ثأري وذات الرموش

part 3✨

______________________
يله نبدي part 3_
____________
مشتاگ يمـه لدفعت أيدج للباب"
الغربه يمـة وفرگتج اذوني"
يايمـة گمت اكل وغصن بالزاد"
حنضل يايمـة الزاد الي بماعوني"
يايمـة ساعات الغرب جنها سنين"
يعينها الله عله التشيله متوني"
اگعد واجامل وبتسم بس جذاب"
للشمت بيه شعندي غير سنوني"
محتاج ابوس الأيد والخد والراس"
ويحني رجلج كون دمع عيوني"

.

__________________
توجهت للمخزن وفتحت الباب........
لگيتها نازعة العبايه مالتهة ومتمددة بالگاع ومدغطيه بالعبايه اتقربت عليها رفعت العباء من وجهة باوعت ع شكلها
أستغفر الله العظيم واتوب اليه راح اطلع كل غصة غصيتها ع امي بيج الصباح رباح والله كريم
عفتها وطلعت
بنين؛ بعد ما اخذني للمخزن وسد الباب عليه سمعت صوت صياح صار كلش خفت من الي منتضرني گلت هم يجي يوم واطلع منا اني بعدني الي ساعات هنا وافكر شوكت اطلع شلون اذا شفت اسلوبهم وياي وتعاملهم وينك كرار تعال اخذني
تعبت من التفكير والقلق والخوف نزعت عباتي ونمت
﮼بنـཻـيـטּ؛ گعدت الصبح ع صوت واحد يفتح الباب
جان طلعت بنيه عمرها يجي بالـ20
لمى؛ بسببكم انتو الي كتلتو مؤيد
جرتني من شعري طلعتني بالصاله اضرب بيه اني مابيه حيل اشيل أيدي منا كتلت ابوي وعمي وصارلي يومين مماكله شي واجت وياها وحده اسمها رسل اخذتي سجاد اخذتي حب حياتي مني والله اليوم اموتج اني بقيت بس اصرخ وهنة موتني قضن بيه التوبه سمعت صوت زلم اصيح عوفنها
سحبتني منهن بنيه
لمى؛ سالي عوفيها ولا تدخلين
سالي؛ هوا شنو هيج هية تنحل اول شي البنيه مرت اخوي سجاد ثاني شي هية شدخلها بموتت مؤيد
رسل؛ لا مو مرت سجاد هاي مجرد فصليه وخادمه هنا
لمى؛ سالي اطينياها لا والله العضيم هسة اموتها هنا خليني ابرد گلبي بيها
خالد؛ الله واكبر عليجن من الصبح مشاكل شكووووو ماتخلص مشاكلجن
بُنية؛ دام سجاد موجود شيحلها المشاكل انوب جابلنه فصليه
﮼بنـཻـيـטּ؛ بنص الهوسة سمعت صوت رجال مبين جبير بالعمر
جدهم محسن؛ شكو شبيكم بس النسوان تتصارخ
سالي؛ جدو هاي لمى و رسل دخلن للبنيه ملخنها هية شنو ذنبها شعليها اذا ابوها عمل عملته وراح
محسن؛ انتي خليج ع جنب بعد جدج لمى و رسل تعال جداَمي
رسل لمى؛ حاضر جدي امرك
محسن؛ شنو شكو
لمى؛ جدو بسببهم راح مؤيد واحنه نجهز العرسنه متهنيت بي بسببهم راح حب حياتي جدي
محسن؛ ولج لمى هذا حكم ربج تعترضين علي
لمى؛ لا ما اعترض عليه وعمتي سميه هم حكم ربي لو فعلت ابوها المجرم
بنين؛ اني بس اسمع وابجي بدون صوت
محسن؛ عرفن هاي الأمور احنه نحلها وكلمن تروح الشغله والخلق الخلق اذا سمعت صوت اعلگجن ع حايط يلللله امشجن من جدامي
بنين؛ بعد الرزاله الي كنه سمعناها اخذتني هاي البنيه الي اسمها سالي للحمام غسلت ورتبت شعري وطلعت
سالي؛ تعالي هنا
بنين؛ والله العضيم اني مالي دخل بالي صار كله
سالي؛ شوفي بسبب ابوج اني واخوي نحرمنه من امي اني ما الومج انتي بس الوم الوكت الي خلاني هيج انذل
بنين؛ لا ليش تنذلين ما عاش الي يذلج وانتي عندج هيج اهل
سالي؛ ههههه لا عيني اني ماعندي احد غير سجاد صح اخواني من ابوي ٤ وثنين بنات بس ولا محسسيني انوهمه اخوتي بس محمد هاه شويه عوفج من هذا كله شوفي بنين معليج بأي وحده هنا اني اگلج هيج مو حباً بيج بس تعبنه من لمشاكل وشگد متگدرين ابعدي عن سجاد صح هسة هوا زوجج بس لا تتقربين يمه
يله غيري ملابسج وتعاي شتغلي ويانه
بنين؛ عافتني وطلعت اني شعليه بسجاد هذا اول يوم هيج صار بيه الي جايني اقوه واعضم يارب وكلت أمري الك
دورت ع جنطتي ماكو لفيت حجابي عدل وطلعت اول ما طلعت صار بوجهي واحد
اسمر و طويل وضخم خفت منه تراجعت ليورة
________
سجاد گعدت الصبح ع صوت صياح البنات لبست دشداشتي وطلعت من الغرفه اباوع ع صاله من الدرج شفت رسل و لمى لازمات البنيه ويكتلن بيها عفتهن ودخلت دخنت جگاير واگلب بجهازي شفتها صارت هدوء يله نزلت اول ما نزلت صارت بوجهي بقيت اباوع عليها واني افكر بيا طريقه احرگ گلب ابوها بيها استغفرت ربي وطلعت للصاله
گعدت العائله كلها ع سفرت الريوگ وكلمن عيونه تحجي شكل بنص اهلي واحسن روحي گاعد بغابه كلها تلوم بيه بـ عيونها
اجن البنات يجيبن الاكل وگعدن اخر شي أجت هية جايبه صينيه الجاي صارت وگفتها فوگ رسل مباشرتاً
بحركة وحدة من رسل گلبتها هية والصينيه
بنين؛ ودن البنات الريوگ عبالك قبيلة كامله مو عائلة ترسو الصاله بقه بس الجاي هوا والستكاين جاي اودي الهم جان رسل تسحب رجلي واني منا مخورة من الضرب وگعت اني وصينيه بالگاع الجاي انگلب ع ملابسي وحترگ كل جسمي
بُنية؛ شوف شلون گلبت الجاي من كون الغسل اليغسلج
بنين؛ وجعة التوجعج اني متقصده غير هاي القردة سحبت رجلي طبعآ هذا الكلام احجي بگلبي واني ميته وجع
اجتي وحدة اسمها زينه واحد من الگاعدين گللها گومي شوفيها شبيها
والعشيرة الي گاعده محد گلي اسم الله عليج
اجتي يمي
زينه؛ گومي روحي غسلي اني راح انضف الهوسة هاي
اخذت الفوري ورجعت للمطبخ
سويت جاي من جديد وغسلت اديه بس رجليه موتني من الحرگ وايدي موتتني عبالك تيزاب مو جاي.
بقيت گاعده بالمطبخ محد تعب نفسه وگلي تعالي ازقنبي كون سم ابطنكم واني ميته من الجوع وانتو تاكلون
گمت طفيت الجاي وعدلت حجابي جاي اطلع من المطبخ وشفت نفس الولد هم بس يخزر بيه تقرب من يمي وگلي..........
_______
بقت واگعه بالگاع وعيونها كلها دموع ولازمه ايدها وتهفي عليها من الحرگ گامت زينه الها اخذت لمن الگزاز وراحت اني خلصت ريوگ وگمت اريد اغسل اتقصدت ادخل للمطبخ شفتها شايله القوري بيدها تقربت عليها وگتلها من اليوم بده عذابج هنا
_____________

انتضرو البارت الـ 4

ادعمو القصه علمود انزل اسرع

للكاتبه ازل حسين🌹❤️