البارت 46
عند بسام وروان
طلع البلكونه وهو يدخن وهو يفكر بالموضوع مليون مرهه مو عارف يوقف تفكير !
اليوم الي بعده
روان وهي تقوم متنكده كل ما تتذكر وش صار امس وترجع تجبر نفسها انها ما تهتم وتكمل حياتها !
في الجامعه وهي ميته ومو رايقه ل شيء
ايمن هو جاي لها وهي كالعاده في المقهى الي متعوده تجلس فيه
ايمن هو يسحب كرسي ويجلس: سلام
روان وهي تحاول تجامل : وعليكم السلام
ايمن : وينك امس اختفيتي فجاءه!
روان وهي تتنهد: صار في شيء طارئ وطلعت بسرعه ما امداني اعطيك خبر
ايمن وهو عارف انها ما تبي تقول له الي صار هو اصلا بوقتها شاف كل شيء من اول الهوشه حتى نهايتها!!
ايمن : عسى حلتيها؟
روان وهي متنكده ومو عارفه تلقي جواب لهذا السؤال: ماعرف الصراحه بس اتوقع لقيت الحل !
ايمن : انتي تحبين احد؟
روان وهي تلف بصدمه عليه كيف عرف : كيف يعني ؟
ايمن : مادري بس هذي مشاعر حب وواضح انتي محتاره و مو عارفه تحددين مشاعرك ولا حتى تصرفك متردده متناقضه هذي كلها من مشاكل الحب وخصوصا اذا كان في مشاكل بينكم !
روان وهي شوي وتبكي مكتومه مرهه !: بعد مادري ! اذا هذي مشاعر حب ولا لا بس كل الي متاكده منه انها مرهقتني مره تعبت !
ايمن وهو يقوم ويجلس في الكرسي الي جنبها ويحط يده على يدها : انتي وش الي تحسين فيه لمن تكونين معاه؟ ما اتكلم عن وقت هوشاتكم اتكلم لمن تكونون تتكلمون عادي!
روان وهي تدمع : احس بشعور حلوه اول مره احس فيه وما احسه الا معه!! احس بالامان معاه نظراته رغم انها عاديه الا انه قادر يخلي قلبي يدق بسرعه مو قادره اوقف نفسي وبنهيار : مو قادره مو قادره اوقف قدام حبه ! رغم انه مايدري عني الا اني احبه ومو قادره امنع نفسي واوقف بعيد عنه !
اما بسام قرر يمر على المقهى حقها الي دايم تجلس فيه يعرف لو ماراح يشوفها بيتوقع انها بالمحاضره وهو وده يشوفها بس يتعذر انه يبي ياخذ القهوه وتحت عذر احميها من عدنان لو شافه معاها !
بهذي الاثناء الي روان كانت منهاره فيها وتبكي كان يشوف بسام من بعيد وهو يشل الكاب حق البلوفر عن شعره ! عقد حواجبه بعصبيه واضحه ! اما هي ماكانت منتبه له ! راح ياخذ قهوه لعل وعسى تشوفه!
اخذ القهوه وهو متنرفز حاس بجمره بقلبه ! مشاعره منرفزته خصوصا قدامها! مو عارف يحدد هو وش يبي ! هي مو معا عدنان ! ليش هو زعلان؟
جاء يطلع من المقهى ومعاه القهوه وعينه مرتكزه عليهاا! وبدون انتباه
البنت وهي تصدم فيه بالغلط : معليشش!! انا اسفه مو قصدي ابدا ! احترقت ؟؟ يوو وهي تقرب منه تبي تشوف بلوفره وتمسحه !
اما هو كان مزال يناظر بروان ! حاس بمشاعر قاسيه بصعوبه وخر نظره عن روان وناظر البنت في حده:
بعدي !
البنت وهي تبلع ريقها بخوف منه: احترقت؟
بسام وهو يبعدها عنه ويطلع من المكان !
لفت روان وهي تشوف وهو يبعد وطالع وكانه كان واقف معا البنت !
روان وهي تكمل صياح وبداخلها!: حتى ماكلف نفسه يجي يعتذر ولا حتى يشوفني وانا اتمنى لو المحه ! لثواني بس !!
قامت وهي تعتذر من ايمن طلعت من المقهى وهي تدخل المحاضره ! وجلست وهي مو طايقه شيء وتقنع نفسها تبعد عنه دايم تتكلم انها راح تبعد بس لمن تشوفه تنسى كل كلامها !
أنت تقرأ
اكرهك لانك متحكم
Short Storyفهد & الهام تدور حول رجل مافيا ورجل اعمال بنفس الوقت شخص متحكم ولا يمتلك مشاعر متناقض وعديم رحمه ويرتبط بفتاة صغيرة وجميله حساسه ولطيفه معا الجميع واجتماعيه جامعيه تدرس طب ! كيف راح تكون حياتها بعد لقاءه ؟ ماهي النهايه؟ كسبت حبه ام كسبت تعاسه دائم...
