هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)

السالفه العاشرة

.
.
.
.

كأي يوم ممل وخايس بالمدرسه اجتمعو الشله الفاشله بعد ما توبيو جمعهم حتى يحجي بموضوع مهمممم..

اتسومو: ها خير احجي خلصنا.

شويو: شبيك جلب يركض وراك خلي الولد يحجي.

اتسومو: انجب لا اكفخك براجدي وجه الحمص.

كينما: احجي عدل واصلا انته شكو جاي منو معتبرك صديقنا؟

كورو: لا خطيه لا تگول هيج.

توبيو: الله واكبر دخل احجي گبر لفكم.

شويو: يلا احجي.

توبيو: طبعا قرب رمضان ومثل ما تعرفون لازم نتوب.

اتسومو: ونحنا شمسوين قابل اخوان ابو لهب لو مرته.

توبيو: انته اصلا اسوء منهم... واني اقصد انو لازم نبطل تنمر وما نسب احد...

كينما: اي بلا كمل..

توبيو: ابن الجلب لا تقاطعني.

شويو: هاي مو على اساس ما نسب؟

توبيو: هاي برمضان مو هسه.

كورو: يعني تگضي السنه دايح ومستهتر ومن يجي رمضان تلبس دشداشه وتوگف گدام الجامع النهار كله على اساس مسلم وكذا.

توبيو:  شبيكم گلبتو عليه هاي مكان ما انصحكم.

اتسومو: وانته منو گلك انصح؟

توبيو: خرا على الي ينصحكم يا زباله.

عافهم توبيو وراح وجان ضايج حيل من ردودهم على اساس هوه ما متعود عليهم...

وهنا گعدو البقيه يتكلمون من ورا ظهرة...

كينما: شو هذا من نجح تغير؟

شويو: يمعود بعدة معيدي هسه فترة ويرجع مثل قبل.

كورو: ترى عادي الواحد يتغير.

كينما: ما سمعت شكال شويو بعدة خايس مثل وجهك.

كينما وشويو راحو وعافو كورو واتسومو دا ياكل جبس...

كورو: شبيك بس تاكل ما شايف؟

اتسومو: ماكل من مال ابوك... صحيح سمعت مدرس العربي مالتك گال راح يمتحنكم هذا الدرس.

اجتي لحظه ادراك لكورو وطلع يركض للصف وشلون حصل رزاله وياه صفر بالامتحان...

اتسومو كمل الجبس وحتى ما راح لصفه ختل ورا الحمامات لين خلص الدوام وطلع...

___________________

اخخخ مدري صارلي شكد ساحبه بس افكاري صايرة خايسه لذا كنت مترددة انزل

اتمنى عجبتكم السالفه "محد يهتم"

انگلعوا مع لا احترامي لكم