ثأري وذات الرموش

part15✨

مرحبا حبايب قلبي نكمل وياكم البارت الـ 15

‏غَصه بصَدري ضَلت من حَجيهُم ...

ذمة برُكبتك سَاعة سَاعة المَا نِمتهن..

"لاچن گعدنه سوه
ولاچن، حچيت وياك.
عليتني، للسما
وهديٓتنُي من هناك،"

‏حَسبالي حَجيك صدك
وعَيونك تحَبني ثاريني
مثل الورد بس اذبل تذبني

مرآت اكِو بگلبك حَچي بَس تنجَبر ماتَحچي
ومَرات عِينك ما تِصب بَس تلگِه گلبك يَبچي .

سجاد؛شعجب انتي من دون البنات خطبوج خاف مسويتلج شي
بنين؛شمسويه اني مجرد الولد شافني وامه حجت ويا خاله ام عادل
سجاد؛ ها يعني الولد موجود
بنين؛ اي موجود
سجاد؛ صدگ حرگت گلبي لزمتها وشبعتها كتل شوفي ولج من البيت ما الج طلعه وحق الحسين اذا شفتج مطلعه راسج من باب الحوش اگصه الج
بنين؛ حجه هيج نوب لزمني وطلعني من الغرفه بقيت گاعده اباب الغرفه وابجي اني شعليه
خليت ونزلت جوة دخلت للمخزن ونمت هستوني بديت انام جان ينفتح الباب وتدخل عليه رسل جرتني من شعري وصلتني للصاله واني ماعرف شمسوية بقت تضرب بيه واني بس ابجي
سجاد؛ طلعتها برة الغرفه ورجعت تمددت ع جربابه شويه واسمع صوت صريخ نزلت اركض لگيت كلها مجمعة ورسل تضرب بـ بنين.
سجاد؛رسل شبيج عوفيها
جلال؛ لزمت رسل من ايدها وخرتها من البنيه
بنين؛ اني شنو مسويتلج حته هيج اضربيني
رسل؛ والله العضيم اليوم اخذ روحج بت الكلب كله بسببج سجاد عافني
بنين؛ واني شكو هوا يحب والي ايحبها راح خطبها
سجاد؛ بابا انتي ششنو تحجين هية شعليها وبعدين عيب عليج هيج اسوين اني ما احبج غير حب اخت حالج حال سالي
خالد؛ احنه يوميه خبصة علمود سجاد بابا عيب عليجن تتعاركن يوميه والله تعبت نفسيتنة
رسل؛ عبالج خلصت اليوم خلصج مني جلال بس ضامتها الج والله العضيم
بنين؛ أخذها جلال صعدها فوگ وكلها طشت بقه بس سجاد
سجاد؛ باوعت عليها گاعده وتبجي وجها كله احمر من الضرب خليت وصعدت فوگ نمت
بنين؛ ياربي اني شنو مسوية عندك ليش هيج جاي ايصير وياي وحق اميرك علي تعبت گمت غسلت ورجعت نمت گعدت الصبح ع صوت المسجل والأغاني لگيت العشيرة كلها بالبيت افففف هم راح يبقون يسمعون حجي واني روحي طالعه اتريگت وبقيت اشتغل بالمطبخ ويه البنات
سجاد؛ نزلت جوة سلمت وگعدت يمهم اتريگ صارت الساعه ١٢ بدو يجهزون الغدة اني رحت اجيب ملابسي اني وجلال ومحمد
بنين؛ كملنه الغده و عمو ابو خالد گال انريد نگعد كلنه سوة لا اتقسمون السفره صدگ مدينه السفره سدت الصاله وبدينه انصب والولد ينگلون للصاله خلصنه ورجع سجاد وجاي ياكلون بقه بس المي أخذته جاي اودي الهم
سجاد؛ گعدنه نتغده واجت بنين جايبه المي
جلال؛ تعالي بنين اگعدي ادغدي ويانا
رسل؛ جلال شنو ماسمعت عمو شنو گال
جلال؛ شنو گال
رسل؛ گال انريد لمه مال عائله يعني منريد غريب بينه
بنين؛ صدگ انقهرت بس اصريت ارد عليها
حياتي الف عافيه والله ردت اگعد اكل وياكم بس شوفتج تسد النفس اشو هاي شمرت عليه الگلاص خليت أيدي ع وجهي وتعورت بأيدي
رسل؛ بت الجلب منو شوفتها اتسد النفس اني جاي اگوم املخها ولزمني خالد
خالد؛ رسل امشي ولي فوگ لا اسحل بيج البيت
رسل؛ شنو مشفتها شلون تحجي وياي هاي الگحبه
سجاد؛ رسل احترمي نفسج هاي تبقه مرتي وعله ذمتي شهل تجاوز هذا
رسل؛ هوا منو طلع عينها غيرك
سجاد؛ گمت عليها جبتها براشدي وطردتها فوگ.
بنين؛انطاني جلال اكلنس علمود امسح أيدي بس شفت سجاد خزرني اني بغضاً بي أخذته وگتله
بنين؛ تسلملي
جلال؛ لا ولو
سجاد؛ لا يابت الكلب بسيطه احجيها بگلبي اني الها رجعنه نتغده واني افور عليها بس عيب من جلال ما گدرت احجي بس الزمها وين تروح بت الفگر
بنين؛ شفت سجاد كلش صاج من حجيت ويه جلال خوش لگيت الي اضوجك بي بسيطه كملو غده وكلها راحت اتبدل وتحضر للحفله اني بقيت انضف ويه ام عادل لأن الي صاير كله ميعنيلي شي خلصنه تنضيف واجتني بنيه
عذراء؛ اگلج عفيه ممكن طلب
بنين؛ من عيوني گولي
عذرا؛ عادي تسويلي مكياجي اذا ابقه انتضرهن تروح عليه الحفله
بنين؛ ادللي حضري المكياج بين ما اغسل اديه واجيج غسلت ورحت الها لگيتها گاعده بالصاله ويمها النسوان الكبار گاعدات يسولفن
بنين؛ يله تعالي بديت امكيج الها البنيه الحلو بيها بشرتها صايفه وحافه حواجبها فة گدرت امكيج الها براحتي
بنين؛ شنو لون ملابسج
عذراء؛ فستان اسود
بنين؛ تمام اكو شي معين ابالج لو اني ع ذوقي
عذراء؛ لا ع ذوقج بس كون حلو.
بنين؛ ادللي جاي امكيج بيها ونزلو الولد وياهم سجاد
جلال؛ بعد ابوي جاي تلبخين الها
بنين؛ شفت سجاد ايباوع علينه  گتله
بنين؛ اي والله شنسوي نغير الها سويت الها المكياج كله برونزي بس الحمرة حمرة طلع شكلها ايجنن
سجاد؛ صدگ فرت منيمها فور بقيت ع وضعي منا لحد ما كلها جهزت حته رسل أجت
بنين؛ خلصت الها المكياج وكلها سألتها منو سوا الج گلتلهن بنين راحت لبست الفستان مالتها وسويت الها شعرها صارت اجنن طلعو كلهم البنات لبسن عبايات وطلعن
سجاد؛ كلها اجهزت وطلعنه رحنه البيت مريم
وصلنه بقن البنات ايرگصن هوسات وسوالف العرس المعروفه حنيتها ولبستها الذهب وگامت مريم رگصت واني بقيت اباوع عليها بعدها گصينه الكيكه وبقيت گاعد شويه اخذنه صور وطلعنه رجعنه للبيت سويت الحفله مالتي ويه ربعي كلها أجت حته أصدقائي الي بدوام اجو  تعشو وبقينه للـ 1 بالليل نحتفل بعدها كلها طشت بقو بس اقاربنه الي من بعيد باتو يمنه.
دخلت للبيت لگيت النسوان الكبار گاعدات وياهن الولد كلها ملتمه
بنين؛ راحو ورجعو المغرب اني وام عادل حضرنة العشة وصبينة الهم بس لنسوان الولد الي بره جايبين الهم طباخ يطبخ خلصت الحفله وبعدها صارت أجواء لمه الأقارب كلها تضحك وتسولف
سالي گلتلي سوي جاي سويت وأخذت الصينيه وديتها الهم وزعتة الهم وبقو جلال وسجاد وخالد مماخذين وياهم ولد اول مرة اشوفه وديت الهم الجاي جان هذا الولد اخذ الجاي ولزم أيدي اني ارتبكت وگعت الگلاص بالگاع
سجاد؛ أجت بنين وزعت جاي تنطي لخالد وجلال وبعدها انطت لـ ضياء ابن عمي هية متعرفه ابن عمي عماد لأن هوا دائمآ بشغل وحته اذا اجه للبيت يصعد گبل فوگ وبيت عمي عماد درجهم صاير بالحوش يعني منهم للشارع ميجون يمنه هواي
اطتة الجاي وگعت الصينيه بس حسيت عليها اتلبكت شالت الگلاص وراحت للمطبخ
بُنية؛ يله مصار شي هسة يجن يمسحنه
سجاد؛ بقيت ساكت اني باقينه گاعدين منا لحد مصارت الساعه بـ3 كلها طشت اني صعدت فوگ اتصلت ع مريم وبقينه نسولف بعدها سديت الخط ونمت گعدت الساعه بـ11الضهر
سبحت وبدلت لبست دشداشة ونزلت لگيتهم كلها مخبوصه وينضفون وهاي التتمكيج وذيج الترگص شربت گلاص جاي وأخذت الولد ورحت للحلاق
بنين؛ كلش خفت منه من لزم أيدي بس ردت احجي خاف اصير مشاكل كلها طشت الغرفها لميت الصاله ودخلت نمت گعدت الساعه 8 الصبح نضفت ويه ام عادل وتريگنة همزين خلصت من الطبخ و المواعين جايبين طباخ هوا يطبخ بقيت گاعده أسولف ويه ام عادل البنات كلهن بدلن وجهزن نفسهن ومنتضرين سجاد يجي
اجه سجاد واستقبلو هلاهل وهوسات وكلها فرحانه ما عداي اني شلون بيه اتعودت ع حضنه بعد وين انام والله تعبت يارب باوع الحالي
سجاد؛ خلصت ورجعت للبيت اخذنه النسوان ورحنه انجيب العروس وصلنه البيتهم ولگيتهم منتضرينه گعدنه شويه وطلعنه ضجت من شغله وحدة مريم كلش أصرت ع التصوير بلأستوديو طبعآ هذا الشي حقها بس اني وياي عالم هواي وكلها زلم صعبت عليه انزلها بلگوة گدرت افر السياره وأوصل للبيت اول منزلنه من السياره كلها ضلت ترمي وصارت هوسة اني اخذتها ودخلت جوة وصادفت بنين بوجهي.........

انتضرو البارت الـ 16

الكاتبه أزل حسين ❤️🌹