لمن رجعتا البيت وزبطتا اموري لقيت نفسي لا اراديا برسل ليها
"مسا مسا🙂"
كانت م داخلة..
انتظرتها قريب ال 15 دقيقة وم دخلت رغم انو الرسالة وصلت تلفونها..
جدعتا التلفون لمن الحجة نادتني..
مشيت شفتها عايزة شنو وعملتا لي جنبة وجيت راجع..
لقيتها ردت قبل 6 دقايق
"يسعدو🙂"
قريت الرسايل وطوالي رسلتا
"وصلتي كيف؟!"
"ناس بيتكم شاكلوك؟!"
ردت
"حمدلله وصلتا كويسة"
لاحظتا انها اتجاوزت السؤال بتاع ناس بيتهم..
وانا اتجاوزتا تجاوزها د..
رسلتا ليها
"بكرة م حددو البروفة ح تبدا كم"
ردت
"مها قالت ح تشوف وح تورينا"
رسلتا
"بِيس"
ردت
"؟!!!"
ضحكتا ورسلتا
"يعني زابط😂"
قالت
"اهاا😂😂"
وبقينا نتونس لحدي بعد 12..
بعداك كل واحد مشا ينوم..
تاني يوم الصباح مها رسلت لينا ف القروب
"شباب ادونا بطاقة وح نقدر نتدرب في قاعة المعرض و مواعيدنا ح تكون من 4 لي 5 م وباقي اليوم ح يتوزع علي باقي المتسابقين"
.
اتنهدتا..
ح نتدرب مسا يعني..
زي الضهر كد لقيت ريانة اونلاين
رسلتا ليها
"صباح الخير🧡"
ردت بعد دقيقة
"يسعدو"
رسلتا
"التدريب ح يكون 4 مسا"
رسلت لي
"اي اي شفتا رسايل مها"
سألتها
"ناس بيتكم م ح يكون عندهم مشكلة؟!"
قرت الرسالة وقعدت مساافة تاني ردت
"انت مالك مركز مع ناس بيتنا ديل كد؟!😂"
رسلتا ليها
"يعني..ولد سوداني وعارف تحفظات الاهالي وكد"
ردت
"ولد سوداني متحفظ؟!🌚"
رديت
