Tandang-tanda ko pa ang araw na iyon
Malamig ang hangin at umuulan noon
Nakasilong ako sa bakery ni Aling Iska
Nang patakbo kang sumukob pagkat ika'y basang-basa
Ilang minuto ng katahimikan
Tanging naririnig ay ang pagbuhos ng ulan
Sumulyap ka at tumingin naman ako
Sa unang pagkakataon ay tumibok ang aking pulso
Isang maulan na hapon ang naging simula
Ng inakala kong walang hanggang tula
Isang damdamin ang nagsilbing katuparan
Ng saya, ng pangarap, at ng kabiguan
Okey lang naman sana sa akin
Mga tsismis tungkol sayo ay hindi pinapansin
Kahit laging nahuhuli na may ibang babaeng kasama
Naniniwala ako sa sinabi mong kaibigan lang sila
Ako ay pauwi isang makulimlim na hapon
Nakasalubong kita na may hawak na karton
Niyakap mo ako at ibinigay sa akin ang iyong dala
Ang nakasulat dito ay "Happy Monthsary, Andrea"
Lahat ng dugo ko mula sa talampakan
Umakyat ng mabilis patungong bumbunan
Di ko na kaya ito, parang trip kong maglaslas
Tapos ay magbigti sa ilalim ng punong bayabas
Tandang-tanda ko pa ang araw na iyon
Madilim ang mga ulap at nagsimulang umambon
Tinapos ko ang isang relasyong masalimuot
Isang pag-iibigang ibabaon ko na sa limot.
P.S. Elizabeth ang pangalan ko at hindi Andrea.
BINABASA MO ANG
Dejected
PoetryHayaan mong dumaloy ng masagana ang iyong mga luha. Hayaang umiyak ang pusong nasaktan ng lubha. Namnamin ang pait ng hapding rumaragasa. Pagkat bukas makalawa iyan ay mawawala na ng kusa. Mga tulang sumasalamin sa mapait na mukha ng pag-ibig. Copyr...