#حارس الملاك في دروب الهلاك عيونها
تقدمت ملاك لمهيار وتحاول تقوي نفسها وتناظر لعيونه وقفت أمامه
ملاك : ليه جاي
مهيار: أبوك قال لي أضل معك لأنك رجعتي للدوام
ملاك : اها يعني كنت مطول
قاطع حديثهم مُعاذ وبيده باقة التوليب
معاذ :شكلي تأخرت
ملاك وهيه تحت ذراع معاذ : لا ما تأخرت تعزمني على كوفي
معاذ : اكيد وانا ماعندي غير ملاك وحده
ملاك : أيوا صح بس تتزوج بيتغير كلامك
معاذ ناظر لمهيار: تقدر ترجع للبيت برجعها انا
وتوجهو معاذ وملاك يركبون السياره ومهيار عصب وركب سيارته وتوجهه يأخذ ميار من الجامعه
ملاك في السياره وهي تختار الاغنيه
: كيف كان شغلك
معاذ : زين الحمدلله
ملاك : الحمدالله ، معاذ أبي أسألك عن حاجه
معاذ : أسألي
ملاك : أبيك تتحرى عن مهيار
معاذ قطب حواجبه بأستغراب: ليه مهيار سوى لك شي علميني لأكسر أم راسه !!
ملاك : لا انت فهمتني غلط يعني أبي أعرف كيف وضعهم المادي وأهله وين يعيشو اهله
معاذ : طيب بشوف لك وبعلمك
ملاك : شكرا معاذ تدري أني أحبك صح
معاذ : أكيد ادري ؛تطلبين وله تدخلين الكوفي
ملاك : أطلب ماعليه تأخرت أصلن
معاذ طلب لها V60 ولانه هو مايحب القهوه ماطلب له
معاذ : مشغوله يعني
ملاك : أيوا كثير اهلمت الشركه وبالمرة أنضغطت بفتح براند سكرابات بس محتاره أحط المجموعه بالقهوه او بالورد يعني زي التوليب وكذا
معاذ : على حسب خبرتي في السوشل ميديا انه القهوه فيه كثير ومتوفره في أغلب الأماكن حتى اي واحد يقدر يصنعه في البيت تبين تأخذين شوري حجي مجموعة الورد و مجموعه ثانيه بالفواكه عجيب وربي ياملاك رح تصيري ترند
ضحكت ملاك هيه تشوف كيف يساعدها ومره قريب منها : طيب بشتغل على يلي قلته لي بس فيه عندي نقص عمال
معاذ : شوفي كيان بتساعدك في هذا الموضوع
وصلت قهوة ملاك وتوجهو للقصر
عند ميار في جامعه
كانت تنتظر مهيار يجي يأخذها وكانت تتصل عليه ومايرد تأفتت لأنه الشمس كانت قويه لفت تسمع أحد ينادي بأسمها
ريم تكون بنت خال ميار وكانت معجبة في مهيار ومن لما كانو صغار يقولو لهم أنه مهيار لريم بس أختلف كل شي من طلعت عائلة مهيار من الديره وصلو المدينه وبعدها بشهر تطلقو أبو مهيار وأمه وابتعدو عن الكل
ميار أنصدمت وهي تناظر لريم
ريم : أهلين فيك يابنت الخاله ليه قطعتو عنا فجاءة
ميار : ضروف ما أكثر
ريم : كيفكم سمعت أنه أبوك طلق أمك
ميار : أيوا
ريم بتعجب من هدوء ميار : طيب مابتسألي كيف جيت هنا
ميار : يعني كيف خلصتي الثانويه وقبلوك هنا
ريم وهيه تضحك : لا حبيبتي انا هنا مع اهلي وجدي بعد
أنقلب وجه ميار بصدمه : اييش جدي هنا وخوالي بعد
ريم : ايه أشفيك مصدومه
وقالو لي بعد أسألك وين تعيشو ألحين عشان نزوركم
ميار : أبوي ترك امي من أربع شهور والحين جاين تسألون عنها
ريم : أبوي وكل خوالي حذروها أنه ماتتزوجه وهذي نتيجة أفعالها
ميار بعصبيه : أحترمي نفسك يا ريم ترا هذي أمي يلي تتحكين عنها وخالتك بعد
صدت ريم وثواني وقف مهيار سيارته أمام ميار ولفت ريم تناظر من يلي جاء وتعجبت من السنوات يلي مرت وغيرت شكل مهيار صارت ماتميزه إلا من الشامه الصغيره إللي تحت عينه ميلت رأسها تتأمل وناظرت لها ميار وتقرفت منها وجات من أمامها متعمده تقطع حبل أفكارها وسرحانها
ركبت ميار السياره وحرك مهيار متوجهه للبيت
في الطريق ؛ ووسط الهدوء لأنه مهيار جاي معصب بسبب ملاك
ميار : خوالي وجدي هنا في المدينه
مهيار بصدمه : ولاتقولي لي أنه البنت يلي كانت جنبك وحده من بنات خوالي
ميار بحزن : أيوا هذيك ريم وهيه إللي علمتني
مهيار : ياليل يادنيا أمي لو درت بتضايق وهيه ماناقص لها أصلن
ميار وهيه تلعب بيدها وأصابعها وتفركهم من تتوتر هذي عادتها : أدري بعد ريم قالت إنه يسألون عن أمي يريدو يزورونها
مهيار : طيب انتي لاتعلمه أمي ألحين أدري فيك تعلمينها كل شي بس هذي المره أسكتي ولاتبيني لها عشانها ترا
ميار : طيب بحاول
مهيار : مافيه أحاول مابتعلمينها
ميار : طيب قلت مابعلمها وعد
مهيار : طيب ميور يالله أنزلي ألحين وانا عندي شغل إذا أحتجتو شي اتصلي
ميار هزت رأسها بالأيجاب وتوجهت للبيت وحرك مهيار متوجهه للقصر
عند ميار
أم ميار : كيف كان يومك ميوره
ميار ردت بغير عن العاده : زينه الحمدالله
أم ميار بأستغراب : ماصار شي يعني !
ميار : لا مامي ماصار شي
أم ميار وهيه حاسه أنه ميار تخبي شي من تغيرها ووجها
ميار بعد سكوت : ايش الغداء
أم ميار : سويت دجاج على الفرن
ميار : طيب بأخذ شاور وأجي
أم ميار ؛ طيب
عند ملاك
وصلت للقصر وأخذت شاور ولبست لبس خفيف عشان تريح
أكلت غداها وبدأت تجهز لمجوعتها الجديده وطلبت من كيان تجهز لها عمال
ملاك : يحتاج لي زيوت من وين بختار ياربي لازم اتصل بمعاذ المنقذ
معاذ: هلا ياوجه الحسن
ملاك : معاذ تعرف مكان يجهز لي الروائح أبي مال التوليب و الرمان و..
معاذ : فيه مكان اعرفه بس إذا تبين مقره الرئيسي احسن عشان اناي تريدي مجموعه مو واحد
ملاك : طيب وين
معاذ : الكويت
ملاك : وكيف بأقنع أبوي هو شغلي وزين أقنعته عاد سفر مابيخليني
معاذ : انا موجود لا تحاتين بضبط لك الأمور وبعلمه
ملاك : صدق
معاذ : ايه
ملاك : ربي لايحرمني منك معاذ شكرا
معاذ : ولامنك ياملوكتي؛ يالله كملي البزنس حقك باي
وصل مهيار للقصر ودخل ملحقه ورتب الغرفه شوي وعلق ملابسه مره
ودخل المطبخ حقه يعمل له كوفي
وجلس يتأمل لوحات ملاك يلي خباها
مهيار : كيف منك أنا اهرب وانتي طريقي
أخذ نفس وطلع يتمشى في الحديقه ورفع رأسه وناظر شباك مفتوح وصوت موسيقى هادئه تعزف بالبيانو جلس تحت الشجره يناظر لشباكها
عند ملاك كانت تحب تعزف على البيانو كثير وتحب تتعلم أشياء مختلفه
لابسه فستانها الرقيق الأبيض الحرير حق النوم ومكتف
بدأ الهواء يزيد بردت وقفت تسكر الشباك
اما مهيار يلي أنتبه أنه صوت الموسيقى توقف رفع رأسه مره وشافها بلبسها الأبيض المكتف الحرير وشعرها يداعبه الهواء لمحته ملاك وتوترت وغلقت الشباك بقوه
وقف مهيار من شدة جمالها مصدوم وتوجه لملحقه
شفتك الليله ولا عرفت أنام
أثاريني مرضت من شوفتك
وأني اغار أذا لمس شعرك هواء
كيف لقلبي أن يتحمل هذا الهوى
أعتذر على التأخير في هذي الفترة بس كانت ضروف والحمدلله على كل حال
برجع أنزل لكم يوم فيه بارت وإللي بعده مافيه
أتمنى الدعم ولاتنسو النجمة ⭐️ وحطو شير للروايه
أنت تقرأ
حارس الملاك في دروب الهلاك عيونها
Romantizmتدور أحداث القصه بين ملاك وحارسها يلي أنجبرت عليه بأنه يراقبها وكان ألزام من أبوها بعد تعرضها لحادثه مرعبه ...
