هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)

السالفه ال13

.
.
.
.

لابسين دشاديش بيضه ويفترون بالشوارع مسوين لنفسهم هيبه وهمه محد منطيهم گدر غير هاي الشله التافهه...

اتسومو: يا ولد عندي فكرة.

كينما: هوه ادري فكرتك خايسه بس راح اسمعها.

اتسومو: انجب ادبسز، اصلا الفكرة شگاگيه..

كورو: شو بلا احچيها...

اتسومو: شنو رأيكم نبوگ عيديه الجهال؟

شويو: خطيه.

توبيو: دولي اني موافق.

كورو: خاف ابوگ وما انجح من السادس؟

كينما: عود انته هم مصدگ نفسك تنجح؟

شويو: دكافي يلا حتى اني موافق.

الكل اتفق وراحوا يبوگون بدون احساس...

توبيو: اتي راح اروح على ذولاك الجهال واضح اغبياء..

راح توبيو وبدا يحچي وياهم..

توبيو: يا ولد تعالو اگوللكم شي.

....: ها شرايد؟

توبيو: تدرون هاي الفلوس مالتكم مال وحوش.

...: يعني مالتك؟

توبيو ضل صافن ما يدري يحزن لان اهانوه ولا يفرح لان صدگو جذبته...

توبيو: اي صح اذا بقت الفلوس عدكم راح تصيرون هم وحوش مثلي.

.....: يععع ما اريد اصير مثلك..

الجهال انطو الفلوس التوبيو وانهزمو وفعلا منو يريد يصير مثل توبيو لا خلقه لا اخلاق..

.
.
اجتمعت الشله مرة ثانيه وبدو يشوفون شگد جمعوا وطلع خير من الله...

شويو: هسه ما دام هواي عدنا خلي نروح نشتري..

اتسومو: شوفو انطونياهن واني اشتريلكم احسن ما اتعبون نفسكم.

كينما: اني مال خلگ اشتري لذا هاك جيبلي موطه ام الكبوس.

شويو: اني اريد عصير وكيكه.

كورو: اني كلشي ما حصلت.

اتسومو: طبك مرض.

توبيو: اني جيبلي نستله ام العسل.

اخذ اتسومو الفلوس وراح بدون رجعه ضحك عليهم....

بس وين يشرد يلزمونه لو بعد مليون سنه...

_________________

انگلعوا بكل احترام

"محد يهتم"

بلا هذا مو يموتتت؟ ♡♡♡