدويه ومعيش عائلته في الديره وتفكيره تفكير اجدادنا وحالته الحصيه ميب ذاك الزود ...
صقر اول ولد وعمره اربعين ومتزوج
الجازي عمرها ست وثلاثين ومتزوجه
صفوان عمره ثلاثين .. هو الي ماسك اشغال ابوه ، ينخاف منه لاكن ينشد فيه الضهر وانسان هادي ومايعصب الا نـاادر ملامحه بارده ووجه عادي لاكن عيونه ناعسه ومايبتسم كثير ، ومتشبث بمبادئه بشكل كبير ...
سميره اخر العنقود متخرجه من الجامعه .. ومتأزمه من كلام ابوها عن الزواج
وطبعاً مايروحون مناسبات كثير لجل كذا ماذكرتهم لمن اجتمعو الكل ببيت ابو نايف .. بس يروحون المناسبات المهمه زي الزواج او الاعياد
نبدا بارتنا 🦋
اخر الليل رجعو اهل سطام واهل رعد من باريس وكل عائله توجهت لبيتها بشتياق له ولريـاض بكبرها والكل نام ذيك الله احلى نومه في ديرتهم .. ،
عند ميرال
الي منسدحه ومتوتره من انو احد يشوف سلاح بحر معها صح انها خبتو بس برضو كانت خايفه وفي نفس الوقت كانت تفكر في جرح بحر وكيف انجرحت يده لنها شافت الشاش عليها بس نست تسأله
عند يزيد
الي باله مشغول بـ ايلاف وله ساعه يتقلب بسرير ولا جاه نوم .. وكان خايف من امها انها تعلم ابوها وتكبر السالفه صح ان ايلاف هي الغلطانه لنها ماطلعت اول ما صرخ عليها بس برضو يزيد حَنين .. وذي السالفه ماراح تروح من باله ....
عند ايـلاف
كانت طول الليل تبكي من قلب وهي تحت بطنيتها وسمعت امها وهي تكلم خالتها ام صفوان لجل يجون يخطبونها ، وهي تكره صفوان لنه دايم شديد بالكلام وماعنده حركات الكيني ميني وادمي مستقـيم ومافيه ولا غلطه بس مشكلته انه يعرف كلشي عن ايلاف من اول مره شافها في الشوفه الشرعيه ، لجل كذا هي خايفه منه ... ولنو امها قالت لـ خالتها كلشي!! واكيد بيوصل الموضوع لـ صفوان وراح تطيح كرامتها ومعزتها قدامه ولو انها قليله .... ومكان ودها انها تقوم الصبـح ابداً! ،
انتشرت اشعت الشمس الدافئة على مباني الرياض وانتشر نورها وضوى المكان معلن يوم جديد ...
« بيت ابو صفوان »
بعد ما انهو فطورهم ودت سميره ابوها لغرفته لجل يرتاح وكانت تسولف معه ..
اما بصاله كان فيه صفوان وامه ..
فهده / صفوان يوليدي ابيك بكلمة راس
صفوان / هلا يمه وش بغيتي
فهده / شوف يوليدي ..، ام ايلاف كلمتني في سالفه و ..
قاطعها صفوان وهو مشمئز / ايلاف؟ ~اعتدل وهو يقول~ عاد اعرفها ذي كل ماسوت مصيبه جبتي سيرتها وش سوت ذي المره؟
فهده وهي تحاول تلين قلبه / اسمع يا ابني ايلاف بنت خالتك والانسان يغلط وامها تبي تستر عليها وتلمها من الشوارع وتحطها فبيت زوجها
صفوان / والمفروض انو زوجها هو انا؟!
فهده تنهدت وهزت راسها بـ ايه
صفوان ضحك بسخريه وقال / يمه خل عنك الكلام ذا مستحيل اتزوجها لو تنطبق سما على ارض
فهده / بس يـٰصفوان! ذي بنت خالتك لاتقول ذا الحكي!!
صفوان وهو يشرب قهوته بعدم مبالاة / ايه صح
فهده / خلاص يابني الي فات مات وهي ان شاء الله بعد ما تتزوج وتعيش مع رجال يربيها ويعلمها الادب بتنعدل وتنظبط
صفوان / اجل خليها تشوفلها واحد من الي تعرفهم
فهده بعصبيه / ولد! اعطيتك وجه بزياده ترا! عيب عليك وش الكلام ذا؟!
صفوان / عيب؟ ومن متى وذي تعرف العيب؟
فهده / صفوان البنت غلطت ولازم تتعلم الادب لو انسابت اكثر من كذا بتجيب لأمها مصيبه!
صفوان / والله مهو مزعلني الا خالتي مسكينه ربي ابتلاها بالبنت ذي
فهده استغلت الفرصه وانه تعاطف معها / ايه شفت! متعبتها كل يوم ويوم وهي جايبتلها مشكله ورافعتلها ضغطها وانا خايفه على اختي يصيرلها شي! والبنت توها فشبابها ، صغيره وطايشه صدقني لو سبناها كذا اكثر ممكن تسوي شي تندم عليه طول عمرها ولاتنسى ان غلط البنت مهو زي غلط الولد ...
صفوان سكت شوي يفكر فكلام امه
فهده قامت وقالت وهي تحاصره / الي عندي قلته وانت لو انك تعزني خذها وربيها
صفوان انحط بموقف لايحسد عليه يا يتزوج ايلاف ويرضي امه يايعصيها لمصلحته .. وبنهايه قرر انه يلبي طلب امه ....
صفوان بقهر / بس عشانك يمه و عشان خالتي! لو علي كان دفنتها بأرضها ، مني داري عنها ولا عن شكلها ذا ... نشوف وش اخرتها معاها
فهده ابتسمت وباسته وحضنته من الفرحه!
صفوان بتحذير / بس ترا يكون فعلمكِ! اي غلطه منها تعني طلاقها بالثلاثهه!
فهده سكتت شوي وهزت راسها فوق وتحت وقالت / يصير خير ان شاء الله
وهي فاهمه قصد ولدها انو لو ايلاف طلعت مع احد وهي على ذمته ..
أنت تقرأ
يا مَحسنها صُدفه
Akcjaشجن بنت حياتها عاديه يسافرون اهلها وتروح عند صديقتها ، وصار شي محد توقعه غير حياة شجن ....... وبنعرف شي عن ماضيها! نبذه : الساعة ٣ العصر راحت ميرال تصحي شجن من عفوتها لجل يتجهزون للعمام الي على وصول وشافت شجن نايمه على الابتوب انصدمت من وضعيتها وج...
