هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)

السالفه الثالثه

.
.
.
.
.
.

جان امتحان English شهري وكل الطلاب خايفين ومتوترين لان مدرس الانكليزي دائما يجيب اسئله صعبه..

هيناتا وتوبيو گاعدين بالساحه دا يراجعون المادة...

توبيو: اهوو والله بعد ما اقرة.

هيناتا: شنو تريد ترسب؟

توبيو: لا غير ابويه يحط بيه دفرة يموتني....  لذا غششني.

ضل هيناتا صافن عليه هذا من كل عقله يحجي بس جان يخاف منه لذا ما يگدر يرفض...

هيناتا: خاف المدرس يشوفنا.

بنص نقاشهم وتدخل اوتسومو هوه وسوالفه التافهه..

اوتسومو: هلا بالشله الفاسدة.

توبيو: وجهك الفاسد.

اوتسومو طگهه بضحكه..

هيناتا: هذا شبيه يضحك مثل المخبل.

توبيو: ما عليك تأثير السادس.

هيناتا: بس السادس يبچون مو يضحكون.

توبيو: هذا يمشي عكس الناس.

گامو الاثنين وغيرو مكانهم حتى يفلتون من اوتسومو ورجع توبيو فتح موضوع الغش ويا هيناتا الي يريد يتهرب من السالفه بس ما گدر لين شاف منقذة من بعيد وصاح عليه

هيناتا: لك كينما تعال.

وطبعا اجا كينما طاير ما صدگ هيناتا يصيحله...

كينما: ها شرايود؟

توبيو: گبر شوف شلون يحچي شنو يعني مثقف.

كينما: انجب لك معيدي.

تجاهل توبيو والتفت على هيناتا الي غمزله على اساس ينطيه اشارة حتى ياخذة وياه وكينما طبعا فهم ما دام هيناتا..

كينما: اي صحيح ردتك بشغله هيناتا.

سحبه وفلتو وتوبيو اجته لحظهة ادراك انهم شردو منه...

______________________

عجبكم "محد يهتم"  ما عجبكم "محد يهتم"