اكرهك لانك متحكم

البارت 45

البارت 45

عند بسام وروان

وجلس هو ياكل هو معصب منها وحط حرته في الاكل رغم انه شبعان بس يبي يقضي معاها وقت وماينكر لذاذة الباستا !😂

بعد ما خلص اكل على الاساس يروح بس قرر يجلس حتى الصباح لانه وعدها وبس عشان وعدها حس بتعب وخصوصا انه شارب بس والى درجة عدم الوعي يعني مو مره ! جلس على الكنبه رفع راسه لسقف الغرفة وهو يفكر بخمول

بسام بداخله: بشوف وش يبي يوصل له عدنان اذا مافهم بالكلام انا اعرف كيف اخليه يفهم علي ويبعد عنها ! ماراح اسمح له يضرها وهي بريئة!!
‏غفى وهو يفكر في نفس الموضوع بدون مايحس على نفسها !

روان وهي تقوم من النوم وهي متمسكه في قراره وتحاول فعلا تنساه وتكون قريبه وبعده منه نفس ما هو يسوي !
فتحت باب الغرفه وانصدمت انه موجود! هو قال بروح قبل الصبح ! بس شكله غلبه النوم وهي تقاوم ماتروح له كان ودها تشوف من قرب اكثر كان شكله ملفت وجذاب الى درجه قلبها قام يدق بسرعه !!

روان بداخلها وهي تبلع ريقها : افف روان مو على الاساس راح تبعدين ولا راح تهتمين ابدا فيه !! في كل مره ارجع لنقطة الصفر وابكي وانهار وكانه اول مره اعيش هذا الشعور !!
دخلت الغرفه وهي تجيب بطانيه بعد ما انتبهت انه البلكونه مفتوحه وما سكرتها امس ! والجو بارد بدا يصير !

حطت البطانيه عليه وتحاول تسرق النظارات له !
رتبت البيت وهي عيونها عليه بين فتره وفتره تناظر فيه ! قام على صوت الموعين وهي تدخلها على الغساله !

بسام وهو يفرك عينه وانتبه للمكان ناظر فيها : كم الساعه؟
روان وهي تتجنب النظر في عيونه !: 8
بسام وهو يقوم بهدوء: هو طالع شكرا على الاكل الحلو كان بدايه يوم في السنه الجديده معك مثير ! وهو يلبس الشوز وهو يقول هذا الكلام اما هي كان قلبها بيطلع من مكانه !
وطلع على طول اما هي عقدت حواجبها بستغراب وش عنده كلام حلو من الصباح ! ولا معي انا ! و بالليل هواش ! بس كلامه اخخ بس افف روان وش فيك ! بس هذي المره شكرني ! عكس المره الاول طلع ولا قال شيء!
بسام وهو يسوق
تكلم على الجوال بعد ما اتصل

بسام بحده : وينك !؟
عدنان وهو يضحك بستفزاز : ليش اشتقت لصاحبك ؟
بسام وهو يضحك بشر : مره اكثر مما تتخيل قول لي مكانك بس واجيك!
عدنان بستفزاز : وين ما تروح مردك لي الحين ارسل لك اللوكيشن!
سكر بسام في وجهه وهو يسوق بسرعه على الوجهة!
وبداخله : نجرب الكلام ويمكن الضرب يمكن تفهم !
لانه انا حذرت مره والمره الثانيه راح نعلمك بطريقه ثانيه!

بسام وصل ونزل مكان وكانه مستودع كبير وخالي من اي شخص وواضح انه مهجور !

بسام وهو يصارخ : وينك ياجبان اطلع !!
عدنان وهو يطلع له بثقه : واخيرا الحظه الي كنت انتظرها !
بسام بستفزاز : طبيعي تحب تتصفق!
عدنان وهو يضحك بسخريه : وش جابك وهو يغمز غير شوقك لخوتي !
بسام هو يضحك بسخريه وهو يقرب اكثر منه وصاروا قدام بعض: أنّا حذرتك المره الاوله وقلت لك لو شفتك مره ثانيه حولها ماراح احد يفكك من يدي وجربني وهو يقرب وهو شد على اسنانه بحده : حذرتك!! ليش تحوم حولها الى الحين وش هدفك ؟؟
عدنان بسخريه : كان هدفي اوصل الى صديقتها ! بس! قررت اقرب يوم صارت المشاكل بينا استغلها لصديقتها و اقهرك فيها وهو يهمس بستفزاز لبسام : بس حبيتها ما انكر هذا الشيء ! وهو يغمز راح تعشقني انا اصلا ماتشوفك هي !
بسام بعدم صبر لكمه على وجهه وبحده : اقسم بالله مايحصل لك خير لو شفتك بس تتكلم معاها فاهم !! انا حاولت اعطيك فرصه بحكم كان في شبه علاقه بس طلعت ما تستاهل انت الان عدوي تفهم ؟؟ ولا راح ارحمك ابدا لانه انا كلمتك وفهمتك وعرفت اهدافك الثانيه يامرض ولا استبعدت ابدا كنت متوقع كل هذا من واحد خسيس زيك !