اه يـا ذات الـعـيـون الـسـوداء

. 23.

" يوم
       جديد "
                                .... 12 : 00 ...

ميار وهي تدف فهد الي نايم : لا ادخل فيني
فهد : وش فيك ؟!
ميار : انقلع ابغى انام
فهد : وانا ابغى انام
ميار : انقلع ياخي
فهد : انقلعي ياخي
ميار : فهيد وش رايك تقوم ؟!
فهد : لا انتي وش رايك تقومي ؟!
ميار : طيب خلاص اسكت بنام ، فزت من سمعت صوت عصه : قوم انت وياها يلا بسرعه
ميار : جدتي وش فيه ؟!
نوير : الناس كلها قايمه من الساعه 00 : 9 وانتو نايمين الى الان و هذا وانتو عرسان
ميار و فهد ناظرو بعض بصدمة : عرسان ؟!
نوير : ايه
ميار : طيب وش اسوي ؟!
نوير : قومي اتجهزي انتي وياه الناس شوي و بيوصلو
ميار : ناس ؟!
نوير : ايه عزيمه مسوين
ميار : طيب طيب يلا قمنا
نوير : نص ساعه اذا ما لقيتكم موجودين يا ويلكم
فهد : والله بنجي والله الان يلا انقلعي تروشي هنا و انا بروح اتروش في غرفه شيخه يلا
نوير : ايه شاطرين يلا ننتظركم ، طلعت
ميار : افف ياخي
فهد اخذ اغراضه : يلا قومي قومي
ميار : طيب ، اخذت اغراضها و اتجهت لدوره المياه " يكرم القارئ " و فهد فعل المثل بعد ما انتهو ناظرت الفساتين : فهيد
فهد : هلا ؟!
ميار : اي واحد البس
فهد : البسي اي واحد كلهم حلوين
ميار : لا والله صدق اي واحد
فهد : خلاص البسي الاسود
ميار : طيب ، اتجهت لغرفه التغير و غيرت : وش رايك
فهد : حلو حلو
ميار : لا تسلك
فهد : والله حلو
ميار : طيب وين الاستشوار
فهد : هذا قدام عينك
ميار : ما كان هنا
فهد : انا طلعته عشان اجفف شعري
ميار : طيب وانت وين ملابسك
فهد : مدري وش البس
ميار : البس ثوب اسودو شماغ ابيض حلو
فهد : طيب
راح يغير و رجع لها : ها وش رايك مز صح ادري
ميار : واثق
فهد : ايه طبعا
ميار : حلو حلو
فهد : لا تسلكين
ميار : والله حلو
فهد : طيب انتي الى الان ما خلصتي
ميار : لا بس بجفف شعري و بحط ميكب و بس
فهد : طيب اخلصي يلا انا بروح اجيب شي من السياره نسيته هناك
ميار : طيب بس لا تتاخر
فهد : حاضر يا استاذه ميار امر ثاني
ميار ضحكت : لا تقدر تتفضل
ابتسم و طلع يروح لسيارته ... بعد ما خلصت من كل شي راحت تلبس كعبها لفت للباب من انقتح ... دخل وهو معه كيس : امسكي هديتك و هديه من عندي يا زوجتي العزيزه
ميار : شكرا يا زوجي العزيز وع انقلع
فهد : البسي الخاتم ترا تركتيه على التسريحه
ميار : والله بلبسه شفيك انت وبعدين تعطر من عطري ريحته احلى
فهد : اوامر ثانيه
ميار : لا تصير نفس العسكري الي عندنا اف يقهر
فهد : شدخل العسكري وبعدين كيف عندكم
ميار : اشتغل ظابط يا حلو
فهد : وين ؟!
ميار : في الرياض
فهد : الي في ****
ميار : ايه هو
فهد بصدمه  : كذابه
ميار : والله
فهد : اجل ليه ما اشوفك هناك ؟!
ميار : كيف تشوفني هناك ؟!
فهد : انا اشتغل هناك يا حلوه
ميار : انت الظابط الي عند الظابط محمود بن سيف بن عبدالعزيز آل ساير
فهد : ايه ؟!
ميار : كيف ما انتبهت لك ؟! انا كل مره اروح له
فهد : ايه هذيك انتي الي مزعجتنا كل شوي داخله علينا
ميار : انا مزعجه ؟!
فهد : ايه كل شوي داخله طالعه
ميار : مالك دخل
فهد : اقول اخلصي صارت ساعه و نص مو نص ساعه
ميار : اصبر احط المجوهرات
فهد جلس يناظرها : اف ياخي اخلصي
ميار : خلاص خلصت شوف حلو
فهد : حلو و يجنن بس يلا امشي
ميار : امش طيب
فهد : دقيقه اصبري
ميار : وش ؟!
فهد : وين عبايتك يا ذكيه
ميار : بجيبها ، ركضت تجيبها و لبستها و رجعت له : وراء ما تلبسين الطرحه
ميار : الله الله ما جت الا على اليوم اوه يا الرجل الغيور اقول انقلع امش وبعدين انا ما البس الطرحه يا ذكي من زمان توك تلاحظ
فهد : طيب امشي يلا
ميار : اوه يا الرجل الغيور
فهد ضحك : امشي الله يصلحك
ميار : ايه الحين تضحك وبعدين تنافخ علي
فهد : اونه حساسه امشي امشي
ميار : انقلع يا حمار ، ركضت لجدتها من شافته يركض وراها : جدتي بيضربني
نوير ضحكت : وش فيكم
فهد : جدتي ترضين تقول لي حمار هذي الحماره
نوير : لا ما ارضى
فهد : بضربها ضربه خفيفه بس يلا
ميار : ترا ها فهيد بطلقك الحين ترا
فهد : متاكده انك بكامل قواك العقليه
ميار : ايه وانت طالق طالق طالق يلا انقلع
فهد : جدتي والله انجنت
ميار : انت جننتني
فهد : طيب تعالي بضربك ضربه خفيفه و ننهي الموضوع
نوير ضحكت : مو قدام الحريم و البنات
ميار : الحريم ؟!
نوير : ما تشوفينهم
ميار بفشله : هاي ، تقدمت من فهد و ضربته : كلب فشلتني قدامهم
فهد ضربها : اقول بلا كلام زايد
رضواء : سلمي عليهم يلا ، تقدمو  ميار و فهد منهم و سلمو عليهم كلهم : ايه ماشاء الله تزوجت
فهد ابتسم : ايه
ام محمود : طيب وينها هيام ما شفناها
فهد : شدخل هيام ؟!
ام محمود : مو زوجتك هيام ؟!
ميار : لا حياتي غلطانه
ام محمود : اجل وينها ؟!
ميار : قدامك
ام محمود : ماشاء الله انتي
ميار ابتسمت : ايه
فهد : يلا استاذنكم بروح لرجال
ميار : ايه صح يلا انقلع
فهد : ميار كف ترا ها
ميار ضحكت ، فهد : جدتي عادي اضربها بس خفيف يلا
نوير : مافي
فهد : خفيف ترا ها
نوير : روح لرجال
فهد تقدم من ميار و ضربها و ركض يروح لرجال : والله ما اخليها بخاطري
ميار : اصبر يا فهيد اصبر
نوير : اقول اجلسي بمكانك
ميار : والله يوجع ترا ها
نوير : انا اادبه لك
ميار : لا اتركيه علي
نوير : الا سمعت بتنقلون قريب
ميار : ايه عشان الدوام
نوير : وش شغلك انتي
ميار : ظابط مع فهد
نوير : فهد ظابط ؟!
ميار : ايه ليه ما تعرفون
نوير : ها لا نعرف بس نسيت
شيخه : هاي بنات
هيام : هايات تعالي
شيخه : ها يا زوجت اخوي ما تسلمين علي
ميار : اسلم على الجني ولا اسلم عليك وبعدين كل يوم اشوف وجهك ذا المخيس ف از اوكي
ناظرها وهو كاتم ضحكته : لو ساكته احسن
ميار : جدتي والله بضربه وبعدين انت متى جيت
فهد : مالك دخل
ميار : المهم يا فهد وش تبغى
فهد : وين عبايتك ؟!
ميار : هنا ليه ؟!
فهد : ليه مو لابستها ؟!
ميار ناظرته : اوه يا الرجل الغيور
ضحكت نوير من سمعتها : شفيكم انتو ؟!
فهد : البسيها
ميار : مابي
فهد : ميار البسيها
ميار : مابي
فهد : البسيها ميار
ميار : ياخي مابي وش فيك
فهد : البسيها
ميار : مابي مابي
وقف ومد لها يده : قومي
ميار : ترا الكل يناظرنا اجلس
سحبها و سحب عبايتها غطاها فيها و مشى للبيت : انت وش تبغى قلت لك مابي يعني مابي
فهد قرب منها : انا لما اقول لك شي تقولين حاضر و طيب و عبايتك تلبسينها
ميار دفته : مالك دخل فيني البس الي البسه تفهم مالك دخل و العبايه ماني لابستها ، رمت عليه العبايه و لقت تخرج لكن و قفتها يده : البسيها ولا تعاندي
ميار : ياخي مالك مالك دخل م ا ل ك د خ ل مالك دخل تفهم
فهد : البسيها ولا ليكون متعوده تطلعي كذا
ميار : ايه متعوده متعوده في شي ؟! وخر يدك و انقلع بطلع
فهد : مافي طلعه اجل اجلسي هنا ، دفها على السرير و طلع و سكر الباب : عشان ثاني مره لا تعاندين ، وطلع تاركها لحالها ... كانت ترجف من الخوف بحكم انها تخاف تجلس لحالها بدون احد و تبكي وقفت تدور على ادويتها وين دورت لكن ما لقت شي كانت تحاول بقدر ما تقدر انها تضل صاحيه ما تنام الا وهي ماخذه ادويتها طاحت بمكانها مغمى عليها .... خرج وهو معصب من عنادها راح لرجال : وينك طولت
فهد : رحت اشوف جدتي وجيت في شي ؟!
سعود : شفيك معصب ؟!
فهد : مو معصب
سعود : واضح
فهد : مو معصب
سعود : خلاص مو معصب
فهد جالس يفكر وش صار عليها وقف بيخرج : وين رايح مره ثانيه
فهد : بروح اشوف ميار
نايف : روح روح  ، خرج ركض من عندهم من استوعب وش سوا فتح الباب كان يدورها بعيونه الى ان طاحت عينه على وحده طايحه ركض لها : ميار ميار ميار الله ياخذك يا فهد وش سويت
ركض لدوره المياه " يكرم القارئ " ياخذ بيده مويا و يمسح على وجهها : ميار ميار
فتحت عيونها تستوعب وش صار نطقت بصوت خافت : فهد الدواء الدواء ما لقيت دواي
ركض لدرج الادويه حقته ياخذ منها لانه يصير له نفس الي يصير لها احيان من دايم ركض لعندها يعطيها الادويه : خذيه ميار ، ناظرت له و اخذت الادويه منه : ميار اسف ، ابتسمت و ناظرته : طيب وش فيك شوي و بتبكي
فهد : لانه كله بسببي ، رفعت نفسها و ضمته من نزلت دموعه : اف الحين بيقولون زوجها ضعيف و يبكي ياخي ليه تبكي
فهد : هيه ترا ما ابكي لا تصدقي
ميار : ايه واضح مره ترا واضح وضوح الشمس
فهد : اقول قومي البسي عبايتك و اطلعي للحريم بس
ميار : تبغاني اطلع للحريم كذا
فهد : ايه وش فيك ؟!
ميار : مكياجي خرب
فهد : ما يحتاج امسحيه و اطلعي خلاص ترا
ميار : لا مو حلو
فهد : الا حلو حلو ويلا امشي ، سحب العبايه و لبسها ايها : ويلا كذا حلو امشي ، قرب و همس لها : وبعدين هذي اخر مره تلبسين كذا
ميار : طيب طيب امش ، خرجت و راحو للحريم : وش فيك ميار طولتي
ميار : مافي شي بس رحت اخذ ادويتي
نوير : ادويه ايش ؟!
ميار : ادويه كذا بس
شيخه : لا يكون انتي نفس اخوي
ميار : ايه نفس اخوك في شي ؟!
هيام : يعني انتي مريضه ؟!
ميار : ما يعتبر
هيام : وش ما يعتبر انتي مريضه صدق
ميار : انتي المريضه
هيام : ترا ما قلنا الا صدق مريضه جد
ميار : وبعدين وش فيهم المريضين ما انتي تحبين واحد مريض
هيام : عفوا مين احب
ميار : تحسبيني غبيه واني ما اعرف
شيخه : هيه انتي وش تقولين
فهد : انتي اخر من يتكلم
شيخه : انت شوفها وش تقول وبعدين مفروض توقف في صف بنت خالك مو ذي
فهد : ذي لها اسم وبعدين ليه ما تبيني اوقف في صف زوجتي و اوقف في صف بنت غريبه ؟!
رضواء ناظرته بصدمه : فهد انت وش تقول
فهد : وش اقول انا ؟!
رضواء : بنت خالك اولى من ذي
فهد : يمه ذي لها اسم اظن وبعدين قلتيها هي بنت خالي مو زوجتي صح
رضواء : .....
فهد ضحك بصدمة ، هيام ابتسمت بخجل و ناظرت لميار بانتصار ، ضحكت ميار من نظرات هيام ....

يتبع ...

🏃👈