.
.
.
.
.
كأي يوم من ايام رمضان الجو حار وشخصياتنا مسحوله من المدرسه اذا تگول لاحد شلونك يگلك النسبه والتناسب زينه...
بيوم الخميس تحديدا اجه توبيو للمدرسه وهوه ما لابس ملابس المدرسه من دخل المدرسه الكل صافنين عليه ويگولون اليوم استاذ علاء يكفخه تكفيخ...
وتوبيو اصلا دخل وهوه كله ثقه لين شافه تاناكا واجه ركض عليه...
تاناكا: ها لك شو مخالف تريد تدخل شلتي؟
توبيو: لا تقربلي اني واحد مثقف ما امشي ويا سرسري مثلك.
تاناكا: مو صوجك صوج الي يحچي وياك ديلا ولي.
راح تاناكا وعاف توبيو الي مدري شيحس وهوه يحچي هيج...
خلص اول وثاني درس وبدت الفرصه والطلاب يركضون للحانوت وتوبيو چان يمشي بهدوء وهوه يحس نفسه دا يسوي سلموشن ما يدري هوه طالع چنه مطي لابس ملابس العصر الجاهلي....
وچان يجي شويو من وراه....
شويو: هاي شلابس لك؟
توبيو: هاي شبيكم شو كلها تسألني.
شويو: انته صاحي؟
توبيو: شوف راح اگلك بس لا تگول لاحد.
شويو: ديلا احچي.
توبيو: تتذكر بنت خالتي الحلوة الي شوفتك صورتها؟
شويو: اي هاي المزة ام نظارات.
توبيو: اي هيه هاي لك اليوم راح يجون علينه وما اريدها تشوفني بملابس المدرسه من ارجع.
شويو: ليش شبيهن ملابس المدرسه!؟
توبيو: هوه اغير طالع بيهن انسان قديم لو اشبه المجدي.
شويو: اتفق صراحه، زين هاي من وين جبت هاي الملابس؟
توبيو: اول مرة طلعت بملابس المدرسه وشفتهن مشرورات على حايط بيت استاذ علاء وبگتهن.
شويو: خرب بگت من استاذ علاء.
توبيو: مو المفروض تنصدم لان بگت واني صايم؟
شويو: حبيبي اذا يلزمك استاذ علاء يمسح بيك الگاع انته مو تعرفه.
توبيو: اي صح نسيت موضوعه، ديلا بلكت ما ينتبه..
لحظات وچان يلزمه استاذ علاء ونطاه عودة على طول ظهرة خلاه مشلول...
شويو انهزم وعاف توبيو بمصيبته.. طلع اتسومو من ورا الاستاذ وهوه يضحك على توبيو..
توبيو: يالوصخ هاي انته گلتله.
اتسومو: تستاهل لو منطيني رقم بنت خالتك الحلوة چان ما صار هيج.
توبيو: خرا عليك وعليها وخل اشوف مرة ثانيه اذا احب.
.
.
.
.
.
.
.
.
.
واخيرا تذكرت انه عندي حساب واتباد...
على كل حال "محد يهتم"
يلا انگلعوا
أنت تقرأ
هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)
Humorاذا تفهم عراقي ادخل الكتاب عبارة عن خيالات قصيرة
