قفلت روايتي وبصيت ليها واتنهدت
_نعم يا ماما
=جيلك عريس وقبل متردي هطلب منك تقعدي معاه انا قلبي وجعني عليك يا ضنايا
بصتلها بكل الوجع الي جوايا وبالنغزه الي بحس بيها لما يتقدملي عريس .
_طب ورحيم يا ماما أنساه ازاى
=رحيم في مكان أفضل من هنا يا هنا يا بنتي هو أنا الي هقولك الكلام دا انتِ مؤمنه بالله وأكيد هو هيفرح لما تعيشي حياتك من تاني
أعيش .. أعيش حياتي ازاى من غير رحيم رحيم دا كان كل حاجه ف حياتي انا اتولدت وهو قدام عيني إبن عمي وكل حاجه ليا حبنا كانت كل العيله بتحكي عنه حب عفيف .. حفظني ف قلبه زي منا عملت لحد مكون نفسه وقدر يقف علي رجليه وجه اتقدملي وكتبنا الكتاب عشت أسعد أيام حياتي وانا معاه بس كل حاجه ف يوم وليله اتبدلت الفرح بقا حزن القرب بقا بعد .. رحيم سابني ومشي أختار يكون عند الي أرحم بينا من أمنا سابني قبل الفرح بيومين موجوعه عليه وبدعي يكون كل دا حلم
_مش قادره يا ماما
=بعياط هنا يا بنتي بالله عليك كفايه كده فات سنتين وانتِ لسه قاعده مكانك نفسي افرح بيك ي بنتي قبل ما أموت
_بفزع بعد الشر عنك يا ماما الله يطولي بعمرك
=بفرحه يعني هتقابلي العريس
_بغصه وألم هقابله يا ماما هقابله
كان في نيتي إني هقعد معاه وأرفضه واقول مرتحتش ليه .. بس حصلت حاجه غريبه اوي بعد ما ماما خرجت نمت شويه ' وشوفت رحيم ولأول مره بيبتسلمي وبيقولي أنا كده مش هكون زعلان منك سألته أنت ليه مجتليش ولا مره لحد الآن اشمعنا النهارده قالي علشان زعلان منك يا هنا ليه وقفتي حياتك عليا عيشي حياتك يا هنا علشان تفرحيني دا لو فعلا انا غالي عندك
_هنا يا هنا اصحي يا بنتي بقا
= رحييييم انت فين
_ تاني يا هنا تاني يا بنتي
= ماما رحيم جالي في الحلم يا ماما ببكاء طلب مني أعيش حياتي طب ازاي وهو كل حياتي
_ لو بتحبيه فعلاً نفذي كلامه
*طلعت دريس من الدولاب وخمار ولبستهم وفضلت قعده استنا ماما تنادي مشاعري كانت متلخبطه من بعد الحلم ' حاسه أن حد بيحركني .
لحظات وماما ندهت عليا وخرجت وانا قلبي كله وجع قعدت علي الكنبه الي قصاده وماما وولدته قدوا ف السفره قصادنا بمسافه .
_بس ماما قالتلي إنك بتتكلمي
=بتعجب ' نعم !!
_ الله طب ما انتِ بتتكلمي اهو بقالي ساعه بنادي عليك
=اتفضل حضرتك
_حضرتي ' أسمي آدم مهندس معماري عندي 30 سنه وحضرتك تبقي هنا كليه صيدله 22 سنه
