Chapter 50
October 24, 2023
Chapter 50
ထို့အပြင် လင်းဖေးက ကျိလဲ့ယွီကို ညီလေးအဖြစ်သတ်မှတ်ထားသောကြောင့် တစ်ဖက်လူကို ရိုက်ပေးရမည့်အချိန်ရောက်ပြီဖြစ်သည်။
သူက ကျိရှင်းကို ခံစားချက်မဲ့စွာ စိုက်ကြည့်လိုက်လေသည်။
"မင်း မသွားသေးဘူးလား...အခု မင်းက ရှောင်ယွီနဲ့အရမ်းနီးနေတာ...မင်းက လည်ပင်းညှစ်ခံရပြီသေချင်လို့လား..."
ထိုစကားကို ကြားတော့မှ ကျိရှင်းက ကျိလဲ့ယွီနှင့် အလွန်နီးကပ်နေမိကြောင်း သတိထားမိ သွားလေသည်။
ကလေးမလေးနှစ်ယောက်က ချက်ချင်းဆိုသလို ပြေးသွားပြီး ကျိရှင်းကလည်း သူရဲဘောကြောင်သူဖြစ်သည့်အတွက် ကျိလဲ့ယွီကို တစ်ချက်ကြည့်လိုက်ပြီး ထွက်ပြေးသွားလေသည်။
လင်းဖေးက ကျိလဲ့ယွီ၏ဘေးတွင် ထိုင်ချလိုက်ပြီးပြောလိုက်သည်။
"အခု အဆင်ပြေသွားပြီ..."
ကျိလဲ့ယွီ ခေါင်းငြိမ့်လိုက်ပြီး လင်းဖေးကို နွံကျိုးစွာ ကြည့်လိုက်သည်။
"ကျေးဇူးတင်ပါတယ် ကိုကို..."
လင်းဖေးက လက်ကို မြှောက်လိုက်ပြီး တစ်ဖက်လူ၏ခေါင်းကို ပွတ်သပ်ပေးလိုက်ကာ တွေးလိုက်သည်။
'ဟုတ်တယ်...အစ်ကိုကြီးက ညီလေးကို ကူညီပေးပြီး တစ်ဖက်လူကို ရိုက်ထုတ်ပေးသင့်တယ်...'
ကျိလဲ့ယွီက သူ့ကို ချိုမြိန်စွာ ကြည့်နေလေသည်။ ယင်းက နှင်းဆီပွင့်ဖတ်များနှင့် ကိတ်မုန့်တစ်လုံးနှင့် တူလေသည်။ ချိူမြိန်ပြီး စေးကပ်၏။
ထို့နောက် လင်းဖေးက ကျိလဲ့ယွီပေါင်ပေါ်မှIpadကို ယူလိုက်ပြီး ကျိလဲ့ယွီနှင့်အတူ ကျန်ရှိနေသေးသည့် တိရစ္ဆာန်ကမ္ဘာ ဗီဒီယိုကို ဆက်ကြည့်လိုက်သည်။
ကျိလဲ့ယွီလည်း အတူ ကြည့်နေလိုက်လေသည်။
သူ ဗီဒီယိုကြည့်နေပြီး မကြာမီ လှုပ်ရှားသံအချို့ကို ကြားလိုက်ရသည်။ ကျိရှင်းနှင့်အခြားလူများက တူတူပုန်းတမ်း စကစားနေကြပြီဖြစ်သည်။
