قتـام الـود

البارت الثامـن والعشرون

أمس
من هومـشو دينك
فزعت من الگهاوي أچفوف

أمس
من غرگت أسنينك
غديت بكل شبر مشحوف

أنه موصي العيون عليك
حته ويـ الضباب أشوف

قتــام الـود
بقلمي
    ريــــــبــال

لاتنسون التصويت والتعليقات بين الفقرات

قراءة ممتعه♥.

______________________________

ٕ

ٕ
ٕ

ٕ
- ماااااسـه

ابتعد مني بسرعه يمسح بوجهة، ورأسن طلع  اباوع عله ابويه الي كاعد بالكاع من الصدمه بس يباوعلي، أمـي عله صفحه وتلطم عله وجهة

غطيت نفسي اتمنى اختفي، اتمنى اموت ولاهل منظر الي جاي اشوفهم بـي، احس عقلي بعد مايستوعب اي شي 

نمـر:- ليش بويه ليش

شهكت من نص صدري وغصيت بالنفس الأسحبه

ماسـه:- والله ماادري والله غصب والله مو انا كتلك خلصنيي منه ياما وياما بست ايدك

ضرب عله راسه حيل كمزت حاضنه نفسي وهو يصيح

نمـر:- ولجججج شصااااار شلوووون شلوووون ولككككم فههههههـد موووتك عله ايدييي وحك من رزقني بيهة وره شوغه روحي ابچي اهلك عليك

طلع يركض وامي لحكته تصيح، بقيت بمكاني ساده اذاني حيل مااريد اسمع شي احس النفس يأذيني، فاتت تلطم وتصيح كعدت كبالي ادك عله رجليهة

ميس:- يمه ماسـه ابووج رااح يممه اخواانج هنااااك ماااسـه يمممه شسوويتي بيننه

هزيت راسي لا وحضنت نفسي اقوه

- موو اناا وداعه أبويه مو انا يمه صدكيني ماادري بي ماادري

زحفت يمي وسحبتني الحضنهة، ضميت وجهي بصدرهة ابچي من كل كلبي

ماسـه:- شلون راح اباوع بوجه ابويه بعد ماما شراح اكُل الأخواني يموتوني والله ياسـر يذبحني

ميس:- اذا أخوج زلمه يروح ياخذ حکه من الزلمه والي صار بينكم لو مهما كان مو حرام يوم مو حرام لان بينكم عقد بشرع الله لانفكرين بنيتي كومي وياي يمه شو كومي

كومتني من أيدي حاضنتني، فوتتني الغرفتهة لان مابينه حيل نصعد فوك،تمددت عله الجرباية وهيه تلعب بشعري احس فوكاهة جبال بس تريد تخفف عني وماتخليني احس

دموعي تنزل بهدوء واحس بيهن من يتسللن عله شعري، ليش هيج سوه مو حبيته والله وجنت مستعده ابقه ويا عمري كله بدون ما أمـل بس هو كسرني هواي كسرني وبكل مره يخليني اندم واموت الف موته لان اختاريتـه