ثأري وذات الرموش

Part 14✨

مرحبا حبايب قلبي نكمل وياكم البارت الـ 14

‏سياج بنص حرب كتالتي الصوبين 💔

لو كسرة عضم
جان العذر مقبول
بس كاسرلي خاطر
بيش ترضيني؟

العمر مابي ضمان!
شلون گلب انسان!
أدري وغلطة مني!
نطيتك سنيني!
💔

سجاد؛ اني اريد اخطب بنيه اعرفها واريدكم ترحون وياي مشاية ع أهلها لأن اني انطيتها كلمة گتلها ورة دورة السنه اجي اخطبج من اهلج

محسن؛ اي بويه خير ان شاء الله بت منو هاي التحجي عليها
سجاد؛ أهلها ناس خيرين اني اعرفهم
محمد؛ اي والله خويه صار لازم تخطب بعد كافي.
خالد؛بيها الخير خوية موفق
رسل؛ سجاد انت شنو جاي تحجي
سجاد؛ ما حجيت شي غلط احب والي احبها اريد اتزوجها بيها شي.
رسل؛ لعد وأني
سجاد؛ انتي شبيج.
رسل؛اني مو احبك ليش هيج اسوي بيه
سجاد؛ بس اني مواعدج بشي
بقت اصيح او تغلط الا ان أجت امها اخذتها وراحت اتفقت ويه اهلي باجر انروح الهم الكل وافق بعدها گعدنه سوالف وضحك وهذا يصنف ع هذا صار وقت العشة و بنين منزلت مهتميت الها
محمد؛ خويه سجاد احسن الك ولـ بنين ازوج
سجاد؛ وهوا كذالك خويه احسن لأن اني اتعب وهية كذالك ما أريد اعيشها بوهم
تعشينه وخلصنه وكلمن راح الغرفته اني صعدت فوگ لگيت بنين نايمه ع جربايتي غيرت ملابسي واجيت نمت يمها
بنين؛ گعدت لگيت نفسي بحضن سجاد باوعت الساعه بـ8. اوووف هاي شگد نايمه گمت غسلت ولبست حجابي ونزلت جوة لگيت سالي و سجى و مريم صبحت عليهم و گعدت اكل وياهن
مريم؛ بنين تدرين اليوم شكووو
بنين؛ شكو؟
مريم؛ اليوم سجاد ايروح يخطب حبيبته مريم
بنين؛ 🙂💔 واني شعليه بي الف مبروك مقدماً
مريم؛ يعني مضوجين
بنين؛ اني صح عاقد عليه سجاد بس مو معناته انحب بعض لا
سالي؛ يله غيرو الموضوع خلونه انضف البيت
بنين؛ يممممه اريد اصرخ صارت غصه بگلبي معقوله راح يزوج واني شنو زين ليش عودني عليه اوووف بلگوة سيطرت ع نفسي گدام البنات ما بجيت
سجاد؛ گعدت من النوم ملگيت بنين عرفتها نازله سبحت وغيرت ملابسي ونزلت جوة لگيت اهلي موجودين صبحت عليهم
سجاد؛ صباح الخير
محمد؛ هلا بلعضيد صباحك خير وعافيه
خالد؛ هلا بالعريس
سجاد؛ بعدنة يالله
تريگنة وجدي گال يله اتحضر تنروح نخطبلك كلش فرحت لأن البنيه الي جنت احلم بيها راح اصير يمي صعدت فوگ لبست دشداشه بيضه وساعتي وأخذت سبحه فضيه وتعطرت ونزلت كلنه خلصنه جاي اطلع وشفت بنين بوجهي
بنين؛ خلصنه تنضيف وتريگو وكلها اتجهزت علمود يرحون يخطبون السجاد نزل سجاد كاشخ ومتعطر صار گبالي حاولت الزم نفسي گدامه ابتسمت بوجها ابتسامه خفيفه ورحت
سجاد؛ ماعرف ليش ضجت عليها استغفرت ربي وطلعت وصلنه لبيت اهل مريم
استقبلونه احلا استقبال وحجينه واتفقنه ع خطوبه بعد يومين طلعت من بيتهم واني الفرحة مواسعتني رجعو اهلي للبيت واني طلعت ع شغلي اشتغلت كم شغله ورجعت بالليل گبل صعدت الغرفتي اريد بس انام اريد هاي اليومين تخلص بسرعه
بنين؛ رجعو اهل سجاد وكلها فرحانه ما عداي اني و رسل سوينه غده وسجاد ما اجه حته ع عشه ما اجه مسألت عليه خلصت شغلي ودخلت نمت جاي اروح المخزن سالي صاحت عليه
سالي؛ بنين تعالي نامي يمي ليش باقيه هناك
بنين؛ لا حياتي ماريد ازعجج
سالي؛ ع اطفالج اليبجون بالليل تعاي
بنين؛ رحت نمت يم سالي بالغرفه مگعدنه غير الصبح مالي خلگ حته للشغل
سجاد؛ نزلت الصبح البيت هدوء بس بنين بالمطبخ والعائله كلها مجمعه بالصاله
هدى؛ يله سجاد اتحمل بس باجر ونروح نخطبلك
زينه؛ هلا شوف وجه العريس شلون منور
سجاد؛ بت ابو جكليت اسكتي
محمد؛ يا اخي شبيك انت بس تعير
سجاد؛ جوعان ميت جوع اريد اكل
سالي؛ يمه اتخسه الجوع هسة اسويلك احلا ريوگ
سجاد؛ بعد گلبي ريت ما انحرم منج
بنين؛ جنت بالمطبخ احضر بالغده اني وام عادل
أجت سالي اتسوي ريوگ السجاد
خلصت الريوگ وراحت حته محجت وياي اني عفتها ع راحتها
صبينه غدة وكلها گعدت تتغدة
محسن؛ عاشت أيدج ام عادل اليوم الغده طيب
أم عادل؛ والله شيخ اني اليوم ماسويت شي بنين خطيه شافتني تعبانه وهية طبخت
محسن؛ اي والله كلجن خير وبركه
خلص اليوم مصار بيي شي مهم كلمن دخل الغرفه واني منمت يم سالي رحت نمت بالمخزن احسن الي باجر خطوبه سجاد يارب صبرني ع بلائي
مگعدنه الصبح مخبوصين كلها تحضر ومخبوصة
اني بقيت بس اتشغل
سجاد؛ گعدت الصبح صليت صلاة الشكر وبدلت علمود اروح للحلاق اني وجلال نزلت سلمت وشربت بس جاي وطلعت حلقت وجبت ملابس واجيت لگيتها كلها مجمعه اقاربنه استقبلوني بلهلاهل وأغاني مشغلين گعدت يمهم شويه وصعدت اجهز نفسي سبحت ولبست وتعطرت ونزلت كلش احتاجيت امي وياي بس الحمد لله على كل حال
بنين؛ نزل سجاد شرب جاي وطلع واجوي اقاربهم وكلها تتأمر عليه وهاي الي تحجي هيج وهاي تگلي انتي الفصليه تحملت كل الحجي اجه سجاد وشغلو اغاني وهلاهل صعد فوگ يبدل صبينه الغده ودغدو غسلنه المواعين اني وأم عادل راحن البنات يبدلن وكلها اتجهزت نزل سجاد اني گبل دخلت للمطبخ ما تحملت سمعتهم طلعو يله طلعت للصاله بقينه انضف وبعدها بـ ساعتين رجعو
سجاد؛ صعدنه بالسيارات ورحنه لبيت مريم
دخلنه اجه الشيخ عقد وطلع صار بس صوت الهلاهل دخلت وشفت مريم لابسه فستان احمر وهية بيضه اجيت بستها من راسها ولبسنه الحلقات بقينه شويه وطلعنه رجعنه للبيت هيج المغرب محد بالبيت بس ام عادل بده الحفله والرگص وكلها جانت موجودة كلش فرحت بعد ما طشت العالم واتفقنه العرس ايصير نهاية الأسبوع هذا لأن اني و مريم حاجين بالموضوع وهية مجهزة نفسها انتبهت بنين ماكو مهتميت الها اني اريد بس انساها صعدت فوگ اتصلت ع مريم وباركت الها بقينه نحجي الا ان نمت لأن كلش تعبان.
بنين؛ مرن هاي الايام ماكو شي جديد بس مشاكل بين أمينه و بُنية وباجر حنه سجاد
سجاد؛ جنه گاعدين كلنه علمود نتغدة واجتي ام عادل
أم عادل؛ سجاد يمه اريد اطلب منك طلب بس لا تفشلني
سجاد؛ اطلبي خاله عيوني الج
ام عادل؛ سالمات عيونك يمه اني اليوم اروح اسوگ الكم للبيت
سجاد؛ اي يمه محتاجه شي فلوس عندج انطيج.
ام عادل؛ لا يمه فهمتني غلط راح انروح اني وسالي وسجى خل اخذ وياي بنين تشتري الها ملابس خطيه من أجت لهسة بهذني  الثوبين السود وانتو فكيتو حزنكم وعله مسؤوليتي أخذها واجيبها
سجاد؛ صح هية بنين بس ثوبين عدها ومرات تلبس ملابسي
ماشي خاله أخذها واني انطيج فلوس علمود تشترين الها
ام عادل؛ مشكور يمه مارديتني
بنين؛ أجت ام عادل گالتلي وكلش فرحت وأخيرا راح اطلع شويه كملنه غده ونضفت ع سريع
سالي؛ يله بنين راح نتأخر
بنين؛ دخلت بدلت وطلعت
رحنه للسوگ اشترينا ملابس وخلصنه بس شفت مره وياها ابنها كلش مرتب بقت بس تباوع عليه اني ما اهتميت جاي نطلع من السوگ واجتي يمنه هية وابنها
ام حسن؛ السلام عليكم
ام عادل؛ وعليكم السلام
ام حسن؛ يمه هاي بنتج الله يحفضها
ام عادل؛ اي هاي مثل بنتي
ام حسن؛ خير ان شاء الله انتو وين بيتكم
ام عادل؛.......... بيت الشيخ محسن
ام حسن؛ والله انعم وأكرم هذا رقمي سجلي يمج وان شالله احنه يومين وجايين نخطب هاي بتكم وراحت المرة
بنين؛ اني بقيت اضحك هاي شبيها
سجى؛ والله وراحت منك بننين يا سجاد
رجعنه للبيت واني ميته تعب سوينه عشه وگعدو يتعشون لگيتهم جايبين غرفه جديدة السجاد وهاي الوصخه جايبه أغراضها مصفطتهن
سجاد؛ رحت اشتريت غرفه اني ومريم ع ذوقها واجتي امها ويانه وجابت أغراضها ردتها تبقه ع عشة بس ماقبلت راحو ورجعت بنين وسالي بس سالي بيها حجي صبو العشة وكلها گعدت
سجى؛ والله عدي الكم خبر
زينه؛ شكو احجي
بُنية؛ انتي ما وراج بس المشاكل شكو
سجى؛ اليوم
الكل؛ اي
سجى؛ اليوم
خالد؛ وسم شكو اليوم
جلال؛ عله كيفك شكو اليوم سجى
سجى؛ اليوم بسوگ خطبو بنين من ام عادل
سجاد؛ جاي اكل وغصيت
محمد؛ اسم الله عليك
حاتم؛ جيبي مي
سالي؛ بنين جيبي مي بسرعه
بنين؛ جبت مي ونطيته السجاد اشو هذا يخزر بيه اني مغصصته
أمينة؛ سمعنه خطبوج الف مبروك
بنين؛ 😶🥲
سجاد؛امشي اصعدي فوگ جاي وراج
بنين؛ جاي اتعشة
سجاد؛ بت الكلب امشي اصعدي
بنين؛ صعدت اركض
خالد؛ سجاد گول يالله البنيه حلوة وتلفت النضر.
محمد؛ 😂😂
سجاد؛عفتهم وصعدت فتحت الباب لگيتها گاعدة بالگاع
سجاد؛شعجب انتي من دون البنات خطبوج خاف مسويتلج شي
بنين؛...............

انتضرو البارت الـ 15

الكاتبة ازل حسين❤️🌹