الصياد فريسة

17

قضيت الليل كلو ماشي وجاي في الصالة..

د منو الم قادر ينساها د؟؟..

وداير يلاقيها لي شنو اصلا..

كمان بقول ليها ح انتظرك في الكافيه البنمشيه دايما..

يعني لاقيتو كتير شكلها..

وكمان الساعة 11 يعني قعد تلاقيه وقت دوامها..

انا لازم اعرف د منو وعايز منها شنو..

لكين ح اعرف الكافيه كيف؟!..

لاازم اعرفو..

م وعيت علي نفسي الا بصوت اذان الصبح..

اتوضيت وطلعتا اصليه في المسجد..

صليتو وقعدتا اسبح واستغفر..

حسيت نفسي هديت شوية..

دقستا شوية صحيت بعد الشمس شرقت..

صحيت مخلوع واتحركتا على البيت..

وصلتا الشقة لقيت اني م شايل مفتاحي اصلا..

اتأفأفتا ودقيت الجرس..

جات فتحت لي وهي مستغربة:فادي؟!..كنتا وين انت؟!

خشيت من غير ما ارد ليها..

جات بوراي:طبعا من صحيت بفتش فيك..كنتا قايلاك طلعتا الشغل لكين شفتا مفاتيحك وحاجاتك قاعدين

م رديت ليها ودخلتا الحمام..

لمن جيت طالع لقيتها واقفة قدام المراية وبتعمل في الماسكرا..

عاينت لي بالمراية:عملتا ليك قهوتك وكبيتها..اشربها قبل تبرد..انا ح اطلع طوالي لأنو الليلة شغلي كتير

ابتسمتا بالجنبة باستهزاء..

هه وعندك مشوار مهم برضو..

اتعطرت وشالت شنطتها وجات علي..

انا كنتا بزرر في قميصي..

دايرة تبوسني كد زحيت وشي منها..

قالت:انت كويس؟؟

حركتا ليها راسي نظام اي واتحركتا على جزمتي..

لبستها ومشيت اعمل الچل..

عاينت لي مساافة..

انا كنتا شايفها وعامل رايح..

طلعت..

لويت خشمي واتعطرتا..

شلتا مفاتيحي وعلبة السجارة والولاعة..

وقفتا جنب التربيزة الفيها القهوة..

عاينتا لي كباية القهوة مسااافة..

وضربتها بي يدي..

ريانة جات جارية من برا..

اتخلعتا لمن لقيتها لسه م طلعت..