Ang Mapalad na Ibon
Kan'yang pakpak na pumagapagaspas
Umiikot sa kabuuan ng kalawakan
Siya ay malaya,
Titig sa abot-tanaw
Kung saan man patungo,
Siya ay patuloy sa paging masugid
Buo ang pananalig
Masikhay na sumusulong
Ang mapalad na ibon
Kasawia'y kan'yang ibabaon
Magpapatuloy sa karera
Ng kamalayan
Malayang lumilipad
Mapalad na ibon
Sigaw ang kagalakan
Abot ang kalayaan
Dahil siya ay malaya
Ang ibon sa gitna nang kalawakan
Patungo sa paroroonan
Kung saan ang lahat ay tiyak
