اه يـا ذات الـعـيـون الـسـوداء

. 15 .

فز نايف من طلع الدكتور : وش صار
الدكتور ابتسم : الحين بننقلها للغرفه
ابتسم نايف : طيب اقدر اشوفها
الدكتور هز راسه بالايجاب : بس بعد ما تصحى
نايف : طيب شكرا
الدكتور : لا شكر على واجب
لف نايف على محمد الي تقدم و نطق : اول ما تصحى تطلقها تفهم
هز راسه بنفي : تعقب اطلقها
محمد : بتطلقها غصب تفهم
نايف : يابوي انت وش تبي
محمد : تطلقها باخذ بناتي و برجع لجده
نايف ابتسم و نطق بسخريه : بتاخذهم و ترجع ؟!
محمد : ايه باخذهم و برجع
نايف : طيب نشوف
محمد : بتفاهم معكم من ارجع مو الحين
نايف تجاهله و اتجه لغرفه مرام دخل بهدوء ، فتحت عيونها بألم من سمعت الباب ينفتح فزت : مين انت ؟!
ناظرها بصدمه : مرام
مرام : مين انت ؟!
نايف : انا نايف يا مرام نايف
مرام : انا ما اعرف احد باسم نايف
ضحك بصدمة : انا نايف زوجك
جمدت بمكانها بصدمه : زوجي ؟!
نايف : ايه
هزت راسها بنفي : انا مو متزوجه
لف لباب من انفتح ودخل : حمد ؟!
حمد : كيفك
مرام ابتسمت : كيف جيت انت
وقف نايف يدفه لبرا يصرخ : زوجتي مو متغطيه
مرام : انت ما تفهم اقولك انا مو متزوجه
نايف فتح جوال : شوفي مو متزوجة اجل
ناظرت الصوره بصدمة : انا تستغلني انا ..
قاطعها : حرم نايف آل سلطان
دخل محمد : مرام كيفك يا بنتي ، تقدم لها و ضمها : بابا شوفه يقول انه زوجي انا مو متزوجه
محمد ابتسم : اطلع برا داخل على بنتي كذا ليه
نايف تقدم له و نطق بحده : بنتك زوجتي تفهم
محمد دفه من تقدم ياخذ مرام من يده : وخر لا تلمسها
نايف سحبها من حضن محمد : اطلع برا
محمد رفع حاجبه بدهشه : انت تطردني
نايف : ايه اطردك اطلع برا
محمد : نتفاهم يا ولد عبدالله
نايف : نتفاهم ، غمض عيونه من طلع محمد نزل نظره لها : مرام
مرام : انت مين وليه تطرد ابوي
نايف :انا زوجك نايف بن عبدالله آل سلطان
مرام ضحكت بدهشه : انت المشهور اف تصدق ما تخيلت اشوفك في الحقيقه
نايف : يوجعك ؟!
مرام : ايش ؟!
نايف : بطنك
مرام : ايه شوي
نايف وقف : طيب نامي انتي انا هنا
مرام : مافيني نوم
نايف : براحتك بس تعدلي عشان ما ينفتح الجرح
مرام هزت راسها بالايجاب ، رفع جواله من رن رد من شاف انه فهد : هلا وش صار
نايف : كل شي كويس الا شي واحد
فهد : وش هو الدكتور قال كل شي كويس
نايف : فهد ما تتذكرني
فهد رفع حاجبه بدهشه : احلف
نايف : والله المهم انتي ليه دقيت
فهد : ميار تبغا تكلم مرام لانها شاكه مره
نايف : طيب يلا
فهد : اصبر طيب بشوفهم وين ، ركض لها يصرخ : ميار
صرخت بخوف : وش
فهد : خذي كلميها
ميار : خوفتني
فهد : اقول امسكي ولا يكثر هرجك
ميار سحبت الجوال من يده : مروم
مرام بتعب : هلا
ميار : وش فيه كذا صوتك
مرام : ميار الحقي علي
ميار : وش في
مرام : في واحد يقول انه نايف بن عبدالله آل سلطان انا ما اعرفه
ميار ضحكت : هذا زوجك بنت وش ما تعرفيه
مرام : ياخي ما اتذكره ما اعرفه
ميار : وش فيك وش ما تتذكرينه انت وين
مرام : انا بالمستشفى
ميار بصدمه : ايش ؟!
نايف بهمس : بنت انتي ما تعرفين تسكتين
مرام : امزح شفيك انا بلمطعم
ميار : خوفتيني يا كلبه
مرام : مياري بقفل تعبانه شوي
ميار: طيب انتبهي على نفسك
مرام : ابشري باي ، قفلت تمد له جواله : اف ياخي ابغا اطلع من هنا
نايف جلس بجنبها و سحبها لحضنه : لازم تجلسين عشان صحتك
مرام : الحين انا شفيني
نايف غمض عيونه بضعف : انطعنتي بسكين
مرام : طيب من مين
نايف : من ... ، قاطعهم الدكتور و حمد من دخلو التفت لها يغطيها بيده : وش دكتور
الدكتور : بكلمك بموضوع
نايف نطق بغصه : دريت يا دكتور
الدكتور : الحمدلله على السلام ، خرج و سكر الباب ، لف لحمد الي واقف يناظرهم : وش تبغى اطلع
حمد : انت الي اطلع هي ما تبغاك ولا تتذكرك
نايف : حمد اطلع برا
حمد : طيب خلنا نشوف هي مين بتختار
تمسكت بنايف بخوف ابتسم يشدها له همس لها : لا تخافين انا معك ، ابتسم حمد يقرب منها : مرام انا حمد انا حمد انتي تعرفيني انت ما تعرفين مين هذا وما تتذكرينه ، شدت عليه اكثر بخوف زفر يهمس لها : حرم نايف ما تخاف لا تخافين ما يقدر يسوي شي انا موجوده ، زفر نايف يدفه من قرب منها يمسك يدها المتمسكه بنايف : لا تلمسها
والحين خذ نفسك و انقلع بسرعه
حمد : ماني طالع الا وهي معي
نايف : تخسي حرمي ما تروح مع احد غيري
حمد تقدم يسحبها منه : الا باخذها غصب عنك
نايف دفه بغضب : تعقب تلمسها ، نزل راسه لها من حس بدموعها : مروم
حمد : هي خايفه منك يا كلب انقلع برا
مرام بخوف : ابغا بابا
حمد : انتي تعالي معي وانا اوديك له
ضحك ونطق بسخريه : تبغى تسجل لها خروج حمد ابتسم : ايه ليه وش فيه
نايف : ما تقدر وهي لسى طالعه من العمليه و حتى لو كانت بخير ما تقدر
حمد : مو لانك زوجها تتدخل هي بتجي معي يا استاذ نايف
نايف : قلتها زوجها و بعدين مو استاذ نايف دكتور نايف طيب
حمد ضحك : انت دكتور ؟!
نايف : ايه
حمد : الصراحة ...
قاطعه نايف : اطلع برا لا انادي الامن
اطلع
حمد : بتخوفني يعني
نايف : انقلع برا بسرعه
صرخ : ماني طالع الا وهي معي
نايف : حمد انقلع
رجع يصرخ بصوت اعلى : قلت لك ماني ....
قاطعه من لكمه : لا تصرخ لاتصرخ مرام موجوده
حمد : مسوي فيها تخاف عليها
مرام برجفه : حمد حمد اطلع برا
حمد : تبغيني اتركك مع ذا المريض
صرخت بخوف ، لف لها بخوف : مرام ، تقدم يضمها ،نطقت بخوف
مرام : طلعه برا طلعه برا ما ابغاه ما ابغى
حمد : مرام شفيك ؟!
مرام : يبغى يقتلني يبغاني اموت هو هو ...
قاطعها من سحبها له و وجه السكين حول عنقها :
ايه شاطره عرفتي وش بسوي
نايف صرخ : حححمددد
حمد : هلا وش تبي
نايف : اتركها اتركها مشكلتك معي مو معها
حمد : الا معها لاني ادري انك بتحترق نفس نياف
حرام مات لو كان حي وش بيسوي
نايف تقدم له بغضب : اسم ...
قاطعه بسخريه : اخوي لا تلفضه على لسانك
نايف : حمد لا تجنني فكها و سوي الي تبي فيني بس اتركها تكفى اتركها
ضحك بسخريه : سجلو نايف بن عبدالله آل سلطان ثاني مره يترجاء احد سجلو ياناس
نايف : اتركها اسوي الي تبي بس اتركها
مرام : حمد حمد والله شوف اسوي الي تبي
حمد : مو انتي الي بتسوي زوجك
مرام هزت راسها بنفي : هو تعبان
نايف : مرام اسكتي اسمع اسوي الي تبي
مرام صرخت : مو بكيفك مو بكيفك ما تضحي بنفسك لحد تفهم ما تضحي بنفسك لاحد ، سرعان ما اغمى عليها من تعبها ، تقدم له يسحبها : مرام
حمد : اف لهذي الدرجه خوافه
نايف نطق بحده : اول شي حرم نايف ما تخاف الا من ربها ثاني شي هي تعبانه
حمد بسخرية : اخ يا التعب
نايف : تبغى تجرب
حمد : تصدق مره
نايف : وانا ودي لكن ما ابغى اخيس يدي بدمك
لفو بصدمه للباب من انفتح ...

يتبع ....

🏃👈