اكرهك لانك متحكم

البارت الثاني

البارت (2)

الهام
رحت وفتحت الباب الا اشوف شخص بملامحه الحاده والشعره الاسود وكانت نظراته حاده استغرب منه وسكت لانه اول مره اشوفه المهم قالت خالتي مين لي جاء يا الهام قلت خالتي وما امداني اكمل الا دخل هو على طول كنت ب الحقه لانه خفت انه شخص ‏يحاول يسوي لها شيء مادري بس خفت بس يوم سمعت خالتي كيف ترحب فيه وتقول له ب ولدي ها كيف السفره تطمنت وعلى طول سكرت الباب ورجعت جلست قال كلها شغل بس الحمدالله مشى الوقت لانه اشتقت لي شوفتك كان يقول هذا الكلام وانا اقول في نفسي هذا ولا مره شفته صح دايم تتكلم عنه بس ولا عمري قابلته سكت وحسيت تصرفاته غريبه وغامضه مادري حتى في طريقته في الكلام احس فيها عدوانيه نوعا ما بس للامانه اشوف انه انسان بار صح ما اشوفه بس دايم خالتي ما تذكره الا ب الخير المهم جلست خالتي تسولف وتتكلم معه وعن السفره لانه اكيد اشتاقت له اسبوع ‏ما جاها المهم قالت خالتي ايه صح نسيت اعرفك على الهام الهام هذا ولدي فهد ابتسمت بهدواء وكملت قالت هذي حسبت بنتي هو ولا قال ولا كلمه بس كانت نظراته لي غريبه مادري ما احد ناظر فيني زي كذا من قبل بس كنت اقول انا وش فيني كذا ترا هذا ولد خالتي ليلي اكيد بيكون طيب ومحترم وش بيكون مدام عنه ام حنونه وطيبه زيها  شوي الا انتبه لي الوقت قلت خالتي تصبحين على خير تاخر الوقت سلمت على راسها وجيت امشي قالت اخليك بعد قلت ودي بس مره ثانيه نجلس من جديد وراي جامعه وبعد شغل بس ان شاء الله كلها فتره ونرجع مثل قبل قالت تمام يا بنتي يلا تصبحين على خير قلت وانتي من اهله طلعت ونزلت لي شقتي شوي الا اسمع احد من وراي قال بصوت حسيت فيه عصبيه هيي انتي! قمت لفيت ب انتباه الا اشوف فهد قمت ناظرت وقلت بستغراب من اسلوبه الغريب لانه داخل كان شخص ثاني بس كنت اقول في نفسي وش فيني كذا ادقق ب الناس واحلل المهم قلت هلا قال ب اختصار ، امسكي ! لخذت الاسواره لي طاحت مني عند خالتي بدون ما انتبه يمكن وانا اسلم مادري المهم قلت وانا ابتسم لانه الاسواره تذكرني بشخص غالي علي ومات شكرا مره الاسواره تذكرني بشخص غالي علي وانا اخذها واتاملها قال امي قالت لي اعطيك ياها ! فهمت من كلمه لو عليه ما راح يجيبها بس عشان خالتي قالت له! قلت تمام وسكت وراح على طول وانا افتح وادخل الشقه حقتي وقول في نفسي اغرب انسانه قبلته وش ذا وانا وش فيني هذي الفتره ب الاسبوع لي فات قبلت شخص قاتل ورجل خطير و الحين واحد غريب اطوار سكت وبدلت ورحت لبست بجامتي وقلت في نفسي هو حلو ولا انا عيوني فيها شيء؟ اففف وانا اضحك على نفسي اقول وش فيني افكر وفيه ومين هو اصلا ؟! غريب اطوار ورحت حطيت راسي ونمت صحيت الصباح وكالعاده اسوي ‏روتيني البس وتجهز افطر على السريع وبعد اطل على خالتي طلعت زي كل مره ادق الباب ب عاده هي تفتح لي بس هذي المره لا خفت لانه اول مره تسويها اتصلت وماترد الا اذكر انها معطيتني نسخه من المفتاح حق البيت فتحت ودخلت الا اشوفها طايحه في الغرفه على الارض خفت مره وقلبي يدق بقوه وكنت احاول اصحيها وابكي وانادي ورحت اخذت جوالي ودقيت على الاسعاف وهم في الطريق وانا ابكي واحاول اصحيها الا اشوف اتصال وكان مكتوب فهد ولدي رديت وانا ارجف من الخوف على خالتي وقلت وانا ابكي فهد انا الهام قال مين الهام ؟ قلت وانا ارجف مو وقته اسمع امك تعبانه وتصلت على الاسعاف و الحين احنا في السياره قال وشووو؟!! قلت ايه نعم قال وين اي مستشفى ؟! قلت اسم ( المستشفى) وقفل واخذو خالتي ودخلوها وكنت ابكي برا وكنت اشهق مو قادره اخذ نفس من الخوف شوي الا اتصل وجوال خالتي بيدي قال اي غرفه ؟!! قلت 24 وجاء على طول بهيئه ثانيه قال وين امي ؟!! قلت وانا ابكي داخل قال وش صار ؟!! قلت اشهق ماعرف ولا ادري وش فيها اخر مره شفتها كانت معك وطلعت اليوم زي كل يوم الصباح دقيت الباب ماترد علي شكيت لانه دايم تقوم في هذا الوقت اتصلت وبعد ماترد تذكرت انها  معطيني نسخه من المفتاح ودخلت وشفتها على الارض في الغرفه والباقي انت تعرفه قال هو يدور اففففف !!! شوي الا يطلع الدكتور رحنا عنده على طول قال فهد وش فيها امي ؟!!!

فهد
اول ما شفتها تذكرت الاحداث لي صارت قبل اسبوع وهي نفسها البنت كنت اناظر فيها وانا اقول في نفسي انا متاكد هي نفسها رغم الظالم اي كان في المكان وقتها الا اني متذكر ملامحها الخايفه وقتها بس طلعت حلوه اكثر بشعرها البني الفاتح والطويل وعيونها الواسعه العسليه المهم تشتتت تركيزي بعد ماعرفت انها البنت اسمعها الهام نفسها البنت لي خليت يوسف يسوي عنها تحريات هذي البنت لي قريبه من امي وبنفس الوقت صادفتها كنت مصدوم بس مو مهتم ولا راح اهتم وش علي منها دخلت وكنت حذر في الكلام اكثر لانه ممكن تكون عدوه  وانا مادري دايم مستهدف راحت ونزلت ( الباقي نفسها الاحداث لي في الجزء لي فوق ) الهم رجعت البيت نمت صحيت الصباح وسويت روتيني المتكرر رحت الشركه ما امدني وصلت الا يجيني الاتصال (وصار كل لي قبل شوي قلته ) قلت وش فيها امي ؟!!! قال الدكتور ارتفاع نسبة السكر في جسمها واثر عليها اكيد واغمى عليها الحمدالله انها مالها فتره طويله مرتفع الا كان صار شيء لها لا سمح الله جيت ادخل قال اكتور ممنوع الحين هي تحت المراقبة كم ساعه اول شيء عشان ترتاح وغير كذا عشان ننتبه لو صار شيء لا راحت الغرفه العاديه تقدار تروح ! قلت بعصبيه بعد عن طريقي !!! قامت هذي لي اسمها الهام مسكت ذارعي وقالت تمام يادكتور بس لو تقدر وتسمح لانا بس نشوفها دقايق ونروح قال الدكتور تمام بس خمس دقايق بعدها تطلعون جيت بتكلم وكنت بقول لا والله بطلع متى ما ابي !! بس تكلمت على طول الهام وقالت ابشر راح الدكتور وهو يبتسم لها قمت لفيت عليها بعصبيه وقلت ماراح تدخلين !! قالت وهي تبكي بعد عن طريقي ! قلت واذا ما بعدت وش راح تسوي !!! قالت لا تصارخ هنا كلهم مراضى وغير كذا وش تبي انا ابي ادخل اشوفها ! قلت وش دخلك ؟!! فيها وبعدين انتي كان عندك المفتاح يمكن دخلت وسويتي فيها شيء ؟!!!! وربي لا ادفنك وانتي حيه لو انتي السبب!!! قالت وهي معصبه وكانت هذي اول مره اشوفها فيه احترام نفسك يا تافه واوزن كلامك من سمح لك تتكلم معي كذا ؟ انا احبها وهي حسبت امي كيف ‏اسوي شيء يضرها وبعدين مو مجبوره ابرر لك في شيء انا مادري كيف صار؟! والحين بعد ابي اشوفها ! قلت هذي امي انا انا المفروض ادخل مو انتي ! قالت ادخل في احد قال لك لا وبعد اذا هذي امك ترها حسبت خالتي وامي !! قلت باحلمك ! قالت وانت لي تحدد علاقتنا في بعض اول شيء ثاني شيء اذا انت فاضي ولا تبي تبعد انا بدخل ! دفتني ودخلت وانا اضحك بقهر وادخل وراها كانت امي نايمه دخلت وكانت تحط يدها على راس امي وتمسح لها وادمعو تنزل من عيونها وانا اقول في نفسي طمنا الدكتور عليها صح خفت على امي بس الحمدالله امرها تمام بس هذي واضح ام دميعه قلت بعدي يدك عنها !! قالت وهي تخذ نفس انت واحد  .. قلت وانا اقرب منها ايه كملي انا واحد ايش؟!! قالت بعد عني انا مادري هي كيف عندها ولد زيك !! قمت مسكت يدها ( ذراعها) بقوه وقلت نعم ؟ وش قلتي قالت وهي تبكي فك يدي توجعني ! قلت ثاني مره لما تقولي شيء كوني قده ! قمت فكيت يدها بقوها وعلى طول دخل الدكتور وقال انتهى الوقت بعد كم ساعه تعالو قلت لا! قالت الهام يلا هي ان شاء الله بخير خلها ترتاح قلت روحي انتي ولا تدخلي !! قالت خلاص راح اقوب لك كل شيء تعال قال وشو؟! قالت تعال وتعرف طلعت وطلعت وقالت الهام قبل لا دكتور يروح قالت دكتور ؟ قال سمي قالت اذا ماعندك مشكله عادي تتصل علي اذا صحت ؟ قال اكيد مافي مشكله اعطيني رقمك عطته وانا كنت موقف ومتكي على الجدار ورافع رجل واقول في نفسي غبيه وتافه بي باقي شوي وتترجاه !! لو ابي شيء باخذه غصب عن الكل بس ابي اعرف وش تبي تقول يمكن تعترف وساعتها انا اعرف كيف اتصرف معها !!! وراح الدكتور ولفت قالت يلا قلت وين ؟!! قالت لا تصارخ امشي وراح تعرف .....