قتـام الـود

البـارت الثالث عشـر

كضه الواهس عله طيوفك بعد ما أصيرلك حارس أجيتك وإنه كلي أخضر رحت منك ورگ يابس .

ٕ
قتــام الـود
بقلمـي
ريـــبـال

لاتنسون التصويت والتعليقات بين الفقرات

قراءة ممتعـه♥.

______________________________

ٕ

ٕ

ٕ
- طلبوج الفهـد بابا

رجفت اكثر تحمحمت مااعرف شسوي

- اهدي عيونـي انتِ

بلعت ريك وثبتت احاول اسيطر عله نفسي

- باباتي الولد ابن عمج وتعرفينه مايحتاج احجيلج بي مو

- اي

- اي شدكولين

- بكيفك

- چؤؤ تدرين بيه مااحب البكيفك يا بابا

سكتت بعد ماحجيت رجع هو حجه

- روحي الغرفتج وفكري براحتج ورجعيلي جوابج بيد ماما يله بنيتي

كمت من يمة منزلة راسي حته ماباوعت عليه ميته من الخجل والتوتر

صعدت الغرفتي وبقيت افكر اجيبهة واوديهة واخذهة بس ماطلع وياي غير شي واحد بس

"احبـــه"

ٕ
ٕ

مخبوصين خبيصه كلها تركض
اليوم عقد شهـم وجنه بواحد صرنه بثنين صارو شهـم وفهـد

- وينـج شهـد

- هـااا ها

- امشي شوفي اخوج شوكت ناوي ينزل

- صار

صعدت الغرفته انافخ وادبج ميته من القهر
ٕعبالك ماكو غيري شهد وشهد موتوني

فتحت الباب لكيته كاعد بـ ملابسه مال البيت وراسه بين أديه

تقربت عليه مصدومه

- شهـم العالم تنتظرك صدك تحجي

رفع راسه باوع عليه عيونه حمـر مليانه دموع
بلع غصته وهمس كوه سمعتـة

- وينـهة

حجاهة ورمش بس رمش طاحت دمعه من عينه

يايابه شصار بيه وبـكلبي تمنيت الله ماخذ روحـي ولاشايفته بهل حال

ركضت عليه لزمت وجهة وماكدرت الزم دموعي

- شهـم حبيبي ماتستاهلك والله ماتستاهلك روح ابدي من جديد عروستك تجنن حبها وانسه هاي شهـم انساهة مو شفتهة انت شكد حلوه شكد بريئة مو لو لا

- ولج انا خايف عله البت اكثر من روحي شنو ذنبهة تنظلم وياي شنووو

- حاول تتمعن بيها وشوف شلون راح تحبها يله حبيبي كوم لاواحد يجي يله عمري