هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)

السالفه التاسعه

.
.
.
.
.

اجه اليوم الي محد ينظرة والي هوه اول يوم مدرسه بعد العطله الربيعيه....

الكل كئيب وسلبي وناس تحظر نفسها للجلد الي راح يجيها بعد ما تستلم النتيجه وناس تشرب جاي ومرتاحه لان تدري بنفسها مجاوبه وهنا نروح على شلتنه ونشوف الوضع عدهم..

توبيو بس گاعد يتنعوص ولا يسكت واتسومو يتعايل بي ما صدگ نفسه لگه احد يتنمر عليه كورو الله يعينه اذا تتنفس يمه يمكن يصير بي سكته قلبي ويموت من كثر التوتر والخوف والحمد الله ختم القران...

اتسومو: باع هذا راح يموت شبيك بابا ترى عادي هيه نص السنه.

كورو: دولي وجه الجلب ترى اني وزاري لا تحاجيني.

اتسومو: اوي عيني ابو العگرگ ما يريد احد يحاچيه هوه انته گضيت عمرك تلعب بالخيسه ومن تمطر تطلع بالشارع ادور عگرگ.... يععع شنو هاي النماذج الي اني مصادقها.

توبيو: هوه من گالك انته صديقنا تراك مجرد جلب لازگ بينا.

كورو: اول مرة تگول شي صح امشي خل نتركه گبر لفه.

وحرفيا سحبو عليه واتسومو زعل حيل...
.
.

شويو وكينما گاعدين يگرزون ويضحكون على الطلاب شلون خايفين ...

جان شويو واحد مؤدب بس اجه كينما وخربه....

شويو: لك شوف هذا الي لابس احمر واضح نتيجته من هسه طالع بخمسة.

كينما: حرام عليك ليش تظلمه يمكن يطلع بسته مو خمسه.

وضلو يتنمرون لين دگ الجرس وكل شخص راح لصفه..

.
.
وهنا بدت النتائج تتوزع واحد ورا الثاني يستلم نتيجته ويلطم لين خلص التوزيع وطلعو الطلاب بالساحه كل شخص يشوف صديقه شمصخم منهم الي يضحكون على درجاتهم الي تشبه وجوهم الزفت ومنهم يبجي ومنهم فرحان لان نجح وهسة نروح نشوف الشله شلونها درجاتهم...

تجمعو كل شخصياتنا....

اتسومو: يلا شباب نبدء بالوزاري اول شي.

كورو: انته مو طردناك قبل شويه شو هم رجعت.

اتسومو غلس وسوه نفسه ما يسمع...

طلع كورو نتيجته وطلع ناجح ودرجاته زينه حسب معدله طلع 78....

توبيو: معدل جيس حب.

كورو: دولي اصلا اني ميت فرح يلا دورك.

الكل توقع توبيو راسب ومحد خطر على باله انه ممكن يطلع ناجح...

توبيو: شوفو وتمتعو بالجمال...

انصدمو حرفيا واكثرهم شويو الي تحمل تنعوصه لسنوات وهسه يطلع ناجح...

شويو: عزهه لك هاي شلون؟

توبيو: ترى حالي حالكم قريت.

اتسومو: معقوله اكو مطي يصير ذكي؟

توبيو: گبر لفكم يلا دورك راس البزون.

طلع اتسومو نتيجته وطلع راسب بثنين اويلي ما احجيلكم شسوة توبيو الا لزمه دك تنمر ...

كينما: يععع لعد شوفو دراجتي اني وشويو يفتحن النفس.

اخذ كينما نتيجة شويو وشوفها هيه ومالته كينما درجاته كلها بالتسعين وشويو كلها بالخمسينات...

كينما: عوفو مالتي ركزو على مال شويو شلون درجاته تخبل.

توبيو: انته شوكت تبطل لواگه.

كينما: هاي منقهر لان انته مو من مستواي يالحثاله.

توبيو: باع شلون صاير جنه عتوي.

شويو: عتوي بعينك يالمعيدي.

سحب كينما شويو وطلعو من هاي الشله الخايسه وما اوصفلكم شگد جان كينما فرحان لان شويو دافع عنه..

______________________

اخخخ صارلي اربع ايام انتظر الاحد يجي حتى اكتب هذا الفصل...

اتوقع اغلب المدارس اليوم سلمو النتائج ومنها مدرستي المعفنه...

يلا ولي امشي ادرس وجه العتوي

"محد يهتم"