ثأري وذات الرموش

Part 19✨

مرحبا حبايب قلبي نكمل وياكم البارت الـ 19

مشكله
من لـم غـراضه وشـال مـا عاونيـتـه!
جنت الم حيلي الطاح هل ما إجيته

‏وشعلامك زمزم عيونك يريتة
بوكت بي يبجي المزعلك
يريتة
بچيت وگلبي من عرگة يريته
وشطت شوطة يتيمه
بمغربية.............

محمد؛ شفت حاتم شلون سجاد ادغير هاي اذا تعرف مريم اصير مشاكل
حاتم؛ والله يا اخي ماعرف شحجي
سجاد؛ بنين أني بعدني محتاجج لا تعوفيني گومي.
سالي؛كافي سجاد شوف شصار بحالك
سجاد؛ ما أگدر سالي والله تعلمت عليها أريدها يمي
سالي؛ يله سجاد گوم خل انطلعها للبيت
سجاد؛ يله محمد وين خل يجيب السياره يم الباب
محمد؛ يله وينك سجاد
سجاد؛ حضرت السياره
محمد؛ نرجع بسياره جلال
سجاد؛ يله شلت بنين وسالي اجتي وراي خليتها بسياره واني وسالي صعدنه يمها ورجعنه للبيت أثناء الطريق بنين بقت اتون
سجاد؛ محمد اوگف السيارة بنين ماعرف شبيها
بنين بنين اسمعيني
سالي؛ عدكم اهنا مي بالسياره
جلال؛ اي هاج هذا مي
سالي؛ غسلت وجها وبدت اشوي تصحه تحجي كلام ممفهوم.
بنين؛سجاد اااخ راسي وينك سجاد
سجاد؛ موجود يمج اني بنين افتحي عيونج
بنين؛ سجاد لا تروح خليك يمي.
سجاد؛ يمج اني بنين ماعوفج بس انتي اگعدي
بنين؛ سجاد خلي اگعد اريد اتقيئ
سجاد؛ نزلتها من السياره وتقيئت غسلت وجها واديها ورجعته للسياره بننين اويدج للمستشفى بيج شي
بنين؛ لا ماريد اروح اريد ابقه يمك. لتعوفني
سجاد؛حضنتها وگتلها وعد ماعوفج بس صيري قويه
محمد؛ اطمنه عليها وشغلت السياره ورجعت البيت
سجاد؛ وصلنه للبيت ونزلت بنين وسالي وياي متجيه الها اول مدخلنه اجتي خاله ام خالد والبنات
بُنية؛ ها شبيها البنيه
سالي؛ خاله بنين كلش تعبانه
سجى؛ مابيها غير العافيه
سجاد؛ دخلتها للصاله خطيه البنات كلهن اجني يمها واني راحت روحي عليها
محمد؛ زينه سوي شي خل ناكل تره ميت جوع
خالد؛ ها خويه حمدلله على السلامه
بننين؛ الله يسلمك
حاتم؛ مابيج غير العافيه
بنين؛ الله يعافيك
مريم؛ شلون صارت الحلوة
بنين؛ عفيه ترة مالي خلگج
مريم؛ هية خربانه خربانه شوي تعاي
بنين؛ اشو هاي جيتت عليه وبقت اتملخ بيه وتفشر
مريم؛ ولج گحبه صاقطه تاخذين سجاد مني منو انتي كلج خلگ فصليه
سجاد؛ مريم وخري عنها اني شحجيت وياج
مريم؛ شوف سجاد لو اني ابقه ع ذمتك لو هية
سجاد؛ بابا انتي شتحجين شبيج
مريم؛ سجاد اني الي عندي حجيته لو اني ابقه ع ذمتك لو هية عفتهم وصعدت فوگ
بنين؛ عابتلها شلون تضرب
محمد؛ سجاد تعال شويه
سجاد؛ ها محمد
محمد؛ سجاد انت شنو تريد بالضبط
سجاد؛ شريد خويه غير هنة ثنينهن نسواني.
محمد؛ اعرف بس مريم متريد بنين وهذا الشي حقها تغار عليك
سجاد؛ شنو بكيفها متريد بنين عجبها عجبها ما عجبها تولي لاهلها
محمد؛ سجاد هوا شنو لعب البنيه مصار لها شهر هنا وتريد اطلگها
سجاد؛ خويه اني العندي حجيته مو اول واحد اني ازوج ثنين
خالد؛ خويه لا تمشي بحجي النسوان مريم شنو جايه تحكم طلگها ماعجبها وديها الأهلها من عين باجر ازوجك احلا مرة
حاتم؛ خويه اخذ مرتك واصعد هسة ايصعدولك عشة وان شاء الله خير باجر نتفاهم بهذا الموضوع
سجاد؛ اخذت بننين وصعدت فوگ دخلتها للغرفه بنين يوجعج شي بيج شي
بنين؛ لا سجاد مابيه شي بس انت خليك هنا لتروح
سجاد؛ ماروح باقي يمج
بنين؛ ليش طلعت وعفتني
سجاد؛ ليش مو انتي طردتيني من حضنج
بنين؛ وانت اسويها صدگ وتطلع حته من البيت
سجاد؛ اسف
بنين؛ سجاد اني
سجاد؛ شبيج
بنين؛ أحبك
سجاد؛ گمت وگفت ع حيلي حسيت النفس قل بصدري بقيت افتر بالغرفه ورجعت وحضنتها كل قوتي
سجاد؛ تدرين جنت منتضر هاي الكلمه منج اووووف يا بويه هيج وطلعتي تحبيني
بنين؛ وانت
سجاد؛ انه العاشق الولهان انه الصابر المكسور
انه ذاك الينتضر كلمه منك انه ذاك اليحب رمشك عيونك والشفايف انه ذاك اليسهر يناضر عيونك
انه احبج واحب كل تفاصيلج بنين
بنين؛ حضنته وماعرف ليش خفت
سجاد تعرف اول مرة اكون بحضنك وخايفه
سجاد؛ ليش خايفه يروحي
بنين؛ ماعرف بس احس راح يصير شي
سجاد؛ ماكو شي لا تخافين اني يمج.
الباب جاي يندگ اشوفه منو
سجى؛ هذا عشه الكم ومن تخلصون جدي ايريدكم جوة
سجاد؛ ماشي حبيبتي هسة. نخلص وننزل
اخذت الصينيه وگعدنه ناكل بس اباع ع بنين متاكل ماعرف شبيها
خلصت اني اكل وهية. بس شافتني گمت هية هم وخرت من الصينيه
سجاد؛ يله تعالي خل اشوف جدي شنو ايريد
نزلنه وسلمت ع جدي وابوي جانت العائله كلها موجودة گعدت ع تخم يم محمد وبنين راحت للمطبخ
سجاد؛ ها جدي خير
محسن؛ شكو شبيك انت ومرتك.
سجاد؛ مابيه شي ليش واصلك شي انت
ابو خالد؛ بويه انت ماجاي تعدل بين نسوانك
سجاد؛ ليش أجت وحدة اشتكت الكم مني جدي الله بالخير اني ونسواني لحد يدخل
مريم؛ هوا شنو لحد يدخل اني گتلك لو اني لو الفصليه ع ذمتك
سجاد؛ مريم سدي حلگج لا اسحل بيج البيت
محمد؛ گول يالله يخوي اطينه حل خل نخلص من المشاكل
ابو خالد؛ بويه انت ياهي الي تريدها وتحبها
سجاد؛ يابه اني مريم زوجتي وبنين زوجتي يعني شلون اعوف هاي علمود هاي مايصير مريم اني هذا الي عندي ميعحبج روحي الله وياج.
مريم؛ يعني هيج سجاد ولحب الي بينه ٣ سنين وين راح سجاد هاي بت الكلب اتغيرك عليه
محسن؛ سجاد اني عندي حل يرضى الجميع
سجاد؛ شنو جدي حل شنو اني اعرف وين تردون توصلون بس الي ابالكم ميصير
محسن؛ گول يالله جدي واسمعني انت تحب هاي البت وهية زوجتك گدام العالم وأهلها خوش ناس واجاويد انت تبقيها ع ذمتك وذيج اطلگها ويعقد عليها...........

انتضورنا البارت الـ 20
الكاتبه أزل حسين❤️🌹