* عاد زياد الى الشقه الخاصه به ، وما أن فتحها وتقدم إلى الداخل وجد معتز نائم على الأريكه فأمسك كوب من الماء وسكبه عليه مما جعل معتز يقوم فازعاً من نومه
معتز : أيه فيه أيه يا بغل ؟ .
زياد : معلهش كنت بشرب والميه أدلقت عليك من غيير ما قصد .
معتز وهو يمسكه من ملابسه : بقولك أيه ياد مش عشان قاعد عندك تستزرف أقسم بالله هزعلك ماشي .
زياد : ايه يا عم كنت بشرب مايه وأدلقت عليك بالغلط .
معتز : طب يا حلو بتشرب مايه عند الطربيزه هناك أيه اللى جابك هنا .
زياد : معرفش يمكن بمشي وأنا نايم 😂.
معتز وهو يتركه ويقوم بدفعه إلى الخلف : غور فى داهيه .
زياد وهو يجلس على الأريكه كرد فعل لدفعه معتز قائلاً : هتيجى معانا عاملين حافله بلدى ، عشان نروق شويه على نفسينا من ضغط الشغل ... ؟.
معتز بحيره : مش عارف خايف زهرة تعرف وتبقى دى نهايتنا بجد .
زياد بمكر : متخافش هيا مش هتيجى ، يلا روح حط ليا أكل .
معتز وهو ينظر له بإشمئزاز ويضرب على ظهر يده قائلاً : ليه هو أنا مدام زياد وأنا معرفش ، كنت مراتك ياك .
زياد : ايوه يلا يا موزه روحى أعمليلى أكل طالما قاعده هنا .
معتز وهو يقوم من على الأريكه ويدلف إلى الداخل قائلاً : أنا أدخل جوه أحسن بدل ما اعملك بوفتيك هنا .
وما أن دلف معتز إلى الغرفه وما كاد أن يجلس على السرير حتى دخل عليه زياد قائلاً بإستفزاز : بس أنا مش بحب البوفتيك أنا عاوز شاورما .
معتز : شاورما بس من عنيا .....
............
==============
وعلى الناحيه الأخرى هجم جاسر وأبراهيم
على شقة زياد الموجوده فى الزمالك .
جاسر : أيده هو مفيش حد ليه .
أبراهيم : يا عم ما قولتلك ، ولا فيه زبون ولا حاجه بس أنت مصمم على اللى انت بتعمله ده .
جاسر : يمكن يكون جايب مزه هناك ؟.
إبراهيم : يلا يا جاسر ربنا يهديك .
جاسر : أقفل الباب ده ، علفكره لو زياد عرف أن أحنا معانا مفاتيح الشقتين بتوعه هيعمل مننا شرايح لحمه .
أنت تقرأ
💖 الحب المستحيل 💖
Romanceفتاه فقيره فى وسط عائله فقيره تتعتقد ان الاموال والسلطه هي التى تجعل البشر ينعمون بحياة جميله تعتقد ان الفقراء لا يمكن او لا يحق لهم ان يعيشو قصص حب او يكون لهم حظ جييد فى هذه الحياه ولا تعلم ان عندما يريد الله لشيئ ان يكون سيكون قصه تعبر عن احداث...
