ملكت من الزين زين الخلايق

البارت(٢٨)

بعد ليله تعتبر حلوه ولطيفه خفيفه على ابطالنا الحلوين
اشرقت شمس محمله بحلو الايام بدافيء نورها نسيمها الدافئ
-
الديره -حوش ال راكد
كلعاده راكد في الدكه جالس عند شبه النار ،اقبل سلطان يجلس جنب ابوه بهدوء اصبح معتادين عليه وكانه
انكسر و انحنى ظهر من بعد موت تركي ليس سلطان العصبي المتجبر على عياله او نقول على ال راكد كلهم
،اخذ الدله يصب له من القهوه السعوديه ،راكد :ياسلطان وين السلق
سلطان : ما رقدو الا مع طلوع الشمس
راكد ضرب فخذه بحسره :يا حلالاه على من وسم ب ظهورهم بذا الليي(خرطوم ماء)
-
قبل وقت
-في بيت سلطان -جناح مالك و الزين
جاء مالك من بعد صلاه الفجر ولقى الزين محمره العيون دليل بكائها تقدم يجلس بجانبها يمسك كتوفها يقربها له يتكلم بحنان:وش في روحي اليوم ضايقه
الزين برجفه في نبرتها وتحاول تخفي الرجفه: مافيني ش ،قاطعها مالك وهو يحط يده على ثغرها :فيتس و فيتس كثير بعد لا تخبين قولي وش فيتس
الزين :مافيني شي خلاص انا طفشانه وقلت ابي ابكي
مالك بغضب: صدقتس طفشت وبكيت الزين والله والله ان دريت ان فيه احد قايل لتس شي والله ما تلومين الا نفستس
الزين بقل حيله: فيه وحده ب العزيمه تكلمت في بابا وقالت عنه ،ابتدت تبكي من جديد وبقوه اكثر،اكملت بصوت متقطع: قالت عن عنه مج منون ما ما احترمت حرمه الميت وتقول بعد من انتي بنته يوم قلت بنت تركي تقوله المجنون
مالك حضنها تعلقت في رقبته ،يحس في رطوبه دموعها على كتفه وشهقاتها المكتومه يحظنها يشد عليها تبرز عروق عنقه يتسارع نفسه يشد على راسها يقبله :من هي من بنته من حرمته من
الزين ابعدت عن كتفه وهي لازالت بحضنه :مدري سالت سمر قالت ابو قاسم يعيني ما اعرف مين هي
،زفر مالك بغضب كيف تتجراء تحزن الزين وهي في وجهه المالك وشنبه ،اخذ جواله يتصل على سمر ،
ردت بصوت مليان نوم:نعم
مالك:مين هي ابو قاسم
سمر عقدت حواجبه تتتعدل بجلستها :ليه
مالك بقل صبر :مين هي عجلي علي
سمر : حليمه
مالك بغضب ونبره نوعا ما مرتفعه:لا بلاه عرفت من هي حليمه من بنته من حرمه عجلي علي

سمر :بنت خالد ال مسعود حرم جابر ال حاتم
مالك قفل بوجهه سمر وحذف الجوال بغضب :بنت الكلب رديه مثل ابوها مير ما كون مالك اذا ما ذبحتها
الزين فزت تمسك وجهه :تكفى لا تسوي شي طالبتك لا ترد لي ذا الطلب،
مالك اردف وهو يمسكها يرجعها بحظنه يقبلها بحب ،
ابتعد يقول :ما ارد لتس طلب وانا مالك ،حضنته حاوطها يشيلها ينزلها على السرير ينسدح يمد لها ذراعه حطت راسها على ذراعه يضمها له :لا تزعلين كلام يدخل من اذن ويطلع مع الثانيه
الزين ضحكت بخفه تحس اذا جلس معها بحياه بسعاده ودها ما تفارقها رفعت راسها تقبل خده تهمس :مالكي والله انت عوض ربي ،
مالك التفت لها يحظنها لها ودخل في دوامة هواجيس كيف يقول لهم ان ابوها مذبوح ومحد كان عارف الا جميله وانهم لقو القاتل كيف يبي يقول ان بعد اسبوع القصاص غفى وهو في نص هواجيسه