ثأري وذات الرموش

Part1✨

:لازلت اذكر ذالك الگفن الابيض ورائحة عطرك الجميل عندما قبلت جبينك والقيت سلامــي للمره الأخيرة يا أمي

السلام عليكم قصة اليوم بين ثأري وذات الرموش

نبدي نتعرف على البطل:
الفجر الساعه 04:30 فتحت عيوني الغرفه كلها ضلام وبس النشرة مشتغله ع شكل نجوم بقيت بفراشي اتذكرت آمي وبجيت اخ يايمه مشتاق الحضنج الريحتج تعبت واني بهذا تفكيري شوكت اخذ بثارج يايمه بقيت بهاي الدوامه الي ما تخلص إلا آن تعوذت من بليس وگمت شغلت الضوة وطلعت ملابس اخذت حمام وصليت ونزلت جوة لگيت بُنية گاعدة
سجاد:صباح الخير
بُنية:صباح النور
سجاد:وينج خاله ام عادل حظريلي ريوگ اريد اطلع
أم عادل:تامر يمه دقايق وانا عندك
عائله الشيخ محسن
عائلة من محافضة......... من منطقة تحكمها العادات والتقاليد تتكون العائلة من الجد محسن والحجية حوطة و ولدهم الـ ٤؛ الجبير حازم مزوج وعندة ٤ ولد و ٢ بنات (هيثم زوجة مريم؛ باسم زوجة زينب؛ فاروق زوجة هديل؛ ايمن زوجة حلا؛ الأخوات رسل فرح لمى ) جبر؛ (خالد وزوجة هدى: حاتم زوجة حياة:محمد زوجة زينه: علاء اعزب؛ الأخوات سجى مريم :من أم ثانيه سجاد أعزب: اخت وحدة سالي)
(عماد و فؤاد مالهم غير شي قليل بالقصة بس تشمل أولادهم الي همة جلال وأياد و خليل و ضياء و فيصل و مؤيد)
___________________________ _________
تريگت ونزل محمد وزوجة
محمد؛ صباح الخير
سجاد؛ هلا بالعضيد صباحك مهيل ومعطر
بُنية؛ هلا يمه صباح العافيه عزيز گلب امه
محمد بست راس امي وگعدنه يمه اني وزينه
بدت العائله تگعد وصار البيت هوسة وكلها تحجي وتتعارك ع مكان الاكل
سجاد؛ يله بوية اني اطلع وراي شغل
خالد؛ وين خوية غير گاعدين واليوم جمعة هسة تلتم كلها سوالف وضحك خليك
محمد؛ تعال سجاد اريدك بشغله
سجاد؛ والله يا خالد عندي موضوع ضروري بس اخلصه وان شاء الله ارجع شكو محمد
طلعت وية محمد ع ديوان شكو خيرك
محمد؛ شنو شصار ع ثارك
سجاد؛ ان شاء الله قريب يبرد گلبي
محمد؛ سهلة خويه اني بضهرك دير بالك على نفسك
سجاد؛ ابوشهاب شبيك محد يموت ناقص يوم
محمد؛ اسم الله عليك يلعضيد من الموت
سجاد؛ طلعت توجهت للمكتب مالتي اني طبيعه عملي عندي مكتب دلاله ومكتب قروض بس مخلي بيهن عمال يشتغلون لأن اني اداوم بالقوات فة امر ع مكتب اشوف الشغل وارجع اجاني واحد ايريد يشتري قطعه أرض رحت ويا صارت البيعه واشتراها كلمن اخذ حصته وراح واني رجعت للبيت واني بالسيارة اجاني اتصال
سجاد؛ الو هلا خويه
؟؟؛ هلا بيك خويه شلونك شخبارك
سجاد؛ الله يسلمك بخير الحمد لله
؟؟؛ خويه لگيته غريمك وجمعت كل معلوماته وان شاء الله اليوم اني يمك ونتفاهم
سديت الخط من بعد السلام طبگت السيارة ونزلت
فتحت دگم القميص اريد اشتم هوة احس الدنية خنگتني وأخير اجه اليوم الي انتضرته ١٨ سنه اجه هذا اليوم گعدت بالگاع وضليت مدنگ راسي وافكر منا لحد ما وعيت ع صوت زلم ومي ع وجهي
مجهول؛ خويه سمي بالله وگوم
سجاد؛ شكو شصار
مجهول؛ ماكو شي خالي بس الضاهر اغمه عليك بسبب حر الشمس محتاج شي
سجاد؛............
يله بويه احنه ورانا طريق طويل مع السلامه
سجاد؛ رحم الله والديك الله وياك ماقصرت
صعدت سيارة وتوجهت للبيت
البيت هدوء تلگتني ام عادل يمه اصبلك تاكل دامه الزاد حاضر
لا ام عادل تعبان اريد انام لحد يگعدني
صعدت فوگ ذبيت نفسي ع جربايه حته الحذاء(وانتو بكرامه) منزعتها
___________________
حاتم يله بويه جهزو العشة عدنه ضيف من بغداد واحد يروح يگعد سجاد محمد تعال يم الرجال علاء وديله مي وجاي بين ما اغير هدمي واجي
بُنية؛والله سجاد هذا ورة عملة سودة وراح تنكت بيتنه من الأمان واني ام خالد
سجى؛ يمه ليش هيج تحجين ع سجاد شحذا يمج وهيج تحطين بي
بُنيه؛ تعاي كاونيني ع ابن سمية المدفور المنغوب ماعليج منه ومن اخته
مريم گومي امي اليوم حاطه الشر احداها خلينه انضف غرفتي
مريم نضفيها انتي اني اريد اكل جوعانه
سجى بسج اكل صرتي برميل
سجاد گعدت ع صوت دگ الباب
علاء يله يولي گوم عدك خطار من بغداد
سجاد وعلي اذا گلت انوب يولي افعص راسك فعص
علاء هوا صوجي اني اجيتك
غيرت ملابسي وتعطرت ونزلت بسرعه حته ما انتبهت منو موجود بـ الصاله طلعت للديوان سلمت وگعدت جان جدي موجود وعمامي والولد كلها موجودة
من بعد السلام وشرب الجاي
؟؟؛ اني راح اطيكم اسمه وعنوانه وكل التفاصيل الي جمعتها عنه بس تنطوني كلمه زلم انو مهما صار بينكم وبينهم اني ما إنجاب بطاري
الشيخ محسن؛ أخذها مني محد يعرف عنك شي
سجاد؛ من رخصت الحاضرين بس احجي منو وين وشسمه وشيشتغل اهنا من يمنه من غير محافضه ارغي ارغي
؟؟؛ لا والله من بغداد رجال بعمر ٥٠ سنه مزوج وعندة اطفال
وگاعدة يم اهلة..................
اخذت كل المعلومات منه وتعشة يمنه وراح ضلينه بس زلم العائله تبد بالموضوع واني گلت اروح اشوف المنطقه الي گاعد بيها وأسأل عنه عن قرب بس جدي اعترض وراح بمكاني جلال
رجع جلال ورة يومين وانطانه كل المعلومات الساعة04:00
العصر طلعنه البغداد كلنه هناك قابلنه ابن عم امي واخذنا منه الأسلحة وحتلينه المنطقه مالتهم ضلت ترعد شفنه منهم مواجه بالسلاح هذا الي نكسرة رجله هذا الي ابطنه هذا الي شرد وجلال نظرب برجله و أياد بأيده اطرينه ننسحب وهماتين
سمعنه صوت سيارة الشرطه انسحبنا مو خوف انما نريدها عشائر احنه كلنه واصلين بالدولة
____________________________
تعريف البطله؛
خلصت شغلي بالبيت وجاي اروح الغرفتي مو حسيت انما اوهم نفسي انو ماكو شي وراي بس صوت نفسه الكريه وريحته المقززة اكدتلي انو هوا وراي
علاوي؛ بنين وين رايحه بعد وكت خليني اشبع منج والله اتحسر ع نضرة من عيونج ليش هيج ليش وبقه يضرب بالحايط درت وجهي عليه علاوي تره الي جاي اسوي مو صحيح اول شي اني أصغر منك ثاني شي انت اخوي وتربينه سوة هذا الشي غلط وانت تعرف كرار يريدني اذا عرف يموتك والله
علاوي لا اني مو اخوج اني احبج واريدج الي سمعت صوت كرار اجه يتحمحم واني استغليت الفرصه دخلت غرفتي وقفلت الباب.
عمري 17 سنه عايشة ويه اهل ابوي بـ سجن سبع نجوم امي توفت واني عمري ٤ سنوات والدي العزيز ورة وفاتها بسنه ازوج وحده مطلقه وعدها ٤ اطفال ٣ ولد كبار وبنيه وحدة كلهم أكبر مني اني اصغرهم بيت جدي مكون من ٦ اخوان و ٢ عماتي
عمامي فيصل وطاهر وحكيم وعماد واديب و عباس
اديب الي هوا ابويه أصغر اخوانه طبعآ وشي اكيد انو الي يتحكمون بي زوجة عمي حكيم كلش متحبني حته بناتها يتعارك وياي وياخذ اغراضي غصب عني جن احجي لأبوي علمود يصيح بيهن بس عبث من بيت جدي كله الي يحبني الوحيد ومهتم إلامري هوا كرار كلش يحبني ودائما يگلي بس اخلص الدورة مالتي نزوج واخذج واطلع من هاي البيئه القدرة
ماعرف بوقتها اني جنت احبه او جنت اريد شخص يخلصني من عذابي ويطلعني منه
گعدت الصبح نضفت غرفتي وجاي اطلع للصاله شفت غرفت جدي مفتوح بابها طبعآ غرفتي اصير اخر البيت فه غرفت جدي اصير بلأول وراها غرفتي تمشيت ع أطراف اصابعي وبديت اتسمع ادري هذا الشي غلط وحرام بس صار عندي فضول سمعت جدي يحجي ويه ابوي وعمي حكيم ابوي ايگول العمى حكيم اي اي صار 13 سنه اني شايل هذا الذنب فوگ ذنبي القديم صار هذا
حكيم؛ اديب تنجب وتسكت انت بيك مرض كتلت سمية انوب كتلت مرام وين اتروح من ربك كم طفل يتمت ولا تتوقع انو اهل سمية سكتو بالفلوس ترة عدها ولد توقع باي يوم يعرف الحقيقه ويجي ياخذ روحك
أطراف جسمي كلها ماتت من سمعت هذا الكلام حسيت نفسي دخت يعني ابوي هوا الي يتمنى هوا سبب عذابي زين ليش شنو الدافع الي خلا يكتلها ويكتل هاي الي اسمها سمية اتقربت ردت اسمع أكثر جان ما حسيت غير احد دفعني من ضهري وگعت بنص الغرفه ونسد الباب لزمني ابوي من شعري وبقه يضرب بيه هوا وعمي بعدها اخذني جدي من بين اديهم وگلي كلمه وحدة؛ الي سمعتي اذا طلع من الغرفه ايصير مصيرج مثل امج اخذني ابوي الغرفتي ورجع ضربني مرة ثانيه گلي ممنوع اطلعين من الغرفه او اسمع صوتج قفل الباب وراح بقيت أون من الوجع صارت الساعه 10 واني كلش جعت بطني موتتني من الجوع سمعت صوت كرار يودع بأهلة يريد يلتحق اجه دگ باب غرفتي هستوني جاي اصيح بأسمه وسمعت صوت ابوي گله ما موجودة راحت الصديقتها من تجي اخليها تتصل عليك وراح كرار وراح أملي وياه مجنت اعرف هاي اخر مرة اسمع صوته بقيت لليل بالغرفه إيست احد يجي ينطيني اكل غفيت ع جربايه وفززني صوت الصريخ والسلاح يعني لو گاعده ع ساتر مايصير هيج صوت بقه ع هذا الحال تقريبآ ١٥ دقيقة بده يخف الصوت واجت سيارات الشرطه صوتها عالي ردت بس اطلع اشوف شكو ادگ بالباب محد يفتحه أيست وگعدت بالگاع بقيت اصرخ بأعلا صوتي اجتني مرة عمي عماد طلعتني وتلطم ع وجها وتصيح عماد راح عماد انضرب شلون بيه كله بسبب ابوج الي افتهمته اكو عالم عدهم مشكله ويه ابوي جايين عليه وعمي عماد مضروب ابطنه وعمي فيصل مضروب برجله صار البيت هوسة واجتي عمام ابوي وصار بس الصياح بالأستقبال رجعت لغرفتي وگعدت اربط الأحداث معقوله هذول اهل المره الي ذكرها ابوي قبل امي اي والله معقوله ليش لا

للكتابه ازل حسين
انتضرو البارت الثاني
لاتنسون الايك والاشتراك