اه يـا ذات الـعـيـون الـسـوداء

. 10 .

محمد صرخ : مرام انكتمي
مرام نزلت دموعها : ياليتك مو ابوي
كانت تناظر ابوها بحزن و انصدمت من رده
محمد بصراخ : وياليتكم مو بناتي
ميار بصدمه : با بابا
محمد : تفهمون ياليتكم مو بناتي
ميار : بابا ترا اعرف انه هذا الكلام مو من قلبك
محمد : الا من كامل قلبي
ميار : بابا لا تقول كذا انت تعرف اذا سمعتك يارا راح تزعل كثير
محمد : خليها تسمع قولي لها ابوك قال لنا ياليتكم مو بناتي قولي
ميار نزلت دموعها بحزن : بابا لا تقول كذا
مرام : بابا تعرف لو كانت ماما حيه كان زعلت منك
محمد : انكتمي
مرام : توقعت تغيرت لكن نفس ما انت من لما ما جيت عند اهلك
نوير : محمد تراك تقول كلام راح تندم عليه
فهد : عمي حتى لو كنت في لحظه غضب لا تقول كلام راح تندم عليه
نايف : عمي راح تندم
محمد : انكتمو خلاص
نوير : اذا سمعتك تغلط على وحده من حفيداتي ياويلك تفهم
محمد : توك تعرفين انه عندك حفيدات
نوير : محمد خلاص عاد يلا يا عيال كل واحد على غرفته يلا روحو نامو يلا قوم انت بعد يا قاضي
قام كل واحد على غرفته عشان ينام

~ اليوم التالي ~

قامت بانزعاج من صوت رنين الجرس قامت و طلعت من الغرفه راحت تفتح الباب
يارا : عمه احلام
احلام : قومتك من النوم
يارا : لا
احلام مدت لها صحن : خذي هذا الفطور
يارا ابتسمت : شكرا
احلام : ايه صح تذكرت
يارا : ايش ؟
احلام : سعود امس ما تعشاء ترا
يارا : ممم طيب انا اوريه البزر ذا
احلام : ادبيه
يارا : ما عليك انا اوريك فيه
احلام : طيب يلا حبيبتي انا بروح
يارا : باي
احلام : باي
سكرت الباب و دخلت الغرفه بقوه وصرخت
يارا : سعودوه
سعود فز : ايش فيك فيك شي
يارا تقدمت له و جلست على حافه السرير : ليه ما تعشيت
سعود : اما وصلك الخبر مين قال لك
يارا : مالك دخل و جاوب سؤالي
سعود : اجل وانتي مالك دخل
يارا بتمثيل لزعل : اجل يلا انقلع
كانت بتطلع لكن سحبها : وش فيك زعلتي
يارا : بعد عني يلا
سعود قبلها : افا تزعلين مني
يارا : ايه
سحبها لحضنه و قبل جبينها : ما عاش من يزعلك
يارا : اقول قم بس بروح اتروش بسرعه و بنطلع لا تنسى اليوم العزيمه
سعود : اف نسيت
يارا : يلا بسرعه روح تروش بس

في الخارج

نوير : هلا هلا ببناتي الحلوات
مرام : كيفك يا جده
نوير : طيبه انتي كيفك
مرام : بخير دامك بخير
ميار : الا ياجده يارا ماجت
نوير : لا اتوقع جالسه تتزين للعزيمه
ميار : طيب ياجده مين بيجي
نوير ابتسمت : ام ليالي و ام سلمان و ام ذياب و الجده نوف و الجد عبدالله
ميار : اها طيب .. كيف شكلي
ميار كانت لابسه فستان ليموني شوي قصير و كعب ابيض و مجوهرات خفيفه و مكياج خفيف فارده شعرها على ظهرها و مسويته ويفي
مرام : كانت لابسه فستان ازرق فاتح و كعب ابيض و مكياج خفيف و فارده شعرها على ظهرها و مسويته ستريت
نوير : تجننون الله يحفظكم تحصنو
مرام : حاضر ياجده
لفت على يارا الي كانت جايتهم كانت لابسه فستان ابيض و كعب شفاف عليه لؤلؤة و مكياج خفيف و فارده شعرها على ظهرها و مسويته ويفي خفيف
و سعود الي جنبها : كنتو تنتظروني ؟
مرام : ايه
نوير ابتسمت من شكلهم : وش هذا الجمال
يارا : حرام عليك ياجده كل يوم انا حلوه ترا
نوير ضحكت : ايه بس اليوم احلى
سعود لف على يارا : والله ياجده زوجتي كل يوم تحلى
يارا ابتسمت بغرور : ادري
سعود : بروح لجدي انتبهي لنفسك
يارا : طيب من عيوني
سعود : فديت عيونك يلا باي
يارا ضحكت : بايات
نايف : الله الله وش هذا الجمال ياجده عروس عروس
مرام ضحكت : اقول اسكت لا يسمعك جدك
ميار : اسكت
نايف : يا حرم سعود انا قلت شي غلط
يارا : لا بلعكس والله ياجده تجننين
نوير استحت : اقول يلا روحو جهزو القهوة و الحلى
يارا : انا بروح اسوي الحلى و ماما ، سكتت و كملت بحزن : اقصد يعني زوجات عماني يسون القهوه
نوير بحزن : طيب روحي حبيبتي
نايف : ياجده
نوير : هلا
نايف : احبك ياخي
نوير : اقول قم قم روح ساعدهم
مرام ضحكت : ياجده احبك ياخي
نوير : وانا احبك ياحبيبتي
نايف : هي حبيبتي وانا انقلع وش ذا
نوير : بتروح تساعدهم ولا بالخيزرانا يلا
نايف : طيب ياجده بروح ولا برجع بعدين صيري نادي لمرام طيب
نوير شهقت : وين بتروح
نايف : بروح لصاحبي بجلس معه ولا برجع
نوير : ان رحت حشيت رجولك تفهم
نايف : الا بروح بعدين اجلسي ابكي علي نفس عمي حمدان ، سكت من حس على نفسه : اءء يلا بروح باي ، راح يركض لسعود الي كان مشغول بترتيب : جبت العيد صح
نايف : والله تصدق احس جدتي بتبكي مني
سعود : ليه وش سويت
نايف : قلت لها بروح وبعدين اجلسي ابكي علي نفس عمي حمدان
سعود تنهد  : طيب ليه قلت كذا
نايف : والله قلت كذا من دون ما احس على نفسي
سعود : اقول تعال ساعدني بس

~ 5 : 00 ~

كانو العيال كلهم ينتظرون عائله الجد عبدالله
لف سعود من سمع صوت السيارات الي كانو يدخلون المزرعه : ياجد وصلو
قاضي : يلا امشو
وقف قاضي يرحب ب عبدالله و أحفاده : نورتو الديره
الجد عبدالله : منوره باهلها كيفك يا قاضي
قاضي : الحمد الله بخير انت كيفك
الجد عبدالله : بخير دامك بخبر
قاضي : تفضلو تفضلو ادخلو
عند البنات ...
نوير :  تو ما نورت الديره
نوف : منوره باهلها كيفك يا نوير
نوير : الحمدلله بخير انتي كيفك
نوف : الحمدلله بخير
نوير : دوم يارب
نوف : امين وياك
" تعريف بسيط عن عائله آل هاشم "

الجد : ( عبدالله ) عمره 80 و صديق الجد قاضي من سنين طويله حنون لكنه متشدد و عصبي بعض الشي
الجده : ( نوف )  عمرها 78حنونه و تحب عيالها و زوجاتهم  و احفادها وما ترضى بلغلط ابد

ابو ليالي : ( سليمان ) عمره 40 عصبي لكنه طيب
ام ليالي : ( حصه ) عمرها 38 حنونه جدا
ليالي : عمرها 25 تس تس ما تحب احد يكون افضل منها

ابو سلمان : ( عبدالرحمن ) عمره 46 عصبي لكنه حنون
ام سلمان : ( ساره ) عمرها 44 حنونه و طيبه
سلمان : عمره 26  يسوي الي براسه ما يهتم لاحد
منى : عمرها 23 طيبه و هاديه

ابو ذياب : ( علي ) عمره 48 هادي و حنون و ما يحب احد يغلط على عيال اخوانه
ام ذياب : ( حمده )
ذياب : عمره 27 مسوي فيها المحترم لكن
هيام : عمرها 24 طيوبه لكنها شيطان على هيئه بشر

' نرجع للواقع '

ام ليالي : ليالي حبيبتي روحي اجلسي مع البنات
ليالي بدلع  : طيب ماما
يارا كانت تناظرها : بنات بقوم عليها
مرام : اقول اجلسي مكانك
ليالي تقدمت لهم هي و هيام و مني و جلسو معهم
ليالي بغنج : هاي
ميار بقرف : هايات
هيام : شفيكم انتو
يارا : ولا شي
ليالي : انتو وش اساميكم
يارا : انا يارا وهذي اختي التوام مرام و هذي اختنا الصغيره ميار
ليالي : ميار ايو وش هذا الاسم
يارا : اذا مو عاجبك حنا عاجبنى
يارا مسك الجوال من رن و ردت : هلا
سعود : وينك انتي
يارا بقرف : وين يعني مع بناتهم
سعود : ما حبيتيهم
يارا : ايه ما حبيتهم قرف المهم وش تبغى
سعود : سوي قهوه لانه خلصت
يارا شهقت : اما عاد والله سوينا 4 كيف خلص
سعود : خلص شسوي سوي بسرعه لا جدي يعصب علينا
يارا : خلاص من عيوني
سعود ابتسم : فديت عيونك انا يلا باي بسرعه
يارا : طيب يلا باي ، سكرت و وقفت بتروح المطبخ لكن وقفها صوت ليالي : من كنتي تكلمين
يارا : زوجي وانا مدري  و بعدين وش دخلك من اكلم و وش تبغين
ليالي : لا بس اسال
مرام : تكلم زوجها وش تبغين
ليالي : اما متزوجه
يارا : ايه
ليالي : ومين هو
يارا : جايه عزيمه زواجنا ولا تعرفين من هو
مرام : اقول لك مين
ليالي : ايه ؟
مرام : سعود ولد حمدان آل سلطان
ليالي بصدمه : سعود ما غيره
يارا : ايه حبي ، مسكت جوالها من رن مره ثانيه وردت : لبيه
سعود : يارو اعجلي بسرعه
يارا : طيب الحين اسويها يلا
سعود : بسرعه
يارا : طيب حبي يلا باي
سعود : بايات ، سكرت ولفت على خواتها : مرومي و مياري انتبهو لنفسكم
مرام : من عيوني
يارا : فديت عيونك انا ، توجهت للمطبخ و دخلت و انصدمت من ....

يتبع .....

🏃👈