ملكت من الزين زين الخلايق

البارت (٤٢)

-
عمشه مسكت بناتها وحفيداتها وزوجات عيالها اللي انفلتو على رانيه و بنتها وكان في اكثر من طرف مع رانيه ،رفعت صوتها وهي تقول بحده :رانيه انتِ وبنتتس البيت يتعذرتسن
حصه تكلمت برجفه اثر حبسها لدموع وجع راسها من شد سمر عليه :انقلعي انتِ وبناتتس الوحوش
حنان شهقت ترفع صوتها:احترمي نفستس يا ورع امس تكلمين اللي اكبر منتس باحترام فهمتي
رانيه :خير خير وش فيكن على الضعيفه هذي
نورا :لا الضعيفه هذي تطلع للرجال بدون عبايه ولا شي توقف قدام البييان ولا فيه احترام لرجال البيت
رانيه ناظرت حصه ودها تصفقها كف لاكن قررت تصف مع بنتها:والله عيالكم اللي ما يعرفون يغضون البصر لدرجه يدخلون على الحريم بوسط مجلسهن
جميله وحنان اللي اقتربو من رانيه يكلمونها بحده :تخسين تتكلمين عن عيالنا كذا تفهمين عيالنا ارجل الرجال واشهمهم تفهمين انتِ ولا  نفهمتس بطريقتنا
حقشه صرخت بعلو صوتها :خير خير قمتن عليها ايه رجالكم ما يغضون البصر
عمشه اقتربت من حقشه تمسكها من شعرها :اقصري حستس على اللي انضف منتس تفهمين ولا لا
حقشه ومن كانت تبي تضرب عمشه الا في يد تسحبها بقوه وهي تقول :ما تمدين يدتس على عمتس فهمتي
حقشه ناظرت رنا اللي تكلمها بحده وثقه عاليه :ابعدي بس ابعدي تربية عمشه وش راح نلقى غير قلة الادب و السطاوه
رنا هز راسه ب ايه:ايه حنا وارثين السطاوه من عموش بس قلة الادب ما تطلع الا للاشكال القذره مثلتس واشكالتس ودي اتكلم زياده بس احترامًا لكبر سنتس يا العجوز المتعافيه
شهقت رانيه من تلفضت رنا على حقشه :قليلة ادب
رنا ناظرت فيها :من بعدتس
حنان :يالله برا البيت يتعذركن ولا عاد نشوفتسن برا
عمشه مسكت رانيه من ظهرها تطلعها برا وبنتها معها :الله يقطع ذا الاشكال ،نفضت يدينها تناظر بالحريم الي يتساسرون (يهمسون بين بعض) ترفع صوتها :اللي ما تبيني ولا تبي احفادي تتفضل بلا مطرود
ومن بعدها راحت المجلس اجلس بكل هدوء ويرجعون الحريم يجلسون وتزين الجلسه بعد خروج الاشكال المنافقه
-
في احد الغرف
كان مالك واقف عند راس الزين اللي مطنشته وزعلانه لانه ما خلها تصفق حصه ،جلس مالك قبالها يمسك يدينها:الزين تخيلي لو تعبتي عليهم بعدين انتِ صاحيه تتهاوشين مع حصه
الزين بعصبيه اقترب منه :لا تقول اسمها طيب اسمها لا يطب لسانك
مالك ضحك من كل قلبه من بانت له غيرتها وحزر سبب الهوشه كلها : ابشري على خشمي ما راح اجيب اسمها بس انتِ هدي شوي
خافي على قلبتس يا بنت الحلال
الزين قامت تبي تطلع ،مالك مسكها من كتوفها يترجاها يعرف انها في اعلى مراحل الغضب اللي ولا مره صادفه هو :يرحملي من جابتس اهدي بعدين اطلعي البنات اكيد ماهم مخلين فيهن عظمه صاحيه
الزين :ياخي ياخي افهم انا ودي اصفقها ودي العن جدفها ابي ابرد حرتي قلبي يطبخ تعرف ايش معنى ان قلبي يطبخ وما يبرد قلبي الا اني اشوف دمها يسيل بين يديني
مالك :تعوذي من ابليس لا توسخين يدينتس الناعمه فيها
دخلت رنا الغرفه بكل غضبها :مالك خير تاخذون البنات عنها كان خليتونا نصفقهن
مالك ضم يدينه لبعض : وش صار عليهن الحين ؟
الزين ناضرت فيه :وتسأل بعد
مالك :اخاف ذبحتوهن
رنا جلست بجانب الزين :لا حيات بس صلعنانهن وطيحنا كرامتهن بالارض وطردناهن وانتهى الموضوع
الزين صفقت وهي تضم رنا :بردتي حرتي
رنا :افا عليتس انا في الخدمه
مالك :الله لا يحطني بين يديكن
الزين قامت تنفض لبسها تتوجه للمرايه تضبط شكلها تشوف فيه عطر على التسريحه تاخذه تحط منه تجدد روجها من جديد لفت على مالك :تبي تطلع ؟
مالك :ايه بس شوفي لي درب
طلعت الزين ورنا يطلع بعدها مالك من قالو له انه يقدر يتعدى
توجهه مالك لمجلس الرجال يشوف عمه حمد وسعود جالسين بجانب بعض و الواضح انهم يتناقشون
جلس مالك بجانب سهم اللي سأله :عسى ما شر
مالك:ماشر ان شاء الله ،ودي اقولك بس بين الرجال ما ينفع
سهم :ابد اللي يريحك يا ولد سلطان
ياسر ابتسم من جلس بجانبه سالم يهمس له :تكفى شوف وجهه ابوي احس صايره مصيبه
ياسر ضحك بخفه يناظر وجهه عمه المنخرش وسعود اللي يكلمه :لا تحس تأكد
-
مشى الوقت يحطون العشاء لـ الرجال والحريم يتعشون ومن بعدها يغادرون من بعد ما سلمو على الكل يودعون اهل الشمال
مثل كل مره يفقدونهم مع انهم تقريبا بكل مناسبه يحظرون
اما عند الحريم كان الوضع الى الان فيه حزازيات من موضوع رانيه وبنتها اللي صارو علكه بحلوق الحريم اللي ما يجي موضوع والثاني الا معيبين فيهن وهذا طبع النساء او اغلب النساء يدورون الشي اللي مو زين او حتى يصطنعون اشياء مو موجوده لجل يفتحون سالفه ،سكرت نورا الباب بعد ما ودعو اخر حرمه كانت موجوده
-
في الحوش الخلفي
كانو العيال جايبين فرشه كبيره وقدامها شاشه كبيره ومدخلين سيارة
مالك لأن فيها بطاريه اضافيه يشبكون الشاشه فيها 
ريان اف لهم بعد ما شبك الشاشه : ابي واحد نته سريع نشبكه على الشاشه المباره تبي تبداء
سعود رمى عليه الجوال : نتي 4G يمشي الوضع
سالم جلس بجانب ياسر اللي كان على جواله يبتسم سالم :مسرع يا الحبيب اشتقت
ياسر سكر جواله يحطه في جيب ثوبه :وش حاشرك الحين فهمني
سالم :اختي و اخوي
مالك جاب ترمس شاهي كبير و حب شمسي وفصفص :قلتهم يسون لنا في اكبر صلاعه موجوده 
سهم :والله يا راسي مصدع احتاج شاهي مظبوط
مالك جلس بجانبه :ابشر والله باللي يقند الراس وانا ابو عبدالله
سهم :والنعم فيك
سعود :ارفع على الصوت يا ريان بسرعه لها عشر دقايق باديه
ريان رفع على الصوت يجلس بجانب سعود اللي يصب الشاهي على الكل ،التفت لرائد و لولده اللي بجانبه اللي كان يشرب شاهي بصوت مزعج عكس رائد الهادي :سبحان اللي خلق وفرق ما كان هذا ولد هذا
ريان :طالع على الجني مالك
مالك التفت له :قولها مره ثانيه اذا كنت على رجال
ريان :والله اني صادق انت اكثر واحد كان موذي عمي سلطان
مالك :خف علينا يا الملاك المنزل من اللي كل يوم يهج من المدرسه من هو ورع طول يدي ساطي ودمه ثقيل
رائد :اسكتو ياخي نبي نتابع المباراة زي الناس
سالم :والله ياخي اجلسو وانتم،يقصد ريان و سعود،اهجدو وتفرجو زي الناس الطبيعيه
في هذي الاثناء كانو البنات جالسين بعد ما بدلو لبجايم مريحه
وكان موضوعهم الاساسي يضحكون على شكل رانيه وبنتا اللي انطردو بكل قبح وكرامتهم طاحت بالارض
الزين بين ضحكاتها :اخ قهر ياليتني شفتهن وهن ينطردن
نورا جلست بجانبها تطلع جوالها :افا عليتس عندتس المصوره نورا ما تصور خبر زي كذا مهم ما تصير نورا
الزين بحماس تاخذ الجوال من نورا :كفو كفو حي عينتس والله
نورا رجعت شعرها على وراء بتفاخر :اكيد وش لون بس بتعيشون بدوني
رُبى وهي تنط تصير بينها هي و الزين : اصلا الحياة ما هي حلو بدون النوري
نورا حضنتها على جنب:كفو يا المعزز
لين وفجاء من كانت ساهيه عنهم على جوالها تضحك وابتسم يتلون وجهها باللون الاحمر ،سمر دقت كتف رنا تهمس لها :اخوتس وش مسوي فيها من يوم واخر الحريم وهي بس تتبوسم
رنا :مسكين ما الومه حارمينه منها ثلاث سنين
الزين دخلت في نقاشهم تكمل السالفه الناقصه تضيف النقاط للحروف :اقول تراها تسولف معه وانا كأني لقطت انها تبي تروح معه بنفس السياره عاد احس جدي بيعيي بس نبي نخليهم مع بعض
رنا :بسم الله علينا طلعتي اطلق من لين بنقل العلوم
الزين ابتسمت تعدل جلستها تتربع : عندي خبرات بس مدفونه وتبون الصدق انا الصراحه فكرة وقررت افصل عن وضيفتي لاني اخذه اجازه بدون راتب و على غير فايده واحس ما صار عندي وقت ابداً
سمر :الزين صدق بتفصلين انتِ تعبتي على مستقبلتس بالاخير تبين تفصلين طيب خليك على الاجازه واكيد راح يصير عندتس وقت فكرتي استخرتي طيب
الزين اخذت نفس:الصراحه لا بس امس وانا افكر في السياره لاحضت اني من تزوجت ما صار عندي شغف نفس اول ما ادري ليه
رنا :زيون من الضروف اللي صارت ورا بعض اكيد راح تتعبين بس وضيفة احلامك لا تخلينها لا تنسين ان حتى انتم جاين في الاجازه تذاكرين بس عشان تدخلين الطب ما تذكرين لمن كنا حنا نبي نسولف وانتِ تجلسين تصيحين لانتس ما ختمتي المنهج
سمر اقتربت من الزين تمسك يدها ما ابيها تقع بخطاء لحظي :ولا تنسين تعبتي ومجهودتس يروح بلمح البصر عشان ضغوطات الحياه اذا كل احد صار عند ضغوطات ويتخلى عن الشي اللي يبيه ما انجز شي بحياته
الزين اخذت نفس بحيره ترجع شعرها خلف اذنها تلعب بخاتمها بتوتر،هي من جهه تحس انها مضغوطه ومن جهه اخرى ودها بس تجلس بين اهلها وحبايبها لانها جربت الفراق وطعمه مر وجدًا ولا ودها تجربه مره ثانيه بشخص يعز عليها وتحبه وتغليه تتكلم بهمس لجل محد يسمع الا سمر ورنا  :مدري مدري مخي مشتت احس بس ابي اصير حولكم ولا اروح ودي اجلس معكم كل وقتي ولا تغيبون عن عيني لحظه
سمر حضنت كتوفها تطمنها :حنا معتس ولا راح نتركتس
-
-في هذا الوقت عند العيال في الحوش الخلفي -
كان الصراخ مالي المكان بسبب خسارة الفريق اللي يشجعونه
سعود،سهم،رائد،حمد بينما كانو الباقي ماسكينهم طقطقه ولا فيه اي احترام لمشاعرهم المتحركه من رسمو امالهم بفوز الفريق وخصوصا انه في النهائيات
سالم يضحك بصراخ :خلو روحكم رياضيه
حمد دف سالم برجله بمزح :حنا روحنا كسول ما تحب الرياضه
مالك مد لسهم بيالة شاهي :روق يالاخو ترا كلها كوره
سهم ناظر فيه :ماودك تسكت لا اطلع حرة الخساره فيك
ياسر قام بحمياء لاخوه :ابن ابوي والله مانلمسه وانا اخوه
مالك قام بحماس يرمي شماغه اللي كان على كتفه :عز الله يعزك
رائد فتح جواله يرفع عيونه على التاريخ من كان ٢٠شعبان هجري،يفز بطوله يصرخ لجل يلفت انتباههم :يا عيال باقي عشر ايام ويجي رمضان
الكل لف لرائد ،ما يدرون كيف السنه مرت بسرعه البرق عليهم ما يمديهم معيدين عيد الضحيه والان رمضان على الابواب ،ياسرع الايام ،مالك لف اتجاه صوت الخطوات القادمه لهم يدق ساق رائد الواقف ياشر له يسكت ،وقف بهدوء يترقب لصوت الخطوات اللي جايه المكان مظلم ولا شي واضح دب في قلبه الخوف يتعوذ من الشيطان الرجيم من شاف انه ابوه اللي جاء ينادي عليه ،استجاب لمناداة ابوه له يتوجهه له :سم يبه
سلطان مسك كتفه يمشي معه بعيد عن جلسة العيال اللي كان يضج فيها الازعاج والحين عم الهدوء احترامً لسلطان ،مالك استغرب مناداة ابوه:يبه فيكم شي
سلطان هز راسه بالنفي:مافينا الا العافيه نحمد الله ونشكره لاكن وش لون صحة حرمتك
مالك خاف ان فيها شي وابوه يمهد له او شي من هذا القبيل:فيها شي ؟كانت طيبه يوم اروح لها
سلطان :مافيها الا العافيه انا أسألك انت وش قالو لها الدكاتره ولا على نفس كلامك اخر مره وبتقدر تعتمر معنا ولا يتعبها
مالك تنهد براحه لوهله حس ان قلبه في بطنه خوفاً عليها من ان يصيبها اي مكروه،ابتسم :كلمت دكتورها وقال ما عليها خوف باذنه
وتقدر تعتمر بس ان عمليتها بعد عمرتنا
سلطان :هي ودها تروح انت ودك ولا لا
مالك :ودنا كلنا ولا اعطيتها امل بالروحه لين ما تطمنت عليها
سلطان :الله يعطيك الصحه والعافيه ويمدها بصحتها وعافيتها والله يا هالبنت تبهذلت بهاذيل الدنيا كلها الله يصبرها
وده يقول ان هي في وجهه من بهاذيل الدنيا وانه يسندها بكل شي تقوله :هي في وجهي من غرابيل الدنيا يا يبه
سلطان ربت على كتف ولده :الله يخليك لها ذخر وسند
مالك قبل راس ابوه:ولنا يا حي يا قيوم ويمدك بالصحه والعافيه يا كريم
سلطان مشى مع ولده لجلسة العيال يتكلم بحده من ما شاف منهم اي استعداد ولا كانهم بيمشون من بعد صلاة الفجر:ما ودكم تخمدون
ماوراكم سفره بكرا من صباح ربي من اذان الفجر كلكم في السيارات سمعتوا ؟
هزو روسهم بـ ايه ،كرر بحزم اكثر و حده :سمعتوا
الكل :سمعنا،ابشر على ما يسرك
كان بيمشى بس هم على فرشتهم ما تحركو ابدا يلف لهم :روحو اخمدو شوي
وقفو كلهم يتجهون للمقلط ما عدا مالك و رائد يتجهون لأجنحتهم
ريان :اللي ينام وجنبه حرمته وانا انام وجنبي الهقش ذا
سعود ضرب قفاه بكل قوته :ياتبن هذا جزاي
ريان انسدح على فراشه :امحق جزا
سالم :ما جاكم الهواش الا الحين انثبرو ،التفت على سهم اللي كان بالحوش والواضح انه يكلم احد بالجوال ،التفت لسعود وريان :لا تفشلونا بالضيف فهمتم
سعود اعطهم ظهره يتلحف كله ،ريان فتح جواله ينسدح والواضح ان النوم يجافيه ،دخل سهم يشوف سالم نايم وسعود كذالك وياسر على السوني وريان على جواله ،انسدح يحط راسه على المركى
يتامل السقف بكل هدوء يفكر كيف يمشّي حياته وده يكمل نص دينه يكمل قصة حب من طرف واحد وده انها تبادله نفس الشعور لاكن يعرف ان الوقت مو مناسب لجل يخطي هذي الخطوه هو بنفس مو مستعد ولا وده بالرفض ابدا ما التقى فيها الا مره وحده ولا يتوقع انها بتاخذ عنه فكره او حتى تفكر فيه
ياسر نزل سماعته من على راسه يطفي السوني بعد ما انتهى من اللعب بخسارة فريقه لف على سهم يشوف سرحانه هو كان دايم ينام عندهم بس ماهو بكثير الوقت واليوم هو احد الايام اللي ينام فيها عندهم :سهم صاحي
سهم تعدل يجلس من كان منسدح :سم شبغيت
ياسر ابتسم:استريح وخذ راحتك منت رايح معنى تعتمر
سهم :والله ما ادري عمره مع ناس مثلكم ما تتفوت سعة صدر وقلوب وسيعه
ياسر :الله يرفع قدرك العين اوسع من المكان هي كلها يومين وراجعين
سهم :ابد اجل ان شاء الله مخاويكم
ياسر :حي عينك والله حياك الله
سهم رجع ينسدح : تسلم ما تقصر من طيّب اصلك
-
في داخل بيت راكد
قامت الزين تدف راس سمر عنها تكلمت بالم من قدمها النايمه :اعوذبالله راسك وش صبه (الاسمنت الجامد)
سمر اللي كانت تنعس :شوي شوي رجيتي مخي
لين تكلمت بصوت ناعس :اص ابي ارقد
سمر جلست من كانت منسدحه:وين بيتكم يا الطيبه
لين غمضت عيونها تتلحف بالبطانيه :بيت جدي بيتي
سمر كشت عليها:ارقدي ارقدي
الزين فتحت جوالها اللي كان يتصل من كان مالك ترد عليه:هلا
مالك :ببيت جدي
الزين:ايه سم
مالك انسدح على السرير :سم الله عدوتس بس ما شفت شنطتتس مجهزه ولا شي ولا كاننا بنمشي من صلاة الفجر
الزين ضربت راسها بخفه تضحك :يوه طار عن بالي يالله جايه
قفلت منه وهي تسمعه يقول :النوم ماني نايم الا وانتِ بحضني
واردفت تقول :يالله مع السلامه شوي وجايه
لفت على البنات تصرخ بصوت خفيف:بنات نسينا ان ورانا سفره لمكه بعد الفجر
سمر حطت يدينها على راسها :وش لون طار عن بالي
لين جلست تستوعب ،وقفت بطولها تركض لبيتهم وتقول :ضفو قشانكم ترا الفجر ماشين
استنفرو البنات تفرقو يضفون اغراضهم ،الزين توجهت هي ولمى اللي تشيل ليث النايم بعد ما جابه لها رائد من كان قايم والزين تشيل فرح اللي كانت تلعب بطرحة الزين
دخلو وشافو مالك اللي كان بالمطبخ ومعه كوب الشاهي ،بشورت وتيشرت باللون الاسود كالعاده بس هذي المره كان عليها شعار احد البراندات المعروفه ،نزل كوبه على طاولة المطبخ يتوجه لهم القى السلام على لمى يسأل عن احوالها وقال :عطيني عنتس ليث
لمى :ماتقصر بس وصلت خلاص واخاف يقوم علي و ماعاد ينام
تصبحون على خير
مالك والزين :وانتِ من اهله
حاوط خصرها يمشي معها لجناحهم ،جلس على السرير يشوفها انزل عبايتها تحطها بالشماعه خلف الباب تتوجه لغرفه الملابس
فتحت الدولاب تشوف الملابس طلعت لها كم لبس وعبايه تحطها على السرير ،التفت على مالك وهي تتذكر ان الشنطه فوق الدولاب ولا تقدر تلحقها :مالك بالله ماعليك امر جيب الشنطة السوداء الكبيره
مالك قام ينزلها لها يحطها على الارض بجانب السرير يشوفها تجلس على الارض تبدا تصفط الملابس بهدوء وترتيب
وقفت تروح لدولابه تاخذ كم ثوب له واشمغه تحطها بالشنطه
تتوجهه للتسريحه تاخذ كم غرض تحتاجه باليومين هذي
انتهت من الشنطه وكانت تبي تسكرها مد لها مالك
الأحرام حقه يبتسم :بغيتي تنسينه هذا لو ما جبناه اكلنا هواء
الزين :والله صادق
توجه مالك ينسدح على السرير تنسدح هي جنبه او بالتحديد على ذراعه اليسرى تسمع لنبضات قلبه ،قبل راسها :تصبحين على خير يا روح المالك
الزين :تصبح على النور يا سند وحياة الزين
من بعدها يسكن الجوء دليل دخولهم في نوم عميق
-
-جناح رائد-
دخلت وفي حضنها فرح وماسكه في يدها يد ليث النعسان ،فز بطوله من كان منسدح على السرير على وشك النوم :ورا ما قلتي لي اجيبه عنك
لمى اعطت رائد فرح تودي ليث لسريره ،ترجع له بعد ما لحفت ليث و قبلت خده تسكر الباب عليه ،جلست بجانب رائد و فرح تلعب على صدره ،لف عليها :ترى بنروح مكه تدرين؟
لمى انسدحت تريح ظهرها :ايه بس ابي اريح شوي احس راسي بينفجر من الالم
رائد لمس جبينها :تبين بندول ولا نروح المستشفى
لمى :ابي انام شوي تقومني قبل الفجر
رائد جلس يلف لها بجديه :اذا تعبانه ما نروح الفجر نروح بعدهم عادي
لمى بصوت مبحوح اثر النوم والارهاق : لا عادي بس ابي اريح شوي
غمضت عيونها وهي تون بالم ظهرها القاطع ،تنهد بهم لانها تقاوم الالم وترهق نفسها زياده عن اللزوم ،ربت على ظهر فرح تنام
يسدحها بوسطهم يغطيها بـ بطانيتها الصغيره لجل لا تختنق
رفع يده اليسرى يشوف الساعه اللي تشير على ٤:٢٠ قبل الفجر
يتوجهه لغرفة الملابس يطلع حقيبتين باللون السُكري مختلفتين الحجم يبداء يرتب الملابس اللي يظن انها مهمه يحط حِرامه الابيض وكم ثوب الى ان وصل لملابس لمى ما يدري وش تحتاج
فاختار لها كم بنطلون ليقنز باللون الاسود وتشيرتات بمختلف الاشكال والالوان واخيرا بجامة نوم ،يخلي الشنطه على جنب يمكن لمى تحتاج تضيف شي هو غافل عنه يفتح الشنطه اللي تصغرها حجم يرتب النصف الاول لليث والنصف الثاني لفرح ابتسم لان هذي اول مره ليث راح يعتمر معهم دائما كانو يخلونه يا عند حنان او سحر ،انتهى من كل شي بنظره بس ما سكر ولا شنطه تحسبا لآي اضافه من لمى هي اعلم منه خبره في هذي الامور توجهه ينام قليل الوقت لجل يجمع نشاطه طول اليوم
-
-في فجر يوم الاثنين -
زي كل مره راكد يدور على البيوت يصحيهم للصلاه بقوله "الصلاة خيرًا من النوم" توجهه للمقلط يشوفهم كلهم نايمين بشكل مبعثر وبعضهم بدون حتى وساده انما مركى تحت راسه
بضرب الباب :الصلاه يا ولد الصلاه
يفزون كلهم ماعدا سالم اللي دايم نومه ثقيل ،راكد نادا سالم اكثر من مره لجل يقوم ،توجه له من ماكان منه اي رد يضرب ساقه بالعصاء يفز واقف لانه عرف والاكيد انه طول بالصحوه لان الكل قايم ماعداه ،حك راسه بورطه من نظرات جده الغاضبه :يالله توضوء و الحقوني على الصلاه
طلعو العيال يتوضؤن طلعو يلفت نظرهم باص كبير واقف امام بيوت ال راكد ،تخطوه ظانين ان احدهم موقفه هنا او معطل او من هذا القبيل ، سلمو من الصلاه يشوفون الناس اللي يقراء قران ويسبح ربه ومن يدعو الله يخرجون يتوجهون لبيوتهم
راكد التفت لهم من اكبره سلطان لين اصغرهم سعود : ركبو الاغراض في شنطة الباص سبع ماشين
سعود الادرلين ارتفع في جسده الحماس وصل مراحل كبيره ،توجهه لجده يقبل راسه بحماس :ابشر يا جدي ابشر بعزك
راكد ابتسم لحماسه :تبشر بالجنة ،التفت للعيال :عجلو عجلو 
توجهو العيال للبيوت ياخذون الشنط منها
-في بيت حمد -
دخلو سعود وسالم مستعجلين يشوفون ن لين اللي تمشي ببرود
سالم بحده يبيها تستعجل شوي :لين عجلي يرحملي من جابتس
لين ناظرته:خير على وش اعجل
سعود بحماس يتكلم بسرعه لدرجه ان بعض كلامه متداخل في بعض :نبي نروح بالباص كلنا مع بعض
لين عقدت حجاجها للحظه تحاول تفك كلام سعود السريع :وش انت يبيلي سنتين عشان افك ذا الطلاسم اهرج
سالم :نبي نروح بالباص مع بعض كلنا
لين رفعت راسها له من كانت تشوف الرسايل المشتعله في قروب البنات :جد والله
سعود :ايه ايه عجلي ما عاد فيه وقت وين شنطتتس وشنطة امي وابوي
لين اشرت له :عند الباب بس انتبه لشنطتي ترا فيها اشياء تتكسر لا تصير دفـ ،ما اكملت كلامها تشوفهم يركضون يا خذون الشنط
يطلعون للخارج
دخل حمد للبيت يشوف لين جالسه تسوي قهوه للطريق ،وبنفس الوقت على جوالها ،ابتسم من سمعها تكلم والواضح انهم البنات من قالت :سمر جيبي الشكولاتات اللي عندتس واذا فيه كد رد بعد جيبي
وسو قهوه انا سويت ترمسين بس الواضح انها بتصير نصيب الحريم والرجال
حمد دخل يتنحنح لجل ما تخاف ،توجهت له تقبل راسه وهي تقول بحماس :يبه نبي نروح كلنا مع بعض بالباص
حمد مسح على راسها :ادري يا ابوي انتِ عسى ضفيتي ملابس اخوانتس
لين :ايه خلصت من كل شي وامي تصلي داخل هي بعد خلصت كل شي
من كانت تبي تطلع تلحق ابوها دخل ياسر ،تفزع هي من كان متلثم
وثوبه معدوم شهقت تصرخ ،فز يغطي ثغرها بيده :انا ياسر
لين دفعته عنها :خير روعتني ياخي
ياسر هز راسه بأسى:كذا البنت تستقبل زوجها
لين تخصرت تناظر فيه :لا والله اجل كذا الرجال يدخل على زوجته
ياسر ابتسم:يابنت الحلال اهم شي تسنى لي شوفه قبل لا يمسكنا جدي طول اليومين الجايه
لين وهي تعرف حركاته :امي فوق ترا يعني ما طلعت يعني لا تتحمس واخواني جاين رايحين
ياسر ناظر فيها بخبث يبتسم :ليه وش تبين اسوي مثلًا رجال يسولف مع حرمته ولا تفكير بشي ثاني
لين ضرب صدره يتلون وجهها باللون الاحمر وكان كل دم جسدها تجمع في وجهها من الخجل وتفكيره اللي اخذ منحنى اخر :وسخ
ضحك بحب على وجهها المحمر يحاوطه بيديه يقبل خدها اليمين ثم الشمال :لذي الدرجه تستحين يا بنت حمد
لين مسكت يدينه تبعدها عن وجهها تتعانق ايديهم مع بعض :بعض الكلام ماله داعي
ضحك ياسر يحضنها له :افا والله انتِ اللي فتحتي الموضوع يا بنت عمي
ابتسم انظاره على ثغرها اقترب من ثغرها ناوي تقبيله لاكن
حك راسه يبتعد عنها يسمع خطوات وهو يقول :لين ضنتي امتس جت بس جيبيلي الزوليات"الفرشات" الحمّر على السريع
توجهت لين تجيب الزوليات وقفتها امها تمسك عضدها :وين رايحه ومين عند الباب
لين عقدت حجاجها من نبرة امها الحاده وكأنها تكلم ألد اعدائها مو بنتها اللي جابتها من رحمها وحيدتها من البنات :ياسر يبي زوليات
فوزيه :الله ما يعرف الزوليات الا عندنا بيت جده مليان زوليات
لين ابتعدت عن امها وهي تقول : يبي الحمّر
فوزيه كشت عليها وعلى نفسها وهي تقول :يع متى اطلع من ذا البيت وافتك مير كل ما اهم يدبسوني اكثر اخخ بس
-
في بيت راكد
الفوضى في كل مكان سحر وجميله وعمشه يحاولون بالبنات اللي حاسو كل شي حرفيا من عرفو انهم يبيون يروحون بالباص وهم ما جلسو اللي تسوي قهوه واللي تسوي كيك واللي ترتب فعاليات الخط
عمشه جلست بتعب من ماقدرت عليهن ابدا :جميله خلاص انا عجزت عنهن سوي اي شي اهم شي يخلصن بسرعه خاصه نورا ورُبى فاقعات تسبدي
جميله ابتسمت ترفع طرف جلابيتها تروح لهن ركض ،ابتسمت عمشه :ما كأن اكبر بناتها متزوجه ما شاء الله تبارك الله
-في المطبخ-
سمر واقفه قدام الفرن تنتظر الكيكه تستوي من قالت لها نورا قبل لا تروح تضف باقي اغراضها ،دخلت سحر تلف طرحتها لابسه عبايتها،ضربت يديها ببعض :ابتس انتِ ما خلّصتي الساعه سبع الا ربّع وانتِ منثبره في المطبخ
سمر قامت تطفي الفرن بعد ما استوت الكيكه تطلعها وهي تقول :لا والله هذي كيكة بنتتس المصونه وانا جالسه احتريها لين تخلص
دخلت رُبى معها شنطة اليد وكانت كبيره مره ،ناظرتها سحر :هذي بس شنتطتس
رُبى ناظرت شنطتها وهي تقول :لا هذي شنطة الفعاليات وفيها الشواحن وباقي الاغراض
سحر بصدمه :هذا كبرها وانا عمتتس
رُبى :والله عاد هذي شنطتي يا عمه كل شي احتاجه فيها ولا يغرتس حجمها تراها صغيّره من داخل
حنان دخلت عليهم وبيدها سلتين قهوه وشاهي والثانيه فيها ما لذ وطاب من الاكل ،ناظرت فيهن تشوف ان كلهن لابسات عبايتهن ماعدا سمر :سمر ما قضيتي
سمر بعصبيه وهي تغلف الكيكه :قضيت قضيت بس قولي للزفت نورا تجي تاخذ كيكتها
عمشه دخلت عليهم ومعها بقل وسمن بعلب بلاستيك شفاف ،مدتها لجميله :حطيها في سلة ترامس الرجال لجل يتقهون عليها
-
اما في جناح مالك
دخل مالك وثوبه معدوم يتوجهه للحمام " اكرمكم الله " ياخذ شور سريع يبدا ثوبه اقول ثاني باللون الابيض ،طلع للغرفه وهو يسكر ازرت ثوبه العلويه لف على الزين الغارقه في النوم ،اقترب يجلس على طرف السرير يمسك كتفها يهزه بخفه يهمس :زيون زيون
الزين فزت وهي تقول :تاخرنا ! الساعه كم؟
مالك ضمها له يسمي عليها :ما تأخرنا يا روحي
الزين اخذت نفس بهدوء :الساعه كم
مالك :سبع بالضبط يالله لجل نمشي وترا جدي جايب لنا باص يعني نروح جميع مع بعض
الزين ابتسمت توقف تلبس سلبرها "اكرمكم الله " :يعني كلنا كلنا بباص
مالك يقبل خدها :الله الله كلنا سوّاء ،مسك يدها قبل تتوجه للحمام " اكرمكم الله " يضمها له لوقت طويل تشعر بأحتياجه لاكن لايش ما تدري حاوطته تنتظر منه الكلام لكن ما تكلم أبدآ انما دفن وجهه في عنقها يقبله يستنشق عبيرها و مسِكها يحس بالراحه معها عندها في حضنها وكانه يستند طاقته من حضنها يتأهب للجاي ،الزين ويدها على شعره تلعب فيه :مالكي وش مضايقك يا حبيبي
مالك قبل راسها قبله طويله وكأنه يريحها ويبتعد عن الاجابه :مافيني شي بس اشتقت اضمتس
الزين ضمته من جديد تتشابك كفوفهم مع بعض ،مالك :شكلنا ماراح نمشي معهم اليوم واضح
ابتعدت الزين وهي تضحك:لا والله نبي نمشي معهم
بعد ما يقارب عشر دقايق ،لبست عبايتها الدانتيل من الاكمام وتاخذ شنطة اليد السوداء تلتفت على مالك اللي كان على جواله :مشينا ؟
مالك قام يدخل جواله في جيبه :بسم الله توكلنا على الله مشينا
ابتسمت ،يطلعون من البيت
-
في جناح رائد
دخل رائد يشوف لمى ماسكه ظهرها تناظر الشنط مصدومه هي متاكده انها ما جهزتها ،ابتسم رائد يحاوطها من الخلف يقبل كتفها
لمى :رائد انت مجهزها ؟
رائد :ايه قلت دام ما فيني نوم اقوم اجهزها على بال ما انتِ راقده
لمى لفت له بحيث يصير وجهها مقابل صدره ركزت راسها على صدره تتنهد :يا حبيبي يا رائد الله لا يحرمني منك والله كنت شايله هم الشنط وترتيبها
رائد :ما سويت شي انتِ تعبانه ولا عندي شي بس ما سكرت الشنط قلت يمكن تحطين شي زياده
لمى رفعت نفسها تقبل خده ،ابتسم يحاوط خصرها انظاره على ثغرها لاكن قاطع اندماجه فيها صوت بكي فرح ،رائد :يامن شراله من حلاله عله الواحد ما يستمتع شوي يعني
لمى رفعت صوتها :والله يعني فروحتي عله هين يا رائد
رائد اقترب منها ينحنى ياخذ فرح اللي تبكي:يابنت الحلال نمزح بس ما يخلون الواحد يتهنى
لمى اتجهت للدولاب تطلع لفرح لبس ،طلعت شنطه الخاصه بفرح
تحط فيها اغراضها وكم لبس غيار:رائد تكفى قوم ليث ولبسه وانا فروحه
بالفعل راح رائد يقوم ليث اللي يبكي يبي ينام وبعد معاناه اقنعه يشتري له كوره جديده
-
في حوش ال راكد
العيال كلهم في الباص حايسينه بشكل رهييب ،فككو جميع المقاعد
نزل سعود من الباص يرمي اخر مقعد عند كومة المقاعد الكثيره
نفض يدينه يلتفت على ياسر اللي جاب فرشات :حي عينك يا ولد عمي
ياسر رمى الفرشه بجانب الباص :حي بدنك
ابتدى العيال يرتبون الباص من داخل قلبوه جلسه شعبيه
ريان اخذ التكايات يرتبها للكبار ويصف المراكي
دخل سالم ومعه العزبه الصغيره حقة القهوه ينزلها على جنب :الله يقويكم
دخل خالد ومعه ستاره ودريل:ابي معاون
سهم :اعاونك
رفعو الستاره ينتشر صوت الدريل(يربطون فيه المسامير)يثبتونها في نص الباص بحيث يصير فيه فاصل بين الرجال والحريم لجل يا خذون راحتهم ويكشفون على كيفهم ،
تجمعو ال راكد كلهم عند الباص يركبون اخر الاغراض ،حمد قبل لا يقفل شنطة الباص :باقي شي ولا اقفلها
سحر ناظرت المكان :لا خلاص قفلها ما ظنتي باقي شي
سلطان :يالله يالله مشينا بياذن الظهر وحنا نقول من الفجر بنمشي
سمر :والله عاد حنا خالصين من مبطي شوف العيال اللي سبحان الله طلعو لهم شغل من تحت الارض
سعود تخصر :والله عاد يا ست سمر مالتس دخل وش نسوي ولا ما نسوي كيفنا طيب شغلنا مالتي دخل فيه انتِ تعالي وتبطحي وقولي والله هذا يعجبني وهذا ما يعجبني
سمر من كانت تبي تتكلم قاطعها راكد :مناقر من صباح الله اركبو اركبو
ركب الكل الا سمر وسعود يتناقرون رفع صوته راكد :اركبو بركت عليكم ناقه
ركبو بعد معناه وصراعات لان لا سعود ناوي يخلي سمر بحالها ولا سمر ناويه تخلي سعود بحاله هي ابي تركب قبله وهو يبي يركب قبلها والباب ما ياسعهم مع بعض وألا وألا كل واحد يبي يركب الاول
كان الترتيب كا الاتي ،الباص مقسم الى قسمين قسم امامي اللي يطل على حجرة القياده ويكون فيها مقعدين القسم الامامي فيه جميع الرجال والقسم الخلفي فيه جميع النساء وبينهم فاصل اللي هو الستاره
-القسم الامامي-الرِجال
بعد ساعه من الانطلاق ،وقف سالم يشغل الغاز المتنقل يطبخ القهوه بعد ما خلص الترمس اللي عندهم
راكد يناظر للقهوه اللي بدت تفور :انتبه للقهوّه يا ولد
سالم لف نظره للقهوه يسارع في اغلاق الغاز من فارت يرفعها عن حرارة الغاز يزلها في الترمس
مالك اخذ الترمس بيده اليسار وبيده اليمين ياخذ مجموعة فناجيل يوقف يتوجهه لخالد اللي قال لهم انه هو يبي يسوق الساعات الاولى والباقي عاد اللي يبي ،صب له فنجال قهوه يمده له :خالد فنجال
اخذ الفنجال بـ ابتسامه :تسلم
مالك ابتعد وهو يقول :سلمت انتبه للطريق ترا في عنقك ثلاثين شخص
عمشه اللي كانت جالسه معهم ضربت فخذ مالك اللي جلس بجانبها وهي تقول بغضب :تفاول علينا وانا امك  مد البقل لسهم خله يذوقه
مالك اقترب منها يقبل راسها بضحكه :افا يا يمه انا افاول عليكم ابد بس الحرص واجب ،لف لسهم يوجهه الكلام لجدته :افا يعني بس سهم اللي يذوق وحنا
سهم تكلم وهو يمون مع عمشه وتعده واحد من عيالها من كثر جياته لهم :يخاله تراه اكثر واحد موسوس ،اخذ من البقل ياكل منه يتلذذ فيه
ياسر ضرب عنق سهم بخفاء يهمس له : ما ودك تسكت تروع العجيز على مالك
سهم غص باللقمه يهمس له:يا خي ما قلت الا الحق وبعدين خالتي تروع قبيله
راكد :سعود خذ الترمس وصب لنا
سعود تافف بملل وقال بقهر :جدي ومالك هذا هو يصب لكم
راكد ناظر مالك اللي واقف منحني الرقبه يودي ترمس تو
سواها رائد للحريم :بالله ما نصل مكه الا عنقه منكسر ،رفع صوته يعني سعود فيه :قم صب القهوه يالله
قام سعود وهو يهمس بغيض :عشاني قصيّر و صغيّر يضطهدوني
اخذ الدله من مالك اللي ضحك من سمع همسه :هذا وانت طولك ١٨٠ اجل لو انك اقصر وش راح تسوي
سعود بهمس :اسكت لا تقلب المواجع يا الطويل
سالم :جدي ترانا جوعانين على لحم بطوننا
راكد ناظر فيه ومن بعدها يناظر بالاكل المتنوع :والنعمه اللي من اوله تطفح فيها وشنهي
-
-القسم الخلفي-النساء
كانو جالسين بشكل دائري وسط الجلس كل ما لذ وطاب من الكل والحلو والمالح واكيد لاتحلو الجلسه بدون حب شمسي "دوار الشمس " سمر اخذت بيدها مجموعه من الحب الشمسي تمد البياله لنورا اللي كانت عند الشاهي سمر باندماج مع السالفه:ايه عاد وذاك اليوم يوم رحت المكتب لقيتها تبكي وجلست اهديها ومن ذا الكلام
ويوم قالت لي سالفتها طقيت الصدر وقلت عندي وانا بنت ابوي
رنا :كفو كفو اي طيب الخلاصه من السالفه ترافعتي عنها ولا لا
سمر :افا انا سمر بنت راكد ما تغير هرجها اي ترافعت عنها
سحر تكت على رجل جميله تاكل من صينية الكيك نفسها بدون ما تحط لها بالصحن :بالله كم قضيه مسكتي لحالتس
سمر بورطه وهي اكثر وحده تتغيب عن عملها ولا تكسب قضايا كثيرة :مدري مدري ناسيه
رُبى :كذوب ماهي ناسيه القضايا اللي مسكتها وربحت فيها عشرين واللي خسرت فيها حول حول ماني متأكده بس ظنتي خمسه واربعين
جميله فزت تضرب رُبى :احترمي عمتتس وخير يا طير الحياه فيها ربح وخساره صح ولا لا
الكل باجماع على كلمه وحده :صح
سمر ارسلت لجميله قبله بيديها :الله ينصرتس على الظالم قولي امين
امنت جميله ،حنان شهقت وهي تتذكر سالفه مهمه لازم تقولها :تخيلن وش صار امس بعد ما رحتو لبيتكم
لين طق عندها عرق الفضول :غردي و دندني يا عمه
لمى ناظرت وجهه حنان :لا شكل السالفه تحمس
حنان فتحت جوالها تدخل على البوم الصور توريهم المحادثات اللي كبشرتها لأهميتها ،شهقت الزين ترتفع نبرتها بدون وعي :خير قلة ادب ما تشوفها عيني نعنبوها تهدد هي وخشتها الحمراء
مالك رفع صوته يحترق غيره لان صوتها كان عالي جدا:الصوت يابنات
سمر ضربت الزين :اسكتي انتِ لا يطلع لاي صوت الحين يجي يذبحنا لا عاد تتحمسين
الزين بهمس احتراما للحريم الكبار :ما يسويها مالكي يخاف علي
سمر :كش عليتس وعليه وعوه منكم
لين انحنت بحماس تعدل جلستها :عمه كملي
حنان سكرت جوالها :مثل ما شفتن جلست تهدد ساعه كامله
وتقول كلام واجد بس مختصره ان راح نطلع لكم قرون ولا راح نخليكم تتهنون في اسعد ايامكم
ضربت جميله رجلها بقهر :وجع يوجعها ان شاء الله اذا الكلبه ملعونة الصلايب
فوزيه :حتى وحنا رايحين مكه ماتخلون الناس في حالها
سحر ناظرت فيها من تحت إلى فوق ب أشمئزاز ، سمر :هرجنا فيتس ما هرجنا ترا لولا احترامي لحمد ،قطع كلامها نغزت سحر اها تهمس في اذنها :بس خليها حنا رايحين نرتاح في بيت ربي ما عليتس منها اسفهيها
سمر هز راسها بايه ما ودها تخرب مل شي بلحظه بسبب فوزيه اللي ماتستاهل حتى انها تخرب فرحتهم ولمتهم الحلوه الحنونه
نورا جلست وشغلت السماعه الصغيره نوعًا ما صوتها خفيف:تبوني اخلي جدي ينطرب
رُبى :اتحداتس
اعتلى لحن المقدمه من بعدها الكلامات وهو يقول :
قلبــي اللي تعــذب من ســبايب حلاه
كــل ماراح عنــي ودي انــه قريــب
‏لايــزيد المــواجع ويترك اللــي شــراء
قله إنــي مـريض ولا نفعــبي طبـيـب
والله إنــي أحــبه مــثل روحــي غلاه
‏ودي أنه يجـيني لجل جــرحي يطيب
صــدق أقــوال ناس وكل شــي نساه
كنــي اليــوم عنده يابو ســامي غريب
-
-في القسم الامامي -
راكد ابتسم يبدا يدندن مع اللحن بصوت مبحوح من بعدها يشاركه الكل وعمشه معهم
راكد ابتسم يناظر عمشه وهو يردد هذا البيت :"والله اني احبه مثل روحي غلاه"
سعود بهمس لريان :جدك ذايب في العسل
ريان :يوووووه قدهو ذاب وقضى
مالك ابتسم من طرت عليه الزين بينهم كلهم يغني بإبتسامه ،وياسر يغني كذالك ورائد واخيرا سلطان يقسمون بحب زوجاتهم اللي يقاسمونهم الحب والوفاء والعطاء الصبر عند المصيبه ووقوفهم مع بعض دائما وسهم يغني يتمنى انها مثله كذالك ،اما حمد اللي كان يناظر لهم وهو يقول في نفسه "طق لك الثانيه يا ابو سالم وادحر راس العقربه " راكد عقد حواجبه من ادرك انه صار خفيف وبينهم كلهم وهو يرفع صوته بحده :اللي مشغله ذا المروح تطفيه لا اكسره على راسها
سمر اخذت السماعه تطفيها وهي تهمس بحده لنورا :وجع تشغلين ايه والله ان ابوي يلعنكن
رُبى :والله كانو مبسوطين وجدي يغني بعد
لين فتحت شنطت رُبى تاخذ منها لعبة الاونو :مين تلعب
البنات :انا
لين :يالله من كم الاوراق
الزين :عشره او خمس طعش
جلسو البنات على شكل دائري وبينهم الاوراق ،في نص اللعب صرخت لمى بقهر من سحبتها الزين ثمان كروت:غش غش
خالد اللي كان ساكت عن الازعاج لاكن صوت لمى مرتفع جدا:الصوت يا بنت
لمى بهمس :غشاشه غشاشه مالي دخل والله ما اخذها
سمر حذفت عليه الكروت :احلفي من اليوم لين بكرة ما خذنا ماخذتها
لمى كشت عليهم تحذف الاوراق لان اوراقها اكثر وحده ولا تبي تخسر وهي تاخذ فرح من حضن حنان ،نورا :خلي روحتس رياضيه انا قبل شوي تسحبت عشره عشره وانتِ ثمانيه وتزعلين
كملو لعب بهدوء وبعض الصرخات الين ما اكتشفت سمر حاجه وهي تدقق النظر على رُبى اللي كل ما سحبوها تنقص اوراقها ما تزيد كملت العب بهدوء لين ما صرخت وهي تشوف رُبى تدخل كومه اوراق قليله تحتها:رُبى يا كلبه والله كنت عارفه
رُبى تجحد كل شي :وش سويت انا أصلًا
الزين دفت رُبى تبعدها عن مكانها تشهق وهي تشوف كمية الاوراق الكثيره تحتها :يا غشاشه
-
استغفر الله و اتوب اليه ،صلو على خاتم الانبياء صلى الله عليه وسلم
اسعد الله اوقاتكم بكل خير
التنزيل يومي على الانستا تشرفوني
raweat _shadan
النجمه لا تنسونها وعلقو على كل شي يا حبايبي