ملكت من الزين زين الخلايق

البارت (٣٥)

-
جمعت الاسلحه وتوجهو العيال يمسكون الرجال يربطونهم
رنا صرخت: دقو على الاسعاف بسرعه
-
الزين تبكي وهي تضغط على صدر المالك اللي ينزف امتلت بالدم كانت تشتم نفسها باشد الالفاظ :مالك تكفى لا تغمض تكفى مالك
مالك تكلم بالم :زيني
الزين اللي لازالت ضاغطه على جرحه اللي ينزف بقوه : لبيه ياروحها لبيه
مسك يدها اللي على صدره : انتبهي لنفسك انتبهي
الزين هزت راسها مراراً و تكراً :لالا مالك لا انت قوي انت حبيبي ماتروح عني ماتخليني مالكي لاتخليني انت وعدتني لا تخليني لا تخليني لا تروح مالك انا السبب انا السبب ،ضغطه على جرحه لا كن انتشر الدم واصبح يخرج من ثغره ،الزين صرخت :مااااااالك ماااالك قوم قوم مالكي لا ترووووح مالك مالي غيرك سند مالي غيرك حبيب انت وعدتني ما تروح
-
حنان حاطه يدها على ثغرها وتبكي بارتجاف تتمتم بهمس:راح مالك راح
عمشه انخفض معها الضغط وحولها لين
الكل خايف مرتعب مصدوم حتى ماصدقو اللي يشوفونه سمر متجمده مكانها واقفه وتناظر الفراغ بدون اي حركه او تصرف
-
سلطان فز لولده يركض يترنح في مشيته يحس من كثر ماهو يركض انه يطير مايدري رجوله كيف شالته مايدري شلون وصل له يشيل راسه يحطه بين احظانه بخوف على ولده اللي حوله بحر من الدم يشوف ارتجاف جسده اصفرار وجهه انقلاب عينيه مسك يد ولده اللي كان يتمتم بكلمات غير مفهوم نصفها لاكن انصعق من سمعه يوصيه على الزين هز راسه ب النفي تمطر اهدابه :لك طوله العمر وانا ابوك لك طوله العمر التفت يشوف انهيار الزين تحاول قد ماتقدر توقف نزيف جرحه ارتجاف يديها احمرار اهدابها تتمتم بخوف ،جاء سهم مسرع يشوف حاله مالك الموجعه للقلب يشوف انهيار الزين ورجفتها اللي بس اطلب منها التوقف ماكنت رجفتها رجفت خوف لا كانت رجفه قلب ورح خوف انها تفقد غاليها حبيب روحها سندها صرخت بصوت قطع قلوبهم :مااااااااااااالك قووووم مالك لا تروح مالك تكفى مالك انت ماترد لي طلب لا تروح
سهم صد وهو وده يبكي شاف انهيار الكل لاكن استغرب ثبات بنت البندقيه مثل ما سماها شافها واقفه ومعها مسدس مالك وموجهته على صاحب السياره
توجهه لها من شافها تضغط على الزناد ضرب يدها يطير السلاح وتطير معه رصاصه تضرب في السياره
صرخ :خبله انتي لعب هو
رنا بصراخ :ذبح مالك ذبح اخوي
انصعق بل تكهرب كل جسده هذي اخت مالك هذي اللي انخطفت هي اللي بهذي القوه كلها لاكن لا تزال بنت البندقيه :يابنت الحلال روحي شوفي حرم مالك وخريها الاسعاف مايقدر يجي البر بسرعه المسائلة حياه او موت
رنا توجهت ركض للزين لاكن شافت ابوها اللي محتضن راس مالك والزين اللي تحاول بكل استطاعتها انها توقف النزيف توجهت لها تبعدها عن مالك ورفضت بقوه واصرار تكرر :بعدي بعدي ماني رايحه مالك مو مخليني مالكي واعدني ابعدي
رنا اخذتها لها تحضنها تشد عليها من لاحظت ارجاف يديها اللي كل ماله يزيد ،توجهه سهم يحمل مالك بمساعده سالم وياسر
دفت رنا بكل قوتها من شافتهم يدخلون مالك للسياره تركض لاكن مسكها سالم ويكرر :اهدي اهدي
لا كن مافيه اي جدوه ضربت صدره بكلتا يده تصرخ بصوت متقطع اثر الشهقات اللي تطلع بين تاره وتاره
سالم مسك يديها يضمها له يرتجف ثغرها  ،اشر سالم لهم بخفيه ان يمشون وانطلقو تاركين خلفهم الزين اللي تحاول تتفلت من بين يدين سالم صرخ بعلو صوته :الزين قولي لا اله الا الله
الزين انهارت بكي انحنت على الارض تبكي جت لها جميله تحضنها تطبطب عليها
وقف راكد اللي مايدري شلون وقف اصلا : ظفو اغراضكم ماشين الرياض اقرب من الديره يالله
اتجهو العيال يركبون الاغراض في السيارات من كانو الحريم لامين كل الاغراض
اتجهو للسيارات الزين لا زالت في حضن جميله
وقفت جميله تسند الزين يركبون احد السيارات الزين اللي متمسكه في امها كانها تحاول تتخبى من واقعها المر اللي دايم يضرها ويضر احبابها  ركب سالم وراكد في السياره اللي حامله الزين وامها
والباقين توزعو في السيارات 
-
في سياره رائد
الصمت يخوف مافيه الا صوت لعب فرح حتى ليث لو انه ماشاف شي لاكن يحس ان فيه شي
سمر اللي الا الان مافيها ولا حركه تناظر الفراغ
-
وباقي السيارات نفس الحاله اول مره يحسون ان طريق الرياض كذا طويل
-
في المستشفى
دخل سهم يصرخ يطلب منهم سرير
اخذو المالك يتوجهون غرفه العمليات
التوتر والخوف مسيطر عليهم
-
الزين لا زالت تبكي بهدوء لاكن اصدمتهم لمن قالت بصوت راجف وهي تمسك يد امها تحطها على قلبها:يمه اقري على ماتيسر وسمي 
بالفعل سوت جميله اللي طلبت بنتها كل ماقربو من الرياض زاده رجفتها انفجرت بكي وزاد بكائها من قرت امها سوره الشرح تذكرت نبرته الحنونه وقت قرها عليها حضنه اللي الحين محتاجته وبقوه محتاجه انه يطمنها ماتبي تعيش الفقد مره ثانيه شده على حضن امها تبكي على صدرها الحنون الدافئ تنطق بين بكائها:يمه مالك مو رايح صح
الكل كان ساكت لو تكلمو راح ينفجرون ياحاولون يصمدون مايضعفون يكفي الزين اللي بكائها يهد الحيل
حنان اللي كانت تحاول تمسك دموعها لاكن ماقدرت وهي تحضن الزين تسمي عليها وهي بحد ذاتها محتاجه احد يسمي عليها يطمن قلبها ، حمد اللي كان يسوق فيهم وكل شوي يمسح دموعه اللي كانت تشوش عليه الرؤيه
راكد نطق بهدوء يخفي رجفه صوته: يا ابوي يا الزين اذكري الله مالك قوي ان شاء الله
ماتدري هل هم يحاولون يجروحونها زياده ولا عقلها يربط كل شي في المالك تحاول تهداء لاكن كل ماتذكرت شكل مالك والدم ينهمر منه ترجع انهار اكثر من قبل تخفي دموعها في حضن امها هي وعدته ماراح تبكي الا على صدره لاكن اخلفت بوعدها له
لين اللي كانت في المرتبه الاخيره سانده راسها على رُبى ونورا اللي كانو لازم يتحارشون الا هذي المره صامتين يشوفون حاله الزين وتنهمر دموعهم
بعد مده من الوقت وقفو امام بيت جميله
نزلو وفتحت جميله الباب لهم دخل الكل الا الزين اللي جالسه في مكانها في وسط السياره
توجهه لها سالم يحاول ينزلها لاكن قالت برجفه :سالم ماني حاطه رجلي الا على ارض المستشفى
سالم اخذ نفس يلملم نفسه تنهد بضيق:ابشري بس انزلي شوي بس
هزت راسها ب النفي تحلف :والله وبالله وتالله ماني نازله الا عند المستشفى خلوني انا اروح
سالم توجهه يركب بعد ماقال لابوه انهم بيتوجهون للمستشفى
-
في المستشفى
دخلت الزين خلف سالم اللي وقف يمسك يدها : الزين انتي دكتوره وتعرفين كل الاخطار حطي في بالك الشي الحلو و الشي الشين
الزين رفضت تاشر على راسها :عقلي مافيه الا الشي الحلو ومالك يبي يعيش يبي يعيش مالك مافيه شي فاهم فاهم مالك مافيييييه شي تكفى اسمعني
كان بيتكلم لاكن قاطعته وهي تحط يدها على ثغرها:اص ما ابي صوت مالك بخير مالك بيقوم طيب مالك بيقوووووم
توجهو عند ياسر وسهم
جلسو ينتظرون وقت طويل مشى الوقت والساعات وعدت الساعه عشر باليل الكل بحاله صمت
التفتو على الزين اللي تغني بهمس متقطع اثر البكاء :
انتي بوجهي من الدنيا لا يلحقك خوف
مصيرها تضحك الدنيا لنا لو تضيق
مسحت دموعها تقوي نفسها : مالك بيقوم مالك قال انتي بوجهي انا بوجهه انا بوجهه الحزن مايطول مايطول مالك بيقوم بيقوم قالي مراح اخليتس مراح يخليني
مالك قوي مالك قوي ،ارتفع صوتها تبكي وهي تقول:مالك مايروح مالك قوي انا السبب انا انا
تقدم سالم يحظنها له يسمي عليها
طلع الدكتور يناظرهم :عايله مالك بن سلطان
سهم وقف بخوف يشد على شماغه اللي بين يديه :ايه تكفى
الدكتور نزل راسه :عظم الله اجركم في ميتكم
صرخت الزين تتجه للدكتور تضرب صدره :كذاب كذاب ما مات كذاب مالك مايموت مايموت من رصاصه ما يموت ،اجثمت على الارض تضم اقدامها لصدرها دموعها تنساب ترتجف اكتافها ناظرتهم تشوف عيونهم المحمره اثر كتمهم للدموع ،تصرخ بعلو صوتها : مالك ما يموت من رصاصه
-
في بيت جميله
كان الكل هادي من الخارج لاكن الداخل كل واحد يشتعل لهيب وحر جوف بس ينتظرون خبر يبرد قلوبهم يطفي نارهم
كانو الرجال واقفين عشان يروحون المستشفى من شافو ان محد يرد عليهم
راكد :يالله ياسلطان مشينا
توجهو كل العيال الا سعود اللي جلس عند الحريم
-
في المستشفى
الزين ناظرت الدكتور وهي تبي تتاكد للمره الالف تكلمت بخوف من الاجابه كم ودها في هذي اللحظه ان تصبح صماء : مالك بن سلطان ال راكد هو اللي متوفي
الدكتور هز راسه بالنفي :مالك بن سلطان ال مطلق اللي توفى
اجهشت بكاء وتضحك بنفس الوقت ،سهم حضن ياسر اللي كان منهار يضرب على ظهره :احمد الله وانا اخوك احمد الله والله يرحم ميتهم
مسح سالم على وجهه يلتقط انفاسه انحنى لـ الزين
يمسك كتوفها :الزين هدي مالك حي حي يرزق
الزين: ابي اشوفه
سالم :للحين ماجاء لنا خبر عنه ماجاء لنا خبر
الزين :وين اخذوه وينه
سهم اقترب منهم : في دكتور ينادي
الزين لفت له :وينه
سهم : عند الممر
مشت الزين وخلفها سالم اللي يحاول يلحقها من كانت تركض الا شوي مسك يدها يشوف الدكتور امامهم :بشر
الدكتور :مالك بن سلطان ال راكد صح
الزين :ايه فيه شي
الدكتور :نجحت العمليه لاكن اثرت شوي على الرئتين
الزين بلهفه :وينه تكفى
الدكتور:في غرفه العنايه ممنوع احد يدخل الان
الزين :انا ابي ادخل
الدكتور :لازم يكون في هذي الغرفة اربعه وعشرين ساعة
الزين :انا الدكتوره الزين تركي ال راكد ابي ادخل
الدكتور : معليش ما عرفت حضرتك اسف
سالم رفع حجاجه : تتعذر عن ايش دكتوره وبتشوف شغلها
توجهت الزين ومعها سالم لاكن ما سمحو له بالدخول
دخلت بلهفه تبي تشوف معشوقها اقتربت منه تمسك كفه تمسح عليها برفق من كان نايم بسبب البنج :مالكي اسفه انا السبب انا اللي خليتهم يطلقون عليك تصدق عاد يوم قالو مالك راح احس روحي بغت تطلع اول مره اتمنى اني صماء وما اسمع ماوفيت بوعدي لك ماقدرت ما ابكي اشوفك كذا طايح،ارتجفت نبرتها :و الدم مالي ملابسك وحتى ثغرك ما سلم منه الدم الحين احتاج ابكي على صدرك احتاج مواساتك ماودك تواسيني طيب لا تزعل علي انا طلعت لجل احميك منهم لجل اعرف وش يبون مني يمكن هم اللي قتلو بابا
بداء جفن عينه يرمش بشكل سريع دليل على افاقته شد على كفها ون من الم صدره ،فزت بخوف :بسم الله عليك
رفع نفسه يبي يقوم ،حطت يديها على كتوفه:مالكي ارتاح تكفى
مسك رصغها يشده  :اجلسي فيه كلام واجد لازم ينحل
الزين ارخت راسها على كتفه بنفس جلوسها على الكرسي : كلي اذان صاغيه
مالك تكلم بحده مرعبه لها : ليش تطلعين لهم تدرين انك كنتي بتروحين الا شوي تدرين وش يبون منتس ما تدرين ليه تجين ليه علميني
الزين ارتجفت نبرتها: مالكي خفت عليك والله خفت عليك
مالك صرخ :الزين انا كل يوم اشوف اردى منهم  تجين ليه وانا قايل لتس ارجعي ليه
الزين اجهشت بكي بخوف منه ،معه حق يخاف عليها ومعه حق يعصب ترمي نفسها للموت لاكن ما يقدر يشوف بكائها ومايسندها على صدره فتح يديه :دموعك على صدري غيره لا
الزين اخذت نفس تستجمع نفسها و مايمديها سندت راسها على صدره الا اجهشت بكاء حضن راسها :لا تعبيني لا ترهقيني والله من خوفي عليتس والله
الزين رفعت نظرها له ترتجف شفاهها حطت يدها على الشاش اللي على صدره وكأنها تحاول تعتذر له تحط اللوم على نفسها :اسفه
مالك حط يده على يدها :لا تعتذرين لي اعتذري لقلبي اللي خايف عليتس من دق الشوكه
الزين :مالكي انا السبب
مالك اللي كان متوقع هذا الشي منها نفى :مالتس شغل انا كنت داري فيهم حطيتس ورا ظهري احميتس ولا انتي مالتس شغل لا تلومين نفستس ، قلبت يدها تخلخل اصابعها في اصابعه :تصدق خفت عليك قالو انك مت
اول مره احس ودي اصير صماء ما اسمع
مالك ابتسم من شافها تتكلم له عن شعورها وخوفها عليه ،اكملت تسترسل في كلامها : بس انا اعرفك قوي ما تطيحك رصاصه اعرف انك ماتروح واعرف ان الحزن ما يفارقني
مالك حط يده على ثغرها يقطع كلامها : حنا وش قلنا مانبي ذا الكلام
-
في ممرات المستشفى
دخلو رجال ال راكد يمشون خلف راكد
شافو سهم واقف بين الممرات
راكد : وين المالك
سهم : بخير بخير ورفضو احد يدخل عليه الا شخص واحد وذلحين حرمه عنده
سلطان اقترب من سهم : قايم المالك وش صار فيه
سهم : بخير يا عمي بخير ابشرك طلعو الرصاصه وهو بخير الحمد لله
سلطان تمتم بالحمد والشكر لرب العالمين اللي ماخلاه يذوق الفقد مره ثانيه
الكل استهلت وجيهم اللي كانت خايفه كثير الخوف من الفقد حمد اخذ جواله يتصل على لين :بشري اللي عندك وطمنيهم المالك بخير لاكن الزياره ممنوعه وانا ابوتس قولي لعمتس حنان ان ولدها بصحه وعافيه
وقفل بدون ما يسمع اي رد
رائد :يبه دام مالك بخير روحو ريحو
سلطان لف على سهم :يالله وانا عمك امش معنا تريح
سهم اللي حلف :لا والله كثر خيركم حاجز لي فندق قريب ماهو بعيد
سلطان :استودعناكم الله
-
في بيت جميله
لين اللي دخلت عليهم و الابتسامه شاقه وجهها
قبلت راس عمشه :ابشركم ان المالك بخير
سمر لفت تناظر لها ببلاهه وفراغ كانها تحاول تستوعب امطرت اهدابها يرتجف صوتها :امانه
لين :والله والله
حنان قامت تضمها :الله يفرحتس زي ما افرحتني
لين ابتسمت تمسح دموعها :امين ولا يغير علينا
-
__________________
اهلا
البارت قصير وهذا طلب منكم عشان انزل
لا تنسون النجمه
استغفر الله و اتوب اليه
انستا :raweat _shadan