الصياد فريسة

1

فادي بحكي..

طالع من الحمام بإستعجال..

مشيت بخطوات واسعة لي التوليت وانا بنشف في شعري..

جدعتا المنشفة وفتحتا علبة الچل الرجالي..

ختيت منها في يديني وفركتهم مع بعض وعملتو في شعري..

شلتا الفرشة و وزعتا بيها الچل..

عاينتا لي نفسي بي رِضا..

ولبستا قميصي سرعة سرعة..

رشيت عطري وشلتا ساعتي في يدي..

مشيت علي السرير الهي راقدة فيه..

قلتا ليها وانا بلبس في ساعتي:حبيبي..صباح الخير

حركت لي راسها واتلفتت علي الجهة التانية..

لبستا ساعتي..

شلتا مفاتيحي و ولاعتي وعلبة السجاير..

جيت اشيل تلفوني من جنب تلفونها لاحظتا لي تلفونها بكنتِك..

دستا مفتاح البور..

لقيت مكالمة فائتة..

ختيت اصبعي مِحل البصمة عشان يفتح واشوف المكالمة من منو..

ابا يفتح..

صلحتا اصبعي..

برضو ابا..

معناها مسحت بصمتي..

اتنهدتا وختيت تلفونها..

مشيت عليها تاني..

قعدتا في طرف السرير..

رجعتا ليها شعرها ورا اضانها:حبيبي

حركت وشها..

عاينت لي وابتسمت:صباح الخير

ابتسمتا ليها:صباحك ورد..قومي عشان م تتأخري علي شغلك

استعدلت رقدتها:شكلي م ح امشي الليلة..عايزة الاقي هند صحبتي

حركتا ليها راسي:حلو لاقيها وتعالي بيتنا الكبير..عشان عيد ميلاد تالا..اوكيه؟!

حركت راسها:اوكيه

بستا راسها وطلعتا مُستعجل..

ابتسامتي بدت تختفي تدريجياً..

فتحتا باب عربيتي وركبتا..

اتنهدتا..

استغفر ربك ي فادي..

م تخلي شكوكك ترجع تسيطر عليك..

علي كد قفلتا الموضوع واتحركتا بي عربيتي..

قضيت يومي عادي..

لحدي الساعة 3 ونص كد مع نهاية الدوام..

وانا طالع..