ثأري وذات الرموش

Part2✨

هناك صوت بداخلي يدفعني للثأر وصوت اخر يخبرني ان ابقى إلى جانبك فأي صوت اتبع

مرحبا حبايب قلبي نكمل البارت الثاني وياكم اريد تفاعل علمود استمر

"من جفنوها وسود البوب
بريوگنة متربع غروب"
من شفنه ركن البيت خالي"
بعنه الهلا وشلنة الزوالي"
ماتت وعازب جان حالي"
مالحگت تواكل جهالي"

‏راحت الجانت تحبني الف رحمه ع روحج يبعد كلبي يايمه 🥺💔
____
اخذنه الولد اني ومحمد وخالد رحنه بيهم للمستشفى دخلوهم للعمليات خالد كمل اجرائات المستشفى واجه يمنه
خالد؛ سجاد هسة شنو اخذت ثارك بهذا الي سويته بسببك انت أياد و مؤيد بالعمليات
محمد؛ خالد اسكت انت هسة وكته هذا الحجي
سجاد؛ عفتهم يحجون وطلعت برا ادخن وحاير شلون ابرد نار گلبي بقيت ألوب اروح منا واجي منا شفت محمد اجه بتجاهي
محمد؛ راح مؤيد راح
سجاد؛شنو شبي مؤيد
محمد؛ توقف قلبه بالعمليه
سجاد؛ محمد دخيلك. الكعبه احجي غيرها
محمد؛ 😭😭
سجاد؛اني سبب اني اييييييييييييه اني بسبببببي
بقيت بمكاني احس مثل الي اجمد كل جسمي وبعد ما أگدر اتحرك.... اجو عمامي كلهم وجدي وصار بس البجي والصياح بالمستشفى جابو تابوت واخذو مؤيد للبصرة علمود تودعه امه انوب طلعنه بي للنجف دفنا ورجعنه واني كلي ملامه وكره لنفسي ضيعت شاب بعده بعمر الورد علمود ثأري خلص اول اسبوع من العزاء وصار اتصال بين اهل أديب وجدي وتفقو ع گعده بعد اسبوع بدينه انوزع ثواب ع روح مؤيد وبهاي الفتره ناس تروح وتجي علينه علمود أياد ومؤيد الله يرحمه احس عمي عماد يلومني بعيونه نضرته كلها كره وحقد عليه واني ما الومه ابنه وحقه
خلص الأسبوع ورحنه صارت الگعده جاي طرف ثالث وكلمن يحجي شي بكيفه اني عيوني موجهن بس ع أديب الي اريد اگوم افعص راسه فعص جدي گال الهم
احنه فصل مؤيد نريده ٢٠٠ مليون ودم الي بينه وبين أديب احنه نحله بدم صار حجي وصياح يردون كلشي يحلو بفلوس إلا أن صحاني من صفنتي صوت رجال گال أم سجاد نطيح دمها بـ مره من بنات أديب مو هوا المذنب هوا يتحمل عقابه فزيت ع حيلي وگتلهم
سجاد؛ هوا؛ شنو بكيفكم تحجون يا مره تاخذ مكان أمي وعدهم وحده شريفه الي اتسد مكان أمي
عفتهم وطلعت بعد ما جدي خزرني أي بـ معنه اطلع
بقيت نص ساعة اني بالشارع إلا أن طلعو عمامي والولد سجاد؛ هاي شنو شلون خلصت جدي؛ امشي اصعد واحنه نتفاهم بالبيت طلعنه بالسيارات وصلنه للبيت___________________
بنين؛ اخذو عمامي للمستشفى واجو عمام ابوي وجدي ايصيح ويغلط ع ابوي ويگله مو گتلك ابنها راح يوصلك اني ما مستعد اضحي بواحد من ولدي علمود اغلاطك الي ما تخلص ثاني يوم وصلنه خبر ابنهم متوفي فات اسبوع ما ننحسد عليه من مشاكل وضيجه خلگ خابر جدي عليهم اخذ منهم عطوة اسبوع بهذا السبوع حالت عمامي اشوي تحسنت وطلعوهم للبيت بقينه نعتني بيهم وهوسة الخطار ورزايل جدي اسبوعين مراً بحياتي ولا بالأحلام راحو بيت جدي عمامي وأبوي وجدي لبيت اهل الولد رجعو ثاني يوم لأن الطريق بعيد اجه جدي وجه ولا يبشر بالخير اني شفتهم هيج ضايجين خليت وبقيت بالمطبخ علمود بس اسمع الصوت اريد اعرف شصار
جدي؛ ارتاحيت اديب هاي راحت ٢٠٠ مليون ومرة فوگاهن واحنه الممنونين
أديب؛ شسوي بس گلي يابه هوا هاي بعد رادت اصير واني شمعرفني عدها ولد يجي ياخذ بثارها بعد ١٨ سنه
حكيم؛ عبالك لعد هية لعب وبشر القاتل بالقتل الدم ميموت اديب الدم ميموت وانت عليك ان تنطي وحده من بناتك لو ريم لو ﮼بنـཻـيـن
بنين؛ اني سمعت هذا الكلام وگلت وينك كرار تجي تخلصني منهم لان اكيد اني الي راح ينطوني ريم عدها ام ادافع عليها اني منو الي كلها اتريد تخلص مني
اديب؛اي اني انطىيهم بنين لأن جبيرة واعيه وتفتهم وصارت حق زواج بس الـ٢٠٠ مليون منين انيجبهن
حكيم؛ بيع بيتك الي بـالدورة وننطي الفصل وكان الله يحب المحسنين
بنين؛ اني سمعتهم اتفقوا واني متت بمكاني معقوله راح اروح وما اشوف كرار شلون يصير ثاني يوم اتصل جدي عليهم گللهم انطوني مهلة ٣ ايام بس علمود أدبر الفلوس واجيبه الكم هنة والفصليه
اجه والدي انطاني خبر بالموضوع إنما أمرني أمر عبالك هم ويريد بس يخلص مني خلصن الـ٣ايام حضرت جنطه صغيرة خليت بيها كم ثوب اسود احترام للميت الي عدهم كونه بعده مطالعه الأربعين وحضرت عباتي بس طلبت من جدي البس نقاب(بوشية) وافق مگال لا طلعنه من البيت صعدت بسياره وطلعنه اني اباوع ع بيتنه ع شارع صح تعذبت بطفولتي بس تبقه الي بيها ذكريات حلوة بقيت بس ابجي ودعيت
بنين؛ اللهي اقسم عليك بأميرك علي اقسم عليك بالحسين الشهيد اتكون وياي ومتتركني يا علي انت مو كافل اليتيم واني يتيمه وانت كفيلي نورلي طريقي رايحه المستقبل مجهول كله ثار وقتل عدوانيه كون وياي يالله يارب اختر لي ولا تخيرني....
بعد مشي ٤ ساعات بالسياره وصلنه لبيت واجهيته عبالك عمر البيت فوگ الـ٥٠ سنه اني بقيت بالسياره وبقه يمي والدي منعو يدخل للبيت ماعرف يجوز علمود بتهم الي ابوي قتلها😮‍💨 بعد ساعه كامله طلع عمي حجه ويه ابوي واجه ابوي نزلني سميت بسم الله ونزلت دخلت للبيت فتت بأستقبال ماعرف شنو بس كلش جبير وتصميمه بدوي دخلت گعدت يم الباب سمعت الشيخ يقره ايات من القران الكريم وبعدها ذكر اذا قبلتي الزواج والتمتعت من سجاد ابن جبر فقولي نعم أنت وكيلي
بنين.........
__________________________________
سجاد؛ وصلنه للبيت گعدنه جدي گال ديه دم مؤيد ٢٠٠ مليون ودم سمية راح ناخذ عليه مرة واي اعتراض ما أريد سجاد؛ بس جدي احنه مو هيج اتفقنه اني اريد اجيب راس أديب مو اجيب مره شسوي بيها صار نقاش جاي اطلع من الصاله اصعد الغرفتي سمعت جدي گلي هاي الأيام يجيبون المره انت تعقد عليها دامها دية دم امك سمعته يحجي هيج خليت وصعدت فوگ بقيت ألوب ما أگدر اكسر كلمة جدي گعدت دخنت وبعدها نمت خلصت الـ٣ ايام ع روح ودي وجيب رحنه طلعنه اياد من المستشفى وذبحنه اله ذبيحه ع سلامته وذبيحه ع روح مؤيد للمغرب واجو دخلو للأستقبال وجاي وياهم أديب اتقربت يمه وگتله اذا خطيت خطوة وحدة جوا البيت اطلعك منه جنازه خله ورجع طلع من البيت بقه واگف يم السيارات بقوا يحجون ع فصل انطو الجدي الفلوس وگللهم المرة وين دام الشيخ موجود يعقد الهم وانتو بعد منا وتوكلو طلع رجال وره ٥ دقايق رجع ويا مره بس عباره عن قطعه سودة كلش ماكو گعدت بنهاية المضيف انوب بده الشيخ يقره قرآن وگللها هل قبلتي الزواج هية بقت ساكته لزمها عمها من ايدها يله گالت نعم انت وكيلي بعدها اخذ موافقتي جاي ايطلعون أهلها وهية باقيه بمكانها جريتها من ايدها ودخلتها للبيت جوة بيدها جنطه صغيره طاحت منها واني اجر بيها جبتها خليتها بـمخزن ايصير اخر شي بالبيت وقفلت الباب عليها طلعت ع جدي واني شياطين الأرض تطافر گبالي سجاد؛ يله اخذنه مرة وذاك الكلب ابن الكلب يسرح ويمرح شستفاديت اني صارلي ١٨ سنه اصبر وانتضر علمود اجيبلي مرة أعقد عليها ويه الايام يموت ثأري من گلكم اني اريد مرة اني سكتت علمود ما اكسر كلمتك جدي بين الزلم بس اني اريد ثأري هاي الي جبتوها انتو حيرو بيها
خالد؛ سجاد مو كافي بسبب ثارك احنه خسرنه مؤيد
محمد؛ خالد لا تلف تلف وترجع ع مؤيد خلص الله كاتبله لهنا ويخلص عمره شنو سجاد هوا الي كاتله
حازم؛ كافي ابوي راح ينجلط بسببكم يله كلمن ع غرفته يروح
سجاد؛ لبست حذائي عفتهم وطلعت رحت ابرد گلبي شويه لأن احس راح انفجر بقيت افتر بالسيارة وبعدها اذكرت البنيه الي بقت بالمخزن گلت احسن شي اروح ابرد گلبي بيها
درت السياره ورجعت دخلت للبيت ولگيته محد گاعد هذا الشي حوالي الساعة 12:40 بالليل
توجهت للمخزن فتحت الباب...............
______________________

انتضرو البارت الثالث

للكتابه ازل حسين

❤️🌹❤️🌹❤️