كوية الحمام فراس العام 🤭(كاملة )

الجزء 13 والاخير ..💔

طايحة فلرض مغيبة على الواقع د.مها تخلط مع لما تحل الباب بنترة دخل منو وليد لي فور ما شاف منال طايحة ومغيبة تشوكا فبلاصتو حرك راسو بنفي كيحاول يوݣد راسو قرب منها هزها شاف فيديها المضروبين بلع ريقو وخرجها بزربة عريانة حطها فوق سرير ود...م محبسش

هز بيجامة خفيفة لبسها ليها سروال بلا سليب خشا ليها تيشورت لي عمر بد.مها لواها فليزار حتى هو عمر د...م خرج من البيت بخطوات سريعة حل الباب ونزل كيجيري فدروج من حسن حضو كان مبلاصي طونبيل قدام دار جبد الكونطاك بيدو ثانية حلها وحطها لور طلع هو القدام وكسيراا...

مخلي سعاد وعبد الكريم عقلهم غادي يخرج ملي شافوها هكاك

عبد الكريم بعصبية:شنو واقع؟؟

سعاد سرطات ريقها بصعوبة: معرفتش شنو كاين

نزهة طلعات حاجبها بسخرية: بنت خوك على علاقة مع وليد

عبد الكريم بعدم:شكون ؟

نزهة بحقد: شكون منغيرها منال

سعاد سرطات ريقها:شنو كتقولي البنت فحال ختو

نزهة ضحكات بستهزاء:انا لي ختو ماشي هيا

عبد الكريم شد فراسو معصب: درية بقا صغيرة على هادشي

نزهة قلبات خطواتها ودخلات...

×وليد×

وصل لسبيطار هزها مغيبة دخل كيجري بيها نطق بالغواات:كتموووت

الممرضين تلقاو ليهم بنقالة حطها ودخلوها البلوك...

بقا هو على برا حادر راسو تفكر حالتها وكيفاش كانت كتنزف مضنش غادي دير هاد الحركة كان فنيتو يآدبها ويعلمها صح من الغلط غير فهاد المدة القليلة لي عرفها فيها دارت بلاصة فقلبو ومبقاش عندو شك بلي كيبغي بل كيحماق عليها...

دازت ساعة عاد خرجات طبيبة قرب منها ونطق بلهفة: واش مزيانة؟

طبيبة حنات راسها ونطقات:شنو كتجيها؟

وليد بلع ريقوو المر ونطق: ولد عمها...

طبيبة تنهدات ونطقات: قدرنا نعتقوها حيت الحمد لله متقطعوش العروق تضرباات غير من لفوق..

وليد خرجات ليه بتسامة بلاما يحس همس: الحمد الله

طبيبة حنات راسها:كاين واحد الحاجة

وليد شاف بستفسار: شنو كاين ؟

طبيبة بهدوء:واش البنت نتححرات ولا تجرحات وخا ابعد ما يكون على انه جرح

وليد ساط بنرفزة:تجرحات

طبيبة حركات راسها:وخا شوية وتفيق غنحولها لغرفة  يمكن ليك تشوفها...

×منال×

حولوها لغرفة عادية حلات عينها وعاودت سداتهم شحال عاد فتحاتهم كانت رؤية مضببة ليها بلعات ريقها الجاڤ فحلقها ضورات عينها لمحاتو بارك قدامها ومعاه سعاد وعبد الكريم لي عيط ليهم وليد..