ملكت من الزين زين الخلايق

-حُسن الختام -

-

تخصرت رُبى تنطق بحده:اقول الخاله ام يعني انا اقرب
-
-مجلس الرجال-
جلس ريان بجانب سهم يتخذ فنجال القهوه اللي مده له سهم ،يلتفت لمالك اللي جالس يلعب سوني ينطق له :جوله واللي يخسر يدفع للثاني او يعشيه
ابتسم مالك ينطق :تم بس ماهو اذا فزت انا تسحب
توسعت عيون ريان ينطق :انا اسحب؟! حرام حرم الدم ان خسرت انا لك مني اللي تبي
ضحك مالك يحذف عليه يد السوني ينطق بشماته لانه متوقع الفوز وضامنه :بالتوفيق
يلعبون بتركيز يختلط معه الكثير من الصرخات من تسجيل الاهداف يضحك سهم من عصبية مالك لان ريان يلعب ولا يبالي تماماً ينطق سهم بسخريه وكانه معلق في احد المباريات:ويتقدم اللاعب ريان بمهاره عاليه ،يزيد على صوته من سجل ريان الهدف الرابع :قوّل قوّل عجيب ياريان عجيبه القوه
التفت له مالك ينطق بغضب :سهم والله لا اصفقك ياخي رفقعت ضغطي
ضحك سهم يضحك ريان يستهبل على مالك بملامح وجهه المضحكه ينطق:يالخسران
ابتسم مالك بغيض يقوم ينطق :وش تبا يالله اعجل علي
تربع ريان يناظر لمالك بتفكير ينطق بعد ثواني معدوده :تفع لي إيجار الفندق ذا الاسبوع كله
توسعت عيون مالك ينطق :خير مكلوفً فيك انا !؟
انفجر سهم يضحك ينجضع ارضاً ينطق بين انفاسه المتقطعه اثر الضحك اللي صابه :ريان بلا استهبال اطلب لكزس احسن يعني 
اخذ مالك المركى اللي كانت خلف ظهره يرميها على سهم ينطق :ابك ما تسد فمك تعلمه على شيً انا في غنى عنه
ضحك ريان ينطق :خلاص الف ريال مضبوطه
هز مالك راسه يقوم يلتفت على سهم ينطق :وانت شغلك عندي
ضحك سهم يحد صوته بمزح ينطق :ابن ابوي وش سويت تراني اعزز له
-
-الفجر -
الكل رجع بيته بعد كثير السوالف وسعة الصدر واللعب ،التفت مالك على الزين تبتسم هي تنطق :اليوم عندنا موّعد نشوفهم ونعرف هم بنات ولا عيال
جلس بجانبها ينطق :بنات عيال ما يهم كلهم عندي واحد بس لو جو بنات ويشبهنتس يا زين حياتي زيّناه
ضحكت الزين تمسك بطنها تمسح عليه تنطق :يازين البنات والله بس نعدل ونقول حتى الولد نبيه
قبل راسها لوقت طويل يضمه لصدره يمسح على بطنها يحس بحركتهم تحت يده ورفساتهم الخفيفه لبطن الزين ،رغم ان داخله كله متحمس لجل يعرف جنسهم رغم انه ما يفرق عنده كثير لاكن البنت دائماً يحس انها لطيفة وسند لهم قبل الولد ،حاوطت يده اللي على بطنها  ترتكي براسها على صدره تسمع نبضات قلبه الهاديه ،تغمض عيونها ترتاح بنومهل وسط حضنه يضمها يضم توأمهم اللي يتوسدون احشائها ،ابتسم من حس بانتظام انفاسها يقبل راسها يعدل نومتها تصير على ذراعه اليمين ومحاوط بطنها بيده اليسار يسمي بالله ونفس عادته كل ليله يحصنها ويحصن عيالهم،هو ما طلع مهمات لجلها ولجل خاطرها ما نسى خوفها ابداً وقت ما ابتدا يداوم ودموعها اللي ملت محاجرها خوفاً عليه لانها جربت الفقد ولا ودها تجربه مره ثانيه ،لانه شعور ماهو هين ابداً يتعب العقل قبل البدن يحسس بالضعف رغم وجود قوه تسندك ..
-
-الديره-
بعد نقاشات كثيره وزعل من سعود لريان لان الديره ابداً ولا شي بدونه اشتاق لجنونهم مع بعضهم رغم انه حركاته ما خفت مع سمر وليث ويعرف انه رفع ضغط جدانه ،فتح السبيكر يأشر على سمر تجي ينطق :سمر تفاهمي مع ريانوه انفقعت كبدي منه
ابعدت سمر سعود بكل قوتها تدفه تاخذ الجوال منه تنطق بغضب :ريانوه
ضحك ريان لان نبرتها مو اي نبره انما كان من الواضح انها معصبه جداً ينطق من سمع شتمها له :ها يا سمر ها
ناظرت سمر لسعود بصدمه تنطق :هويت باللي ما نس قايله عايش بالعسل وتسحب علينا وعلى الديره بكبرها تعالو والله لو ما شفتكم مع صلاة العصر ان ما يصير بكم طيّب
اقتربت رُبى من سماعة الجوال تنطق بغضب :ياختي معاريس وش تبين فينا نبي نستانس
شهقت سمر بدراما تنطق :لكم اربع شهور وتقول عرسان
نطقت رُبى :مالتس شغل ما حنا بجايّن
نطقت سمر وهذا كان حلها الاخير :ملّكت نورا وسالم بعد بكرا تجون حياكم الله ما تجون بسلامتكم بس هاه ترا ما نستقبل قبل الملكة بأقل من اربعه وعشرين ساعه
شهقت رُبى تنطق :بنجي بنجي بس ياويلكم لو انكم تكذبون
سعود يضرب كتف سمر يبعدها عن الجوال ينطق  :لو منتم بمصدقين دقو عليهم
تكتفت رُبى تناظر لريان برجى يعض خدها ينطق لسعود وسمر :زين مع الظهر جاين
يقفل من بعدها ،تلتفت سمر لسعود تغمز له وان خطتهم نجحت ضربت فخذه تنطق :تربع فيني نوم
توسعت عيونه ينطق :مخده عندتس انا اذلفي ارقدي داخل
تمددت سمر تسند راسها على فخذه تنطق :اص انا عمتك وبعدين الجو براد خلني اخذ لي غطه عشان الفجر نبي نروح لاي مكان ذبحني الطفش
ضرب راسها تضرب هي يده ،تلتفت له تنطق :دقيت على مالك خله يجي بعد اشتقت لهم
تغير وجه سعود ينطق :كلميه انتِ انا ما عندي رصيد
تغيرت نظرتها لشك تنطق :وش انت مهبب فيه ؟
نطق سعود بعد ما اصرت عليه على شان يعلمها وش سوّا: ما سويت شي حرام عليتس ترا بس اخذت سيارته اللي في الديره و جته ثلاث مخالفات سرعه
توسعت عيونها تنطق :السياره ذي لها سنين ما تحركت من مكانها وش لون شغلتها بالله ؟
ابعد راسها عن فخذه ينطق :راستس تقل بلكه رقدت رجلي
التفت عليه تنطق :لا تتهرب قلي وش لون شغلتها
تنهد ينطق لان زنّها فوق راسه يصيبه بالصداع : جبت الددسن وسويت لها اشتراك ساعتين وكل ما تنحت افصلها احطه في الماطور واشتغلت
ضربت راسه بقوه تنطق :لو شبت السياره فيك وش تستفيد وسيارتك وش وضعها بالله
تنهد لانه مو فاضي لها يرمي جواله لها ينطق :تبين تدقين دقي انا ماني بداق
مسكت جواله ترميه عليه تنطق :الساعه خمس الفجر اكيد انه راقد وراه دوام العصر ندق عليه
-
-الرياض -العصر-
دخل مالك البيت بخلع البريه من على راسه يلتفت للصاله يتأكد من خلوها يتوجه على طول للدور الثاني لغرفته يبتسم من سمعها تغني اغنيه كانت ولا زالت تلازمها "وش لون مدري كيف روحين في روح ما كنت اصدق بـ اندماجك يا الارواح " يدندن معها ،يبدل ملابسه لثوب يلتفت لها يشوفها انتهت من لبسها لابسه عباتها يسألها سؤاله الروتيني لها "انتِ بخير"يمسك كفها يطلعون من بيتهم كله متوجهين للمستشفى ،تلتفت له تنطق :مالك ماني مصدق مرت الشهور مثل لمح البصر والحين نروح لجل نعرف جنسهم
شد على كفها لانه حس برجفتها من نطقت بكلامها يعرف شعورها شعور مو عادي ابداً ان في هذي اللحظه راح تنبني احلام كثير احلام هو كان ماحيها من باله لجلها ولجل صحتها ،يدخلون للمستشفى بحماس طاغي على كل شي ينتظرون اللحضه اللي ينادونهم فيها لان الشعور كبير مهيب من قوة شعوره هو يحس ان يده تنبض اعلى من نبضات قلبه اللي ما تقل ابداً عن نبضات قلبها ابستم تتوهج محاجره من سمع الممرضه تنادي اسم الزين يقوم يسند الزين لجل تقوم ،تاخذ نفس ترتب نبض قلبها تنطق :مالك احس مو مستعده
ابتسم يضحك بخفه من وصلو لغرفة الكشف ينطق :والله راح يتغير كل شعورتس من نعرف جنسهم
يدخلون تبتسم الدكتوره اللي كانت ولا زالت ملازم الزين بكل مواعيدها الشهريه  تبتسم الزين لها تنطق الدكتورة:زي كل مره ناخذ سونار نتطمن عليهم ونشوف جنسهم
شدت الزين على يد مالك ينطق لها مالك :ابوي انتِ
ابتسم يشوفها رغم كثير الارتباك اللي فيها والخوف الا انه بجانبها يناظرون للشاشه كلهم حماس رهيب لجل يشوفونهم يأشر مالك على الشاشه من طلعو بجانب بعضهم يضحك بكل مافيه قلبه يخفق بفرح وسعاده من نطقت الدكتوره "كلهم بخير وصحه واحجامهم طبيعيه "
تنطق الزين براجف صوتها :عرفتي جنسهم
هزت الدكتوره راسها بايه تنطق :ودكم تعرفون الحين
ناظر مالك للزين اللي نطقت :ومن ماوده بمعرفة ضناه
تنطق الدكتوره :وردي ولا ازرق
اخذت نفس الزين تناظر لمالك اللي ما ابعد عيونه عنها تبتسم من طلع جواله يصور رغم انه ما يحب يصور كثير لاكن عنده هذي اللحظه كثيره وجداً يبتسم من نطقت الدكتوره بالعد التنازلي يزداد خفق قلبها وقلبه ما تخف قبضت يدها ليده اخذ بيده يمسح دموعها المتحجره يفز من نطقت الدكتوره :بنت وولد
توسعت عيونه ينطق :اسألتس بالله
ناظرت الزين له ولردة فعله هي مو مستوعبه التفت لها مالك ينطق :بنت وولد عبود واخته بيجون ياربي لك الحمد
يرجف كله لانه ماهو مستوعب ابداً كان يضن يابنات يا عيال بس ان ربي وهبه بنت وولد هذا شي عظيم،ناظر لها لرجفتها كلها من استوعبت تنطق :مالك بنت وولد
هز راسه بايه تجلس هي تغرق محاجرها بالدموع بس ما اكتفت محاجرها بالدموع والاحمرار اللي ما يعبر عن شي كثر ما انه يعبر عن شعورها الكبير ،مسحت دمعه سقطت على غفله من محاجر مالك يستوعب هو يقبل باطن يدها  ،تخرج الدكتوره لان هي بنفسها ممكن تبكي لان شعورهم ودموعهم تمثل شي كثير ،نطق مالك :هذول عوض ربي هذول اللي يبون ينسوني وينسونك تعب هالدنيا كلها هذول هم البلسم على الجرح
يحضنها كلها ما تخف قبلاته لراسها ابداً يحاول يخفي وجهه عنها لانه يبكي بعيونه بدون ما يبين لها يحس غزارة دموعه على وجنتيه ولحيته اللي تبللت تماماً مثل ما تبلل كتفه بدموعها يبتسم يتنحنح يعدل نبرت صوته من نطقت هي :مالك بتصير ابو عبدالله و ملّك
هو ما استوعب نطقها "ابو عبدالله "لانه انذهل باختيارها لاسم البنت ينطق :ملّك
هزت راسها ب ايه تحاوط كفه تحطها على بنطها تنطق :ملّك بنت مالك ال راكد
حلو نطقها لاسم "ملّك" لانه يذوب تماماً من نطقت اسمها كامل يستوعب ان حروف اسمه موجوده في اسم بنته ينطق بذهوله كله :الزين
ابتسمت لانها تشوف صدمته في عيونه تنطق :عيون الزين لبيه يا ابو عبود و ملّك
ما يقد يتكلم عجز عن الكلام تماماً لانه جت رهيبه عليه ما توقع ابداً ما طرى على باله ابداً تدارك نفسه ودموعه كلها ينطق : زيني والله انتِ كثيره كثيره
ابتسمت من قبل بطنها من حست بحار دموعه لانه ولاول مره ماهو قادر يعبر  بكلامه ابداً ،مرت دقايق طويله يستوعبون حلاوت الخبر ،ابتسمت تعدل عبايتها تبتسم من دخلت الدكتوره وفي يدها صور من السونار للتوائم تمدها للزين اللي كانت الاقرب لها تتبسم اكثر واكثر من حاوط مالك يدها اللي على الصوره تحتضن يديهم صورة اطفالهم ،ينطق هو بسرور :اليوم بالاشعه نشوفهم بكرا بين يدينا نضمهم
ابتسمت الدكتوره لان نبرة اصواتهم ماهي عاديه ابداً نبره مليان فرح وسرور يغطي الكون كله ما يتنكر ابداً رغم رجفة صوت مالك اللي يحاول يخفيها ،تنطق :ناخذ كورس العلاجات بحماس هذي المره 
تبتسم الزين تعدل نقابها تاخذ الوصفه تتمسك بذراع مالك يطلعون من المستشفى كله يركبون السياره ، هو ينطق بمنتصف الطريق :زين حياتي وش لون طرا ببالتس اسم ملّك
ابتسمت لانه مو اسم والسلام لانه قريب لها الاسم وتحسه مرتبط بمالك مو بس لان حروف الاسماء متشابهه لا ،هي بنظرتها له تلتمس الحنيه الرحمه فيه وتتمنى ان عيالها كلهم ياخذون صفاته لانها تعرف انه ما يتكرر ابداً رغم رجفة صوت مالك اللي يحاول يخفيها ،تنطق :ناخذ كورس العلاجات بحماس هذي المره 
تبتسم الزين تعدل نقابها تاخذ الوصفه تتمسك بذراع مالك يطلعون من المستشفى كله يركبون السياره ، هو ينطق بمنتصف الطريق :زين حياتي وش لون طرا ببالتس اسم ملّك
ابتسمت لانه مو اسم والسلام لانه قريب لها الاسم وتحسه مرتبط بمالك مو بس لان حروف الاسماء متشابهه لا ،هي بنظرتها له تلتمس الحنيه الرحمه فيه وتتمنى ان عيالها كلهم ياخذون صفاته لانها تعرف انه ما يتكرر ابداً تنطق :ملك من الملائكه وابيها تطلع رحيم زيك وحنونه ابي عيالنا ما يخذون مني شي ابيهم منك انت نسخه منك
لان اذا كبرو اقول انت تشبه ابوك مالك في شبابه وقت كانت على حافة الموت
شد على يدها يطلب منها توقف لان كلامها ماهو عادي ابداً ينطق :بس انا ابيهم نسخه منتس ابي لا شفته تطرين على بالي
ابتسمت تلتفت له تنطق:وانا اطلع من بالك
هز راسه بالنفي ينطق:لا واللي خلقني ما تبعدين عن بالي
-
-الخط السريع -
اظلم الليل وهم في وسط سواد الليل بين الغيوم اللي ما كانت تضم قمر السماء ابداً انما كانت تشهد على احتضان الكفوف ببعضها بوسط الخط الفارغ داخل سياره رياضيه شبابيه ،التفت رُبى لريان تشوف اندماجه مع الاغنيه او بالاخص المغني اللي يحتضن طول طريقهم بشدى صوته وحلو عزفه اللي ماكان ياخذه الا لعالم بعيد عالم يغرقون بكلماته ماكن منه الا انه يوصل شعور الشاعر بصوته اللي ما فشّل ابداً انه يحملهم لبعيد يردد ريان تناغماً معه :