ثأري وذات الرموش

part6✨

السلام عليكم نكمل وياكم البارت الـ 6

:باچر الضَلمه تغُثك ، منيلّك مِثلي شَمس !

شَلونَك؟
يَبعد المو الي
يَالتَعبتني انتَ وهَلي
لابيك كَطره مِن الهَلا ولاملكَه غيرك بي دَوه

رحنه للغرفة مالتة لگينا يهذري بالبنج
علاء؛ كله منكم انتو وصلتوني لهذا الشي اخخخخخ يمه وينج

خالد؛ انجب ولك اخ يمه گايليلك احنه اطلع بنص الليل وارجعنة مضروب
محمد؛ خالد اطي مجال خل يصحه ونفهم منه
سجاد؛ بقينة گاعدين يمه وكل شوي تجي دكتورة تطمن عليه منا إلا أن فكه البنج
جبر؛ بوية علاء عزيزي. شبيك شوصلك لهاي الحاله
علاء؛ يابه اريد احجي بس خاف الولد يضربوني
محسن؛ شحدة الي يمدة ايدة عليك اكسرها والله احجي
علاء؛ اني عندي شغل مو قانوني جاي اشتغل بي
والبارحة استلمت فلوسي من الشغل جنه والكفين اني وأيمن والفلوس عندي بقينه للصبح سهرانين بسبب الشغل الصبح ايمن اختلف عليه اتصل على صديقه وهددني بالسلاح انو انطي الفلوس رفضت انطيهن اله ضربني ابطلقه واخذ الجنطة وراح وبعد عرفتو الي صار
خالد؛ وشنو هذا شغلك
علاء؛ شغل هوا شغل
محمد؛ ولك احجي لا اكتلك هنا والله العضيم
علاء؛ شغلي اوصل مخدرات للي يشترون اني اروح اوصلهن الهم
سجاد؛ لا يا جلب عل أقل احترمي اني گاعد ضابط بمكافحه المخدرات وتاليها يطلع اخوي يوزع مخدرات اني الك علاء وحق علي اذا ما كسرتك تكسر
علاء؛ ها يابه شحجينة احنه
خالد؛ ولك شحجيت هسة حته الولد منگدر نحگة عشائرياً شنگلة رجلع فلوس ابنه الجايبهن من شغل المخدرات
_____________
مر اسبوع ع نفس الوضع ما ادغير شي علاء صار زين وطلع من المستشفى
باجر أربعين مؤيد بدينه نحضر علمود انروح للنجف
الساعه 11:30 بليل حضرن العائلة واجو عمام ابوي اتحضرت ٥ كوسترات علمود نطلع صعدت بدلت جاي البس بجواريب وانفتح الباب ودخلت......
______________
بدينه نحضر للأربعين مال ابنهم شغل گعدوني بـ7 الصبح طبخنه خلصنه طبخ الغدة عبالك قبيله مو عائله شگد بهاي الفترة قوة علاقتي بـ سالي بكلشي توگفلي خطية ردنة نطبخ علمود ياخذو وياهم بس سجاد مقبل گال عود تاكلون بالمطعم رايحين للگبور تاخذن وياجن جدورة خلص اليوم صارت ساعة ١١ بدو يجهزون حته يرحون للنجف رحت الـ سالي
بنين؛ سالي فدوة اخذوني وياكم اريد أزور امي الله يخليج
سالي؛ والله العضيم مابيدي شي اني لو عليه جان اخذتج بس اكيد كلها راح تعارض بس تعالي صدگ روحي گلي الـ سجاد يجوز يقبل
بنين؛ اخاف منه ماروحله
سالي؛ يمعودة روحي راح ياكلج مثلآ اذا گال لا اگعدي واسكتي واذا گال اي تجين ويانه امشي گليله
بنين؛ صعدت فوگ واني ارجف وگفت گبال غرفته وي ما جاي ادگ الباب فاتت رسل من يمي وبقت تباوع ردت احرگ گلبها فتحت الباب ودخلت وگلت سجودي خلصت
سجاد؛ فاتت عليه بنين وصيح سجودي خلصت
شسوين هنا وشلون ادخل...
بنين؛ حطيت أيدي ع حلگة اششش رسل هنا
سجاد؛ ضليت اباوع عليها وخرت ايدها انتي شلون اتمدين أيدج عليه شتردين وشعليج بـ رسل
بنين؛ مو اريد احرگ گلبها لأن گلتلي ما اخلي سجاد الج
سجاد؛ بقيت اباوع عليها هاي شتحجي بابه عوفي هل تمسلت شتردين جايتني
بنين؛ ها الله يوفقك ويستر عليك اريد منك طلب
بس لا تردني
سجاد؛ احجي شتردين
بنين؛ اريد اروح وياكم للنجف أزور امي والله العضيم صارلي 7 سنوات مزايرتها وكلش مشتاقه الها
سجاد؛ لا مترحين
بنين؛ فدوة والله العضيم ما اسيبكم اي مشاكل اگعد واسكت
سجاد؛ وين ادگعدين ماكو مكان
بنين؛ ابقه واگفة بس اخذوني
سجاد؛ مترحين يله اطلعي من الغرفه اريد اقفلها
بنين؛ الله يخليك داخله عليك اخذني وياك بقيت اتوسل بي ونزلت ع رجلي بستها
سجاد؛ نزلت اتبوس برجلية بس أثرت عليه من گلتلي داخله عليك ماشي ترحين بس اذا سمعت منج حرف ادفنج بنجف وارجع
بنين؛ اي والله كلشي ما اسوي بس اخذني
سجاد؛ گدامج ١٠ دقايق بدلي وانتضري يم سالي
بس عادي البس بوشيه لأن ما احب اطلع هيج
سجاد؛ ماشي مو مشكله
نزلت اركض گلت الَـ سالي قبل اروح بعد ما حته رجله بستها
سالي؛ يله استعجلي واي وحدة تحجي وياج لتردين عليها
سجاد؛ عجبتني من رادت تلبس بوشية احب المرة المستورة بنين الحلو بيها عيونها كبار ورموشها صايرات فوگ حاجيها شكلها كلش حلو كل معانيها ناعمه والي ميز وجها غمازاتها وخشمها الناعم بس عاجبني اخربه الها بس كلشي بوقته حلو
نزلت ولگيت عمتي اسيل و بُنية يتعاركن ويه سالي سجاد؛ ها ها ها شكو
اسيل؛ هاي الگحـ. ـبة المن جايه ويانه تتشمت بـ مؤيد
سجاد؛ عمه گولي يالله تريد أزور امها
اسيل؛ والله العضيم ماتجي او لو اني لو هية
بنين؛ بقيت اباوع ع سجاد وبجيت خفت لا يرجعني
سجاد؛ عمه الله يخليج خلينه انروح ونرجع بسلامه طلعن النسوان واني نزلت نقابي وطلعت ويه سالي صعدت يمها
محمد؛ سجاد هاي منو الي مبوشه
سجاد؛ صخام الي ورطتوني بيها
محمد؛ 🙂👀
سجاد؛شبيك محمد رحمه للكعبه
خالد؛ هاي سجاد مبوش مرتك اي والله الشهادة لله البت حلوة حقك تغار عليها
سجاد؛ شبيكم والله العضيم مصختوها ترة ارجعها والله
خالد؛ لا بويه وين ترجعها
بنين؛ طول الطريق اني اسمع حجي عليه و عله اهلي واني بس ساكته بس ابجي بدون صوت لأن صدگ انهضمت بعد 5 ساعات وصلنه بس اتكسرت من السيارة بدو ينزلون الرياجيل انوب احنه نزلنه
دخلنه للتفتيش علمود انزول الأمام علي
دخلنه للحضرة وگفت اگبال الأمام علي عليه السلام رفعت البوشيه من وجهي وگعدت بالگاع وبقيت ابجي
بنين؛ ها يا علي انت مو كافل اليتيم واني يتيمه وأهلي اتبرو مني دخيلك يا علي اكفلني وحق عزيزك الحسين تعبت تحملت هواي وبعد ماعندي طاقه تحمل وينك ياعلي بجاهك يا أمير المؤمنين توگفلي وتكفلني وتشملني برعايتك
سجاد؛ گعدت بالگاع وضلت اتصرخ وتبجي والعالم تباوع عليها شكلها يلفت النضر ردت اروح اگومها محمد گلي عوفها مختنگه خلها اطفي نار گلبها بالبجي
ضليت الوب بسببها كله ضلت تباوع عليها
سالي؛ گومي بنين كافي بجي مايصير هيج
بنين؛ ولج والله العضيم تعبت اريد اموت ماكو واحد يمي اشكله همي اريد امي تعبت خلصت عمري وحدي لا عندي اخت لا اخ يدافعلي لا امي اشكيلها همي وين اروح فهميني وين اريد اموت واخلص
سالي؛ يله گومي خل ندخل انزور وصلي جوة
سجاد؛ اخذتها سالي وراحت احنه دخلنه زرنه وصلينه جوة
وبعدها طلعنه علمود نروح نزور مؤيد
صعدنا بالكوسترات وتوجهنا القبر مؤيد بقت النسوان گاعدة وتبجي يمه احنه وگفنه ع صفحة بدة يطر الفجر وبنين گاعدة بالگاع وتبجي مدري عليمن
جبر؛ سجاد بوية هاي البت مو تريد أزور امها وديها الها
سجاد؛ امج وين مدفونه اوديج الها
بنين؛ بالفتحه........ هناك مدفونه
سجاد؛ يله يخلصون ونروح
خلصن النسوان ورحنه زرنا وابو يبجي ويخزر بيه اني كاتله بله شعليه
غسلنه القبر وقرينالة قرآن ورحنه لقبر امي
قريب ع قبر ام بنين
سجاد؛ اني شفت قبر امي وفقدت عبالك البارحه ميته ضليت ابجي وسالي يمي تبجي وسجى أجت يم سالي تبجي سمعت صوت بنيه تبجي عرفتها بنين

بنين؛ شفت قبر امي قريب ع قبر ام سالي
بنين؛ اوف يمه اطلعيلي يمه اني انذليت بغيابج يمه والله تعبت اريدج يمي لو تاخذيني وياج ولج يمه بتج انهضمت ونذلت شوفي ابوي شسوه بيه يمه تعالي البنتج حطيها بحضنج يمه حته حجابي نزعته وضليت الطم ع وجهي واصرخ يممممممه تعالي يمه والله تعبت يممممه وين اروح منو يريدني حته اخ ماعندي يفزعلي يمه أجت زينه ومحمد يمي
محمد؛ گومي خويه خلي عينج بعين الله
زينه؛ يله حبيبتي مايصير هيج اسوين بنفسج
بنين؛ ولكم والله محتاجه امي يمي اني اصغيرة بعدني اريد ام يمي اريدها تعلمني تفهمني ع حيات ليش عافتني وحدي وين اروح منو الي اني هنا وحدي الله لا يوفقك يا يابه ع هاي عملتك مسلمتك بيد العباس مثل ما بهذلتني يبهذلك
سجاد؛ انقهرت عليها وعله نفسي لبستها زينه حجابها شعرها طويل حته ماعرفت زينه اتلمة الها لبستها الحجاب وهاي ترجع اذب الحجاب وتلطم ع وجها رحت يمها يله كافي گومي انريد نرجع گامت لبست الحجاب والعباية وگفت صارت بصفي باوعت ع قبر امها حسيتها تعاتبني ادگلي دير بالك عليها اخذتها ورحت صعدنه بالكوسترات ورجعنه للبيت الساعه 10 الصبح اول مدخلت للبيت لگيت..........

انتضرو البارت الـ 7

تفاعلو علمود التنزيل اسوي يومي

للكاتبة ازل حسين ❤️🌹