Huwag kang mag-alala at lilipas rin ito
Sa una ay maaari akong manibago
Ngunit darating ang araw na ako rin ay makakalimot
Kakayanin ko kahit na masalimuot
Huwag ka ng lumingon at huwag ng tumingin
Dahil wala ka na ring babalikan pa sa akin
Pintuan ng puso ko ay tuluyan ko ng isinara
Ni ang mga bintana ay di na muling magbubukas pa
Huwag kang humingi ng tawad, huwag
Lalo mo lang ipapamukha kung gaano ka kaduwag
Sinadya at pinili mong gawin ang durugin ako
Paano ka pa patatawarin ng isang pusong bato?
Huwag kang mag-alala at malaya ka na
Hindi ako maghahabol at hindi na rin aasa
Kaya kong mabuhay kahit na wala sa piling mo
Huwag kang mag-alala, okay lang ako.
BINABASA MO ANG
Dejected
PoetryHayaan mong dumaloy ng masagana ang iyong mga luha. Hayaang umiyak ang pusong nasaktan ng lubha. Namnamin ang pait ng hapding rumaragasa. Pagkat bukas makalawa iyan ay mawawala na ng kusa. Mga tulang sumasalamin sa mapait na mukha ng pag-ibig. Copyr...
