ကျွန်တော်ကလူကောင်းလေးဆိုတာကိုတစ်ကမ္ဘာလုံးကသိတယ်။

Chapter - 26.3 [Uni+Zawgyi]

[တွေ့လား? ဒီခန္ဓာကိုယ်ရဲ့မူလပိုင်ရှင် ဒေါသစိတ်ကလည်းကြီး မနာလိုစိတ်နဲ့လည်းပြည့်နှက်နေတာ။ သူက ဒီလိုမျိုး တက်သစ်စလေးတွေ အနည်းဆုံးအယောက် ၂၀ လောက်ရဲ့ အသက်မွေးဝမ်းကြောင်းတွေကို ဖျက်ဆီးပစ်ခဲ့တာ။]

[ ချွေယန်ချင်းက ကံကောင်းပြီး သူ့ဇာတ်‌ကောင်ပြန်ရဖို့ ကူညီပေးလိုတဲ့ ဆရာကောင်းတစ်ဦးရှိ‌နေလို့ပဲ။]

System က နားမလည်ခဲ့ပါ- [ဒါဆို ဒီလူက Host ကို ပြင်းပြင်းထန်ထန် အာဃာတထား နေမှာမဟုတ်ဘူးလား။ သူ့ကိုဘာလို့ ကိုယ်တိုင်သွားတွေ့ရတာလဲ။]

[ဘာလို့လဲဆိုတော့ သူ့အဖြစ်က ကျင်းယွမ်ချီ နဲ့တူနေလို့လေ။]

ရှီချင်း သည် ဆိုဖာပေါ်တွင် သက်တောင့်သက်သာ လှဲလျောင်းလို့နေသည်။ သူကသူ့အတွက် ဝိုင်နီတစ်ခွက်ကို ကျေနပ်စွာ လောင်းထည့်လိုက်သည်။

ထုတ်လုပ်ရေး အဖွဲ့သားများသည် လူတိုင်းကို တစ်ခန်းစီနေခိုင်းဖို့ လုံလောက်သော ရက်ရောမှု ရှိပါသော်လည်း ရှီချင်းသည် မိုးမြင့်ဇိမ်ခံဟိုတယ်အခန်း အဖြစ် အဆင့်မြှင့်တင်ရန် သူ့ကိုယ်ပိုင် အိတ်ကပ်ထဲမှ ပိုက်ဆံပေးခဲ့သည်။ အခန်းရှိပါ၀င်သော ဆိုဖာသည် အထူး သက်တောင့်သက်သာရှိလှသည်။

[သူက ကျင်းယွမ်ချီလိုမျိုး ပစ်မှတ်ထားခံခဲ့ရတယ်လေ။ သူကဖျက်ဆီးတာကိုလည်း ရှောင်နိုင်ခဲ့တယ်။]

[ရာထူးကိုသုံးပြီး မဟုတ်တာတွေလုပ်ပြတာက မင်းရဲ့ရက်စက်တဲ့စွမ်းရည်ကိုပြသနိုင်တယ်ဆိုရင် မင်းရဲ့ရာထူးကိုသုံးပြီး ကောင်းတာလုပ်ပြတာကလည်း မင်းရဲ့ကြင်နာမှုစွမ်းရည်ကို သေချာပေါက်ပြသနိုင်တာပေါ့။]

ရှီချင်းသည် ဝိုင်နီတစ်ငုံသောက်လိုက်ပြီး အဖွဲ့လိုက်ညစာစားပွဲကပုံများကိုကြည့်ရန် သူ့ဖုန်းကိုဖွင့်လိုက်သည်။

[မူရင်းဇာတ်လမ်းဇာတ်ကွက်မှာ ချွေယန်ချင်းက အသက် ၂၀ အရွယ်မှာ သူ့ရဲ့အသက်မွေးဝမ်းကြောင်းလုပ်ငန်းစတင်ခဲ့ပြီး အဲ့အချိန်မှာ ကဲ့ရဲ့စရာဓာတ်ပုံများထွက်ပေါ်လာပြီး အရှုပ်တော်ပုံအလယ်တွင် အမိခံခဲ့ရသည်။]