Chapter 124 Villain's Father
November 23, 2023
Chapter 124
ဝူရှင်းယွမ်က မာပေါ်ကျုံးအား ရက်အနည်းငယ်ကြာ စောင့်ကြည့်နေခဲ့သည်။ တစ်ဖက်လူ မည်သည်ကိုမှ မပြုလုပ်သည်ကို တွေ့လိုက်ရသဖြင့် သူ စိတ်သက်သာရာရသွား၏။ မာပေါ်ကျုံး ကြောက်သွားခြင်း ဖြစ်ပုံရသည်။
သူက တွက်ချက်တတ်ပုံပင်။
မာပေါ်ကျုံးက ဆေးရုံ၌ နှစ်ရက်ကြာ သောင်တင်ခဲ့ပြီးနောက် ရိုက်ကူးရေးအဖွဲ့ထံသို့ မျက်နှာမသာမယာဖြင့် ပြန်ရောက်လာသည်။
မာပေါ်ကျုံးသည် သူ၏ ရိုက်ကူးရေးအဖွဲ့နှင့် မကိုက်ညီဟု ဒါရိုက်တာကျန်း ခံစားလိုက်ရ၏။ ထိုသို့ မဟုတ်ပါက ဇာတ်လမ်းတွဲတစ်ခု ရိုက်ကူးချိန်အတွင်း လဝက်ခန့် ဆေးရုံသို့ ရောက်နေမည်မဟုတ်ပေ။
သို့သော် ထိုသူ နေမကောင်းသည့်အလျှောက် ပြန်လည်အားဖြည့်ရန် ခွင့်နှစ်ရက်အား ပေးလိုက်ရပြန်၏။
မာပေါ်ကျုံး၏ အေးဂျင့်သည်လည်း သတင်းအချို့ ရရှိခဲ့၏။ မည်သူကမှ လင်းလော့ချင်း၏ နောက်ခံကို မစုံစမ်းနိုင်ခဲ့ကြချေ။
သူတို့မျှော်လင့်ထားသည့် အတိုင်းပင် ထိုလူက အကောင်ကြီးကြီးတစ်ဦး ဖြစ်ပုံရ၏။
မာပေါ်ကျုံး၏ အေးဂျင့်က မာပေါ်ကျုံးအား တစ်ကိုယ်ကောင်းဆန်စွာဖြင့် လင်းလော့ချင်းအား ထပ်မံမနှောင့်ယှက်ရန် ဒုတိယအကြိမ် သတိပေးလိုက်၏။
မာပေါ်ကျုံး ဒေါသများကို ကြိတ်မှိတ်မျိုချကာ လင်းလော့ချင်းအား ထပ်မံရန်စခြင်းမပြုရန် အေးဂျင့်နှင့် သဘောတူလိုက်ရသည်။ သို့သော် စိတ်တွင်းတွင်မူ အလွန်ရှက်နေပြီး စိတ်ဓာတ်လည်း ကျနေမိသည်။
ယနေ့တွင်မူ သူတို့နှစ်ဦးက အတူတကွ ရိုက်ကူးရ၏။ မာပေါ်ကျုံးက စိတ်ခံစားချက်အားလုံးကို လွှတ်ချကာ အရှိန်အဝါအပြည့်ဖြင့် သရုပ်ဆောင်တော့သည်။
