Comment goal 100
Vote goal 100තීන්ත තැවරුව කුරුලු පිහාටුව පසෙකින් තබන ප්රොෆෙසර් ජියොන් දිනපොත දෙස මොහොතක් බලා සිටිනවා. මොහොතකට පෙර එහි සටහන් කල අකුරු තවමත් වියළී ගොස් නැහැ. දැල්වෙන ඉටිපන්දම් ආලෝකය යට එම තෙත කලු තීන්ත දීප්තිමත්ව දිලිසෙනවා.
ප්රොෆෙසර් ජියොන්ගෙ තොල් අග ඇදී ඇත්තෙ සැහීමට පත් කුඩා සිනහවක්. වසර ගණනකට පසු දින පොතෙහි රචනා කරන ලද්ද අතිශයෙන්ම උනුසුම් අන්තර්ගතයක් බවට පත් වී තිබෙන බව ස්තීරයි. කලාතුරකින් ප්රොෆෙසර් ජියොන්ගෙ තොල් අග ඇදෙන කුඩා සිනහව එම උනුසුම් හැගීම් පිලිබද සාක්ෂි දරනවා.
ලිවීමේදි එම කාරණා හා පැටලෙන හැගීම් පිලිබද ආගන්තුකත්වයක් මුල්වරට ප්රොෆෙසර් ජියොන්ගෙ හදවතට දැනුනත් ඇත්තෙන්ම එම නුහුරු බව ට ප්රොෆෙසර් ජියොන්ගෙ සිත අකමැත්තක් දැක්වුයෙ නැහැ.
හෝරාව රාත්රි 12 හ පසු වී මිනිත්තු කිහිපයක් ගෙවී ගියා පමණයි. ප්රොෆෙසර් ජියොන්ගෙ සිතුවිලි හරබයට බාදා කරමින් කාමරය තුලට ගලා එන්නෙ සීතල සුලගක්. දැල්වෙන ඉටිපන්දම් කිහිපයකින් පමණක් ආලෝකමත් වන කාමරය, ඉටිපන්දම් කිහිපයක නිවී යාමත් සමග ලා අදුරේ ගිලි යන්නෙ හිදගෙන සිටින අසුනෙන් ප්රොෆෙසර් ජියොන් නැගිටිද්දි.
මාලිගය අසලින් අහසෙ ඇදෙන දීප්තිමත් විදුලි රේඛාවකින් ප්රොෆෙසර් ජියොන්ගෙ කාමරය හදිසි ආලෝකයෙන් ආලෝකමත් වී නැවතත් ලා අදුරෙ ගිලී යනවා.
බර වුනු කලුවර අහස ලග ලගම එන වැස්සක ලකුණු කියාපානවා. අවට පරිසරය පුරාම ගත සිසිල් කරවමින් ශීතල සෞම්ය සුලගක් හමාගෙන යනවා. ප්රොෆෙසර් ජියොන්ගේ කාමරය තුළට අනාරාධිතවම පැමිනෙන එම සුලගට දැල්වෙමින් තිබෙන තවත් ඉටිපන්දමක් නිවී යනවා.
කාමරය කෙලවර විවෘත කර තිබෙන කවුලුව අසලට අඩිතබන ප්රොෆෙසර් ජියොන්ගෙ සිතුවිල්ල විවෘත කර තිබෙන කවුලුව වසා දැමීම -නමුත් එක්වරම ප්රොෆෙසර් ජියොන්ට ඇසෙන්න ගත් එම හඩ ඔහු කරමින් සිටින කාර්යය මොහොතකට නතර කරවනවා. එය සුන්දර සිනහවක්. ප්රොෆෙසර් ජියොන් වන් පිරිමියෙකු දෑස් වසාගෙන විදීමට ආශා කරන එම සුන්දර සිනහව හිමි එක් තැනැත්තෙකුටම
පමණයි.
![](https://img.wattpad.com/cover/357217718-288-k816149.jpg)
YOU ARE READING
Maria (Taekook)
Fanfictionඅයිස් නිලට හුරු තහනම් රෝස කුසුමක .. හාදුවක මුසු උනු වයින් රස දෙතොලතර ... කල් මරන්න හිතෙන රාගයේ ආශාව ගැන.. අදහසක් ඔබට ඇත්තෙන්ම නැහැ මරියා... අඳුර පිරුණු ගුප්ත හදවතක් තුලින් ලැබෙන සෙනෙහසක ... රෝමාන්තික පහස ගැන පවා විස්තර කරන්න.. ඇත්තෙන්ම මටවත් දාර්ශන...