Martes noon at field trip natin
Nakapagtatakang nakipag-partner ka sa akin
Puso ko'y lumulundag at tila kinikiliti
Kapag ako ang nagbabayad sa entrance at ika'y ngumingiti
Mundo ko ay tila isang roller coaster ride
Umiikot, bumabaliktad, umiislayd
Sa sobrang tuwa ay binilhan kita ng siopao
At nang magpasalamat ka, tuwa ko ay umapaw
Tatlong oras na mula ng makauwi ako sa bahay
Ngunit isipan ko ay abalang tunay
Bakit ka ba kasi takbo ng takbo?
Ayan tuloy, nahulog ka sa puso ko
Huwebes noon nang tawagin mo ako
At ipinakilala sa mga kabarkada mo
Sa sobrang kilig ay nanlibre ako ng burger
Sabi ko na nga ba, totoo ang forever!
Biyernes noon nang gusto mo akong isama sa inyo
Kaso lang ay kulang na ang pera ko
Alam kong nagtatampo ka
Pero promise, sa Lunes ay babawi ako ng sobra
At pagsapit nga ng Lunes
Pinuntahan kita kasama ang kakalase kong si Tess
Ngunit nanlumo ako nang ikaw ay nakita
Pagkat may bago ka ng kaakbay na dalaga
Sumugod ako na umuusok ang butas ng ilong
Muntikan pang matapilok dahil sa sapatos kong de takong
Ayun nga lang at tinawanan mo pa ako
Napahiya tuloy at nagmukhang inidoro
Iba kasi ang pagkakaintindi ko
Noong ipakilala mong ako ang shota mo
Ngayon kapag sinabing shota ay alam ko na
Ibig sabihin ay SHOrt TAym lang pala.
BINABASA MO ANG
Dejected
PoetryHayaan mong dumaloy ng masagana ang iyong mga luha. Hayaang umiyak ang pusong nasaktan ng lubha. Namnamin ang pait ng hapding rumaragasa. Pagkat bukas makalawa iyan ay mawawala na ng kusa. Mga tulang sumasalamin sa mapait na mukha ng pag-ibig. Copyr...