ثأري وذات الرموش

Part 22✨

             ( بِسْمِ اللَّـهِ الرَّحْمَـٰنِ الرَّحِيمِ )

ذبحني ومابرد
مثل بجثتي وراح ومن
غبشه اجى ملثم بلجنازه
ولطم ويه البجو ويصيح
راح الجنت اعزه وعازتة عازة

إن لم تجاهد لأجل وضع تحبه ستجاهد أضعاف حتى تتأقلم مع وضع لا تحبه، وأنه لا ينفع البحث عن حلول في وقت متأخر لأن العطار لن يصلح ما أفسده الدهر.

بنين؛ يمه شهل رعب صارت عندي رجفه سجى گاعده بنصهم عبايتها كلها تراب وشالها واگع منها ورجليها حافيه والولد ملتمين عليها وابوها گاعد ومخلي اديه ع راسها

حاتم؛ والله حرام تبقين عايشه يومية الج سالفه احنه ماعرفنه نربيج

بنين؛ سالي خطيه گليلهم ملگيت الصوندة

سالي؛ يدورها ويكتلني بيها عوفيني

حازم؛ عمو فهميني انتي ليش هيج سويتي مو احنه هنا نحبج ومدلليجن تردين تخلين روسنه بالخرـا

سجى؛ عمو والله ماعرف شلون طلعت بدون وعي والله

بنين؛ خطيه منضرها يقهر جاي تحچي ويه عمها ولزمها حاتم من شعرها يمه شبعها بوكسات

بُنية؛ هسة هيج احسلج گاعده وبينه ليش هيج فضحتينا

سجاد؛ عوفوها شيل ايدك عنها

محمد؛ ها سجاد هم تخليها يمك مثل هذاك اليوم وهل هاي گدامك كسرت كلمة وسوت الأقوة بعد

جبر؛ ولج بويه الله لا يرضه عليج يبستي حلگي شمسوي يم الله وهيج بتي تريد تنزل راسي شگول لأبوي هسة من يجي

سجاد؛ يله بويه كلمن يروح الغرفته خلونة احنه نحاسبها يله هدى حياة زينه يله فوگ مريم اصعدي لغرفتج

مريم؛ سجاد راح اصعد ويه البنات اني وسالي وبنين

سجاد؛ لا انتي اختها نص الحصة الج خليجن

بنين؛ يمه بقيت اباوع بعيوني

حاتم؛ محمد جيبها بلأستقبال مخليها بنص البيت متباهين بيها

بنين؛ اخذوها وراحو

سجاد؛ وين صفنتي امشي گدامي

بنين؛ ليش اني شسوي يمكم جايه باوع عليه وعيونه تريد تطلع منها شرار وطگ عنده شريان بگصته شيريد مني هية غير سجى نهزمت

سجاد؛ امشي گدامي لا افلش وجهج

بنين؛ يله ماشيه خرب يومج سجى راح انكتل من وراج دخلنة بلأستقبال وهية گاعده بالگاع وكافه رجليها گعدت يمها اني ولبنات

حاتم؛ سجاد يعني شمنتضر اكتلها اليوم شردت باجر شسوي

جلال؛ لا خويه نروح ننفضح بين العالم والله كتلو بتهم....