اكرهك لانك متحكم

البارت 35

البارت 35

عند بسام وروان
روان : والحين وش اسوي يعني؟
بسام هو قرب منها مره وصار قدامها ونطق : مجبور اتحملك! وراح جلس على الكنبه
روان وهي تتافف :يعني معقوله مافي احد هنا؟
كالعادة تتكلم معا نفسها ما يرد عليها وراحت اخذت شنطتها وطلعت لابتوب حقها بشوف لي الجامعه
اما هو رجع يدخن و كان يناظر فيها بيرود
روان وهي تناظر الابتوب وتحل: بسام ليش ماتتصل على احد يفتح لنا؟
بسام واخيرا رد: ماعندي رقم اي احد بهذا القصر!
روان : طيب مايوصلهم اصواتنا معقوله هم اصلا كانوا موجودين فجاءه اختفوا
بسام هو ينهد : معقوله ماعرفتي انها فعلت فاعل ! بس مادري مين الي تعمد يسوي كذا !!
روان بستغراب: وليش مين يسوي كذا يمكن ما كان قاصد
بسام هو يحط الدخان في الطافيه بعصبيه: كيف يعني ما كان قاصد تعرفين مين هو ولا ليكون انتي!!
روان بتوتر من عصبيته: لا طبعا وش فيك بس مستغربه لانه مافي سبب يخليهم يسوون كذا
بسام هو معصب: المفتاح مو موجود في مكانه اختفى ولا فوقه مقفل الباب وش اكثر من كذا واضحه متعمده!!
روان وهي تتنهد : ماردهم يفتحونه اكيد
بسام هو راح ينسدح على السرير : ماردي راح احاسب الملقوف هذا لكن منا الى هذاك الوقت ما ابي ازعاج!
روان سكتت واضح انه معصب لمت شعرها و جلست تشغل وقتها في الدراسه رغم انه تفكيرها فيه ماتدري ليش جالسه تفكر فيه رغم كلامه عليها و عصبيته و صدوده وماله خلق احد الا انها شيله همه ! بعد تقريبا ساعه كذا هو بس كذا منسدح يطالع السقف تنهد هو يقوم ويلبس قفازات الملاكمة وراح عند الكيس وبدا يضربها بكل قوته رغم الم جرح يده وبعد جرح بطنه الا انه مستمر! يتذكر كل الذكريات موت امه وهو صغير كيف موت امه قدام عيونه وتصرفات ابوه و خياناته لها وهو منعزل من صغره ولمن قرر يعيش حب ولمن حب سحبت عليه وتزوجت غيره ومن بعدها هو مو طايق احد و قاطع علاقاته ب الكل وعلاقته معا ابوه كل مالها من أسوأ إلى أسوأ وكان يضرب بحقد وكان عارف انه ابوه مسوي كذا ولا يهمه وش مبتغاه كان بس يبيه يبعد عنهه وبس! اما روان كانت تشوفه كيف يضرب الكيس حق الملاكمه بكل قوته وواضح كيف معصب ويبي يطلع كل الي بداخله فيه ماتنكر جاذبيته و هبيته وقتها بس كانت تتسال ليش؟ معصب ومن مين ؟ الى درجه جلسه يضرب ويده مجروحه و بطنه بعد ما طاب كانت متوتره ولا عارفه وش راح تسوي اخر شيء جاء في بالها هذا الشيء على الاساس تشغله شوي نطقت وهي تبلع ريقها بتوتر فضيع
روان : بسام لقيت الحل!
لا رد ومكمل
روان وهي تكمل: وش رايك اقول لي صديقك يجي يساعدنا؟
اما بسام عصب و زاد ضربه على الكيس!
هي استغربته منه ومن تصرفاته !
بسام وهو بداخله كيف اقولها انه ممكن يستغلها عشان صديقتها! ولا ناوي يلعب فيها عدنان وانا اعرفه زين ! و هي مو عارفه انه جالس يلعب ويستغلهاا!! مهما كان تضل بنت طيبه وبنفس الوقت يشوفها غبيه من طيبتها!
روان وهي تلاحظ عليه انه تزداد العصبيه اكثر واكثر راحت له ومسكت كيس الملاكمه بكل شجاعه : انت وش صاير لك توك مافيك شيء حتى انك كنت بتنام وش تغير فجاء؟
ناظر فيها بكل قوه وعيونه واضح منها العصبيه و الغضب:بعدني عني والا راح تتاذين!
روان بستغرب : من وش؟
قرب منها بغضب وصار قدامها : مني!
روان وهي ترجع على ورا بتوتر واضح منه ومن قربه: وليش؟ انت مستحيل تاذي احد
بسام هو يضحك بسخريه : لا تستبعدين ترا اسويها!
روان: وش صاير لك ! توك كنت عادي
بسام هو يقرب منها: انصحك ماتدخلين!
روان وهي تتحسس: كل هذا السبب عشان بس انجبرت اكون معك في نفس الغرفه وانت ماتبي احد ؟! انا قلت لك وش رايك اكلم صاحبك؟
بسام هو يغمض عيونه بغضب وكانه يبي يهدي نفسها من الي سمعه : احذفي رقمه هو مو صاحبي طلع واحد مريض وعقله مو في راسه! انا حذرتك منه بعدي عنه واحذفي رقمه !!
روان :وليش يعيني وليش يكون مريض؟
بسام بعصبيه: سوي الي قلته وبس حنا راح ننتظر هنا الى مايشرف خالد (ابوه) لنا ويفتح الباب !
روان :طيب ليش احذف رقمه ؟
بسام هو معصب : جالس يستغلك شغلي عقلك شوي !
روان عصبت منه: ممكن تتكلم معي بحترام وتقول لي كل شيء ليش يستغلني وانا الي رحت كلمتهه ؟!
بسام هو ينهد : عطيني جوالك!
روان : وليش؟!
بسام :عطيني وبس!!
روان: لا حتى تقول لي !
فك القفازات ورماها وراه! بقوه وراح عند الطوله بس هي سبقته واخذت الجوال
بسام : روان جيبي الجوال احسن لك !!
مايدي ليش كان مصر انه ياخذه منها ويمنها من انها تقرب اكثر من عدنانن! بس كل الي يعرفه انه حاس ب الذنب هو يشوفها وهو يحاول يستغلها و يعرف عدنان زين ماوده تتاذى بسبب انها طلبته عشان توصل له!