قتـام الـود

البارت الرابـع والعشرون

شباقي بية
وأنتَ كُل شي الـ بية أخذتَه
مِنين ماباوعِلي أنتَ
وحَتى لو ترجعلي ذابل
مَا أگُلك ليشِ اجَيت
وأركُض لصِوتك
قَبل لا أسمع إسمي
وأبچي مِن عندك عليك .

ٕ
قتــام الـود
بقلمي
ريـــبـال

ٕ
لاتنسون التصويت والتعليقات بين الفقرات

قراءة ممتعه♥.

ٕ
____________________________

ٕ

ٕ

ٕ

ٕ
ريم:: فتت للمطبخ اريد اشرب ماي، وشفت نواره نايمه عله الميز ابتسمت مستهزءه

- ها يحلوه شنو نعستي اصعدي نامي فوك اذا تحبين

شربت الماي ورجعت الكلاص، شو هاي لاحجت ولاتحركت

- چؤؤ چؤ بس لاضجتي يمعوده تكبرين وتنسين قابل يضلون بدون جهال

حجيتهة وضربتهة بخفه عله ضهرهة هم ماتحركت، بلعت ريك وانقلقت حيل شبيهة هاي بس لا جاي تبچـي

رفعت راسهة اباوع عليهة مغمضه ورايحه وكعت عليه ماكدرت اسند نفسي صرت بالكاع وهيه بحضني، وجهة شاااحب ونازل سائل من حلكهة تلمستهة بخوف

- ماااامااا ويننننكم

التمن عليه بالمطبخ شافنهة وصارن كلهن يصيحن يردن يفتهمن شبيهـة وامهة تلطم حيل جمعت قوتي وصحت

- وحـدددده ترررروح تصييح واااحد من الووولد نااخذهة للمستشفى

ريام:- رااايحه رايحه

طلعت ركض فتحت الباب عليهم باوعولي بـ أستغراب،

شهـم:- شكو شبيج شنو هاي الهوسه

ريام:- نـواره تخربطت نريد واحد ياخذهة للمستشفى بسرعة

بس حچيتهة فز من مكانه رأسن كام راد يطلع لزمو الولد

آدم:- وين رايـح
شهـم:- وخرررر

آدم:- لك بابا طب لاتسوي مشاكل ماناقصيـن خلص

شهـم:- شخلصصص وخررر دخيلللل الللله عوفوونٓي

دفعنـه بقوته ومحد كدر عليه تحول وحـش اليج كباله مايسـلم
طلع يركـض حافي حته نعال ماخله برجله
كعد عله ركبه كدامهة وهيه مايعه روحهـة ماتتحرك

شهـم:- شبيـج

وخرا أبوهـة يصيح

أسيـد:- مااالك غرض لتوصل يمهةة

دفـع أيده خازره وحجـه وَيَا بتحذيـر

شهـم:- وحك زهره علـي أنساك عمـي واسوي المامسوينـه الزلم